ĨSOMO YA 08
Nũtonya Kwĩthĩwa Mũnyanya wa Yeova
Yeova nũkwenda ũmũmanye nesanga. Nĩkĩ? Nĩkwĩthĩwa nĩwĩsĩ kana o ũndũ waendeea kwĩmanyĩsya ĩũlũ wa nguma syake, nzĩa yake ya kwĩka maũndũ, ũndũ ũkuaa andũ, na kĩeleelo kyake, kĩu no kĩtume wenda kũtwʼĩka mũnyanyae. We nũkwona ne ũndũ ũtonyeka ũkethĩwa wĩ mũnyanya wa Ngai? (Soma Yakovo 2:23.) Ũtonya kwĩka ata nĩ kana ũtwʼĩke mũnyanyae? Mbivilia nĩsũngĩĩte makũlyo asu na ĩkonanyʼa kana vai ũnyanya mũseo ũtonya kwĩthĩwa nawʼo ũthonokete ũnyanya vamwe na Yeova.
1. Yeova aũthoketye wĩke ata?
“Thengeeai Ngai, nake akamũthengeea inywʼĩ.” (Yakovo 4:8) Ũu nĩ kwasya ata? Nĩ kwasya kana, Yeova nũkũthoketye wĩthĩwe mũnyanyae. Andũ amwe mewʼaa ne ũndũ wĩ vinya kũĩkĩĩa kana no matwʼĩke anyanya ma Ngai nũndũ maitonya kũmwona. Ĩndĩ Ndetonĩ yake, Mbivilia, Yeova nũtũtavĩtye maũndũ onthe ala twaĩle kũmanya ĩũlũ wake nĩ kana tũmũthengeee. Yĩla twasoma kĩla Yeova ũtũtavĩtye Mbivilianĩ, ũnyanya witũ vamwe nake nũendeeaa kwĩana o na kau tũyĩsa kũmwona.
2. Nĩkĩ Yeova nĩwe mũnyanya ũla mũseo vyũ ũtonya kwĩthĩwa nake?
Vai mũndũ wĩsa ũkwenda kũthonoka ũndũ Yeova ũkwendete. Endaa wĩkale wĩ mũtanu na ũineenaa nake mboyanĩ yĩla ũkwenda ũtethyo. Mbivilia yaĩtye: “Mũimwiĩa kwĩmakĩa kwenyu kwʼonthe, nũndũ nũmũthĩnĩkĩaa.” (1 Vetelo 5:7) Mavinda onthe Yeova ethĩawa eyũmbanĩtye kũtetheesya, kũkiakisya, na kwĩthukĩĩsya anyanyae.—Soma Savuli 94:18, 19.
3. Yeova endaa twĩke ata nĩ kana tũtwʼĩke anyanyae?
Yeova nĩwendete andũ onthe, “ĩndĩ ũnyanya wake nĩ wake na ũla mũlũngalu.” (Nthimo 3:32) Yeova endaa anyanya make matate ũndũ matonya meke maũndũ ala wonaa me maseo na mayĩvathana na ala wonaa me mathũku. Ĩndĩ andũ amwe mewʼaa matatonya kwĩka maũndũ onthe ala Yeova wendaa twĩke na mayĩvathana na ala mathũku. Ĩndĩ o na vailyĩ ũu, Yeova nũtũeleawa. Nĩwĩtĩkĩlaa mũndũ wʼonthe ũla ũmwendete na ũla wĩkaa kyonthe kĩla ũtonya nĩ kana amwendeesye.—Savuli 147:11; Meko ma Atũmwa 10:34, 35.
ĨMANYĨSYE MŨNANGO
Ĩmanyĩsye wone kĩla waĩle kwĩka nĩ kana ũtwʼĩke mũnyanya wa Yeova, na ũyona nĩkĩ nĩwe mũnyanya ũla mũseo vyũ ũtonya kwĩthĩwa nake.
4. Avalaamu aĩ mũnyanya wa Yeova
Ngewa ya Avalaamu (o na ĩngĩ etawa Avalamu) ĩla yĩ Mbivilianĩ, nĩtũtetheeasya kũelewa kĩla kyonanawʼa nĩ mũndũ kwĩthĩwa e mũnyanya wa Ngai. Somai ĩũlũ wa Avalaamu nthĩnĩ wa Mwambĩlĩlyo 12:1-4. Na ĩndĩ mũineenea makũlyo aa maatĩĩe:
-
Yeova eeie Avalaamu eke ata?
-
Yeova athie Avalaamu kyaũ?
-
Avalaamu oonanisye ata kana nĩwamwĩwʼaa Yeova?
