Jehova u vanga kutja u mu tjiwe nawa. Omena raye? Eye u vanga kutja u kurise oupanga woye ku na ye otja tji mo rihongo ohunga novikaṋena vye, ozondjira ze, noviṋa mbye undjira ko kove. Hapo ove mo yenene okurira epanga ra Mukuru tjiri? (Lesa Epsalme 25:14.) Ovikeṋa mbi mo hepa okutjita kutja u rire epanga re? Ombeibela i zira omapuriro ngo nu i tu raera kutja ongwaye okukara noupanga ku na Jehova tji ku ri otjiṋa otjinanḓengu tjinene okukapita oupanga warwe.

1. Ovikwaye Jehova mbye vanga kutja u tjite?

“Tumbukeye ku Ndjambi, nEye ma tumbuka ku eṋe.” (Jakobus 4:8) Ihi matji hee ye? Jehova me ku ṋanga kutja u rire epanga re. Ovandu tjiva mape ya ave munu kutja ouzeu okurira epanga ra Mukuru mena rokutja kave ye mu muna. Posi yokutja, Jehova u tu raera oviṋa avihe mbi matu hepa okutjiwa ohunga na ye mEmbo re Ombeibela kokutja tu tumbuke popezu na ye. Indu tji matu lese ombuze ya Mukuru ndji ri mOmbeibela, oupanga wetu ku na Jehova u kurira ko nandarire kutja katu ye mu muna.

2. Ongwaye Jehova tje ri Epanga esemba ndi mo yenene okukara na ro?

Jehova we ku suvera tjinene okukapita ovandu avehe. Eye u vanga kutja u kare nondjoroka nu u kumbe ku ye indu tji mo hepa ombatero. Ove mo yenene ‘okuyumba omerikendero woye aehe kombanda Ye, Eye tjinga e ku pa imbi mbi mo hepa.’ (1 Petrus 5:7) Jehova aruhe u vatera, u huhumiṋa nu u puratena komapanga we.—Lesa Epsalme 94:18, 19.

3. Ovikwaye mbi matu sokutjita kutja tu rire omapanga wa Jehova?

Jehova wa suvera ovandu avehe, “nungwari Eye u yakura ovasemba nouṱakame.” (Omiano 3:32) Jehova u vanga kutja omapanga we ve kondje okutjita imbi eye mbye vara kutja oviwa nokunakaura imbi mbye muna kutja ovivi. Ovandu tjiva ve muna kutja kamaave yenene okutjita oviṋa avihe Jehova mbye vanga nokuyepa imbi ovivi. Posi yokutja, Jehova u notjari. Eye u yakura avehe mbe mu suvera nu mbe kondja okuyorokisa omutima we.—Epsalme 147:11; Oviungura 10:34, 35.

 KONḒONONA OUKOTO

4. Abraham wa ri epanga ra Jehova

Ehungi ra Abraham ndi ri mOmbeibela (eye wina aa tjiukwa otja Abram) ri tu vatera okuzuva nawa kutja okurira epanga ra Jehova ku heya tjike. Lesa ohunga na Abraham mu Genesis 12:1-4. Okuzambo hungirira komapuriro nga:

• Jehova wa ningira Abraham kutja ma tjite vi?

• Jehova we mu kwizikira ye?

• Abraham wa tjita vi?

5. Oviṋa Jehova mbye undjira ko komapanga we

Eṱe tu undjira ko oviṋa kaaṋi okuza komapanga wetu.

• Oviṋa viṋe tjiva mbi u vanga kutja omapanga woye ye ku tjitire?

Lesa 1 Johanes 5:3, nu okuzambo hungirira komapuriro nga:

• Hapo Jehova u undjira ko ye komapanga we?

Kutja tu puratene ku Jehova, matu hepa okurundurura ongaro yetu poo omuano mbu tu ritjinda. Lesa Jesaja 48:17, 18, nu okuzambo hungirira komapuriro nga:

• Ongwaye Jehova tje ningira omapanga we okutjita omarundurukiro?

 6. Oviṋa Jehova mbye tjita okuvatera omapanga we

 OKUYARUKIRA PO OUSUPI

Jehova u vanga okurira Epanga roye, neye me ku vatere kutja u tumbuke popezu na ye.

Okurizemburukisa

• Hapo Jehova u vatera vi omapanga we?

• Ongwaye Jehova tje raera omapanga we okurundurura ozongaro zawo?

• Hapo u muna kutja ouzeu okurira epanga ra Jehova? Omena raye?