Yehova alonzeze omumenye bwinja. Bulagurhe? Anihiire ok’okoli wagenderera kumenya oborhere bwage, enjira zage, omuhigo gwage, kuwanayunva osimire obe mwira wage. Aliko si wakanaba mwira wa Mungu? (Osome Zaburi 25:14.) Bichi wakajira y’oba mwira wage? Ebiblia eshubize kw’ebyola bibazo, enayerekene bulagurhe obwira na Yehova b’obwira bwinja kulusha obwindi boshi wakagwarha.

1. Bichi Yehova Akuhemere Ojirage?

“Muyegere Mungu, naye abayegera.” (Yakobo 4:8) Bichi ebila binwa biyerekene? Yehova y’akuhema k’obe mwira wage. Baguma banabona nka bikomere okuyemera ku bakaba bera ba Mungu bulala barhakamubona ko. Aliko omu Chinwa chage Ebiblia, Yehova arhuyerekere buli chintu rhukenere yi rhumenya oborhere bwage, omu kuntu rhugale kumuyegera. Amango rhwamasoma oburhumwa Mungu arhulikize buli omu Biblia, obwira bwerhu haguma naye bwanakomera chiro akaba oku rhurhasaga kumubona.

2. Bulagurhe Yehova ye mwira mwinja wakagwarha?

Ntaye obaho okuzigire kulusha Yehova. Alonzeze ogwarhe obusime onamulibirhire amango moshi okenere owakurhabala. ‘Wakamukweba kw’emilago yawe yoshi bulala akulagireko.’ (1 Petro 5:7) Amango moshi Yehova aba ali juba-juba kurhabala, okurhuliriza n’okuyunviriza bera-bage.​—Osome Zaburi 94:18, 19.

3. Bichi Yehova asimire bera-bage bajire?

Yehova asima abantu boshi, “aliko anajira obwira bwa hofi-hofi n’abantu benja.” (Mezali 3:32) Yehova alonzeze bera-bage bachihangane kujira ebintu anabona oku bili binja, n’okuyaka ebyanabona ku bili bibi. Hali abakachiyunva nka barhakagala kulama omu kukulikiza amakanuni ma Yehova malolere ebinja n’ebibi. Aliko Yehova arhachiyenza. Anayemera buli yeshi omuherhe k’obuzigire b’okuli onali wajira okwage koshi y’amusimisa.​—Zaburi 147:11; Matendo 10:34, 35.

 HUMBA BWENENE

4. Abrahamu aliri mwira wa Yehova

Engani y’omu Biblia eshambere oku bilolere Abrahamu (oshuba kuyirikwa Abramu) erhurhabere rhumenye okuba mwira wa Mungu k’okuderha gurhe. Osome oku bilolere Abrahamu omu Mwanzo 12:1-4. Muje mwaganira kw’ebila bibazo:

• Bichi Yehova abwiraga Abrahamu ajire?

• Bichi Yehova alimulaganyize?

• Abrahamu naye ajira gurhe?

5. Bichi Yehova ahemere bera-bage?

Hanazigana kuba eyi hali ebintu rhwakasima bera-berhu bajire.

• Bintu bihe woyo osima bera-bawe bakujirirage?

Osome 1 Yohana 5:3, muje mwaganira kw’echila chibazo:

• Bichi Yehova asimire bera-bage bajire?

Yi rhukenga Yehova, byakahema rhuhindamule oborhere awo engeso zerhu. Osome Isaya 48:17, 18, muje mwaganira kw’echila chibazo:

• Chirhumire Yehova ahema bera-bage bahindamuke?

 6. Ebi Yehova anakolera bera-bage

 OKU BUGEKE

Yehova asimire obe mwira wage, anakurhabala omuyegeere.

Rhuchiyibusye

• Nka gurhe Yehova anarhabala bera-bage?

• Bulagurhe Yehova ahemere bera-bage bahindamuke?

• Owazize oku bikomere bwenene okuba mwira wa Yehova si? Akaba nechi, bulagurhe? N’akaba nanga, bulagurhe?