5. Yeova endaa anyanya make meke ata?
Ithyonthe nĩtwendaa anyanya maitũ meanĩsye maũndũ mana.
-
Nĩ maũndũ meva wendaa anyanya maku makwĩke?
Somai 1 Yoana 5:3, na ĩndĩ mũineenea ĩkũlyo yĩĩ:
-
Yeova endaa anyanya make meke ata?
Nĩ kana tũmwĩwʼe Yeova no nginya tũvĩndũe mwĩkalĩle witũ na tũyĩthĩwa na nguma nzeo. Somai Isaia 48:17, 18, na ĩndĩ mũineenea ĩkũlyo yĩĩ:
-
Nĩkĩ Yeova wendaa anyanya make meke moalyũku?
Mũnyanya mũseo nũtũtavasya maũndũ ala twaĩle kwĩka nĩ kana tũikalike thĩnanĩ. Ũu nowʼo Yeova wĩkaa anyanyae
6. Kĩla Yeova wĩkaa kwondũ wa anyanya make
Yeova nũtetheeasya anyanya make momĩanĩsye na mathĩna. Ĩloelei VITIO, na ĩndĩ mũineenea ĩkũlyo yĩla yĩatĩĩe.
-
Yeova atethetye ata mũndũ mũka ũla twamwona vitionĩ nĩ kana asinde mosũanĩo make mataĩle, na mawĩmakĩo?
Somai Isaia 41:10, 13, na ĩndĩ mũineenea makũlyo aa:
-
Yeova athĩte anyanya make onthe kyaũ?
-
We nũkwona Yeova atonya kũtwʼĩka mũnyanya mũseo? Na nĩkĩ wasũngĩa ũu?
Anyanya ma vakuvĩ nĩmaũtethasya yĩla ũkwenda ũtethyo. O nake Yeova akaũtetheeasya
7. Anyanya ma Yeova nĩmaĩle kũneenaa nake na maimwĩthukĩĩsya
Anyanya nĩmalũlũmĩĩlasya ndũũ yoo maendeea kũea ngewa. Somai Savuli 86:6, 11, na ĩndĩ mũineenea makũlyo aa:
-
Tũtonya kũneena na Yeova ata?
-
Yeova aneenaa naitũ ata?
Tũneenaa na Yeova kwĩsĩla mboya; nake aineena naitũ kwĩsĩla Mbivilia
ANDŨ AMWE MAASYA: “Vaitonyeka mũndũ akamũthengeea Ngai.”
-
Ũtonya kũtũmĩa ĩandĩko yĩva kũĩkĩĩthya kana nĩtũtonya kwĩthĩwa anyanya ma Yeova?
KĨLA TWEEMANYĨSYA
Yeova nũkwenda kũtwʼĩka mũnyanyau, na nũkũũtetheesya nĩ kana ũmũthengeee.
Makũlyo ma Kũsyokeleela
-
Yeova atetheeasya anyanya make ata?
-
Nĩkĩ Yeova wendaa anyanya make meke moalyũku?
-
We nũkwona ne ũndũ wĩ vinya kũtwʼĩka mũnyanya wa Yeova? Nĩkĩ wasũngĩa ũu?
MAŨNDŨ ANGĨ MA KWĨMANYĨSYA
Ũtonya kũtetheka ata weethĩwa mũnyanya wa Ngai?
“Yeova Nĩ Ngai Twaĩle Kũmũmanya” (Mũsyaĩĩsya, Matukũ 15, Mwei wa 2, 2003)
Ĩmanyĩsye wone ũndũ ũtonya kwĩka nĩ kana wĩthĩwe mũnyanya wa Ngai.
Ĩmanyĩsye wone ũndũ kũtwʼĩka mũnyanya wa Yeova kwatethisye mũndũ mũka ũmwe.
Ĩthukĩĩsye andũ ma mũika mayĩelesya ũndũ mewʼaa ĩũlũ wa Yeova.
No Wendeewʼe Nĩ Ii
MAKŨLYO MAKŨLAWʼA MAVINDA MAINGĨ
Mũvango wa Ngũsĩ sya Yeova wa Kũmanyĩsya Andũ Mbivilia Ũtwaĩĩawʼa Ata?
Mũvango ũũ wa masomo ma Mbivilia ũseũvĩtwʼe nĩ Ngũsĩ sya Yeova ndwĩ ndĩvi, na no ũtũmĩe Mbivilia ĩla ũkwenda. Ĩwʼa wĩ mũthasye kũthokya mũsyĩ waku wʼonthe kana mũnyanya ũla ũkwenda.
