Jewova vle w konnen l pi byen. Poukisa? Paske plis w aprann konnen l, plis w aprann konnen fason l aji ak sa l ta renmen pou ou, se plis w ap anvi vin zanmi l. Èske w ka vin zanmi Bondye toutbon? (Li Sòm 25:14.) Ki sa w ka fè pou w vin zanmi l? Bib la reponn kesyon sa yo e li fè konnen sa k fè Jewova se pi bon zanmi ou kapab genyen.

1. Ki sa Jewova ta renmen w fè?

“Pwoche bò kote Bondye e l ap pwoche bò kote nou.” (Jak 4:8). Ki sa sa vle di? Jewova vle w vin zanmi l. Kèk moun ka twouve l difisil pou yo zanmi Bondye paske yo pa ka wè l. Men, Jewova fè nou konnen tout sa n bezwen konnen sou li nan Pawòl li a, Labib, yon fason pou n vin pi pwòch avè l. Lè nou li mesaj Bondye fè ekri pou nou nan Bib la, nou ka vin pi pwòch li menm lè nou pa janm wè l.

2. Sa k fè Jewova se pi bon zanmi ou kapab genyen?

Pa gen pèsonn ki renmen w plis pase Jewova. Li vle w gen kè kontan e li vle w pale avè l chak fwa w bezwen èd. Ou kapab “lage tout tètchaje [ou] genyen yo sou li paske li gen sousi pou [ou]”. (1 Pyè 5:7.) Jewova toujou pare pou l ede zanmi l yo, pou l konsole yo e pou l koute yo. — Li Sòm 94:18, 19.

3. Ki sa Jewova vle nou fè pou nou ka zanmi l?

Jewova renmen tout moun, “men, li bon zanmi ak moun ki dwat”. (Pwovèb 3:32.) Jewova vle pou zanmi l yo fè sa ki bon nan je l e pou yo pa fè sa li di ki pa bon. Gen moun ki ka santi yo pap janm kapab fè bagay yo jan Jewova vle a. Sepandan, Jewova konprann nou. Li aksepte tout moun ki renmen l toutbon e ki fè tout sa yo kapab pou yo fè l plezi. — Sòm 147:11; Travay 10:34, 35.

 FOUYE PLIS

4. Abraram te zanmi Jewova

Sa Bib la di sou Abraram, yo rele Abram tou, ede nou konprann ki sa sa vle di pou yon moun zanmi Bondye. Li plis bagay sou Abraram nan Jenèz 12:1-4, epi reponn kesyon sa yo:

• Ki sa Jewova te mande Abraram pou l fè?

• Ki sa Jewova te pwomèt Abraram?

• Ki sa Abraram te fè lè l te fin resevwa enstriksyon Jewova yo?

5. Sa Jewova atann pou zanmi l yo fè

An jeneral, nou atann pou zanmi nou fè kèk bagay...

• Bay kèk bagay ou renmen lè zanmi w yo fè pou ou.

Li 1 Jan 5:3, epi reponn kesyon sa a:

• Ki sa Jewova atann pou zanmi l yo fè?

Si nou vle obeyi Jewova, nou ka bezwen fè kèk chanjman nan fason nou aji oswa nan kalite moun nou ye. Li Ezayi 48:17, 18, epi reponn kesyon sa a:

• Poukisa Jewova mande zanmi l yo pou yo fè chanjman lakay yo?

 6. Sa Jewova fè pou zanmi l yo

 SA W TE APRANN

Jewova vle zanmi w e l ap ede w pwoche bò kote l.

Revizyon

• Ki jan Jewova ede zanmi l yo?

• Poukisa Jewova mande zanmi l yo fè yon seri chanjman?

• Èske w panse li twò difisil pou nou zanmi Jewova? Sa k fè w reponn konsa?