Jehova u no shaka kuti u nzibe kwa ka paphidzika. Ne kutini? U no ziba kuti ha u dwilila u zwidiya ne kwe buthu gugwe, zila dzidze, ne mazwimisilo awe, nowo shaka ku be nkhwinya uwe. A dumbu u nga be nkhwinya we Ndzimu? (Bala Pisalema 25:14.) Ini cha u nga thama kuti u khone ku be nkhwinya uwe? Baibili i no dabila buzo idzedzi ne ku lakidza kuti ini Jehova ili nkhwinya nkulu kwazo wa u nga be naye.

1. Jehova u no ku kumbila kuti u thameni?

“Muzwisedzedze ku Ndzimu ndizo na iwobo unowozwisedzedza kumuli.” (Jakuba 4:8) Ichecho cho dwani? Jehova u no ku kumbila kuti ube nkhwinya uwe. Bangwe ba no kumbula kuti kwa ka sima ku duma kuti ba nga be bakhwinya ne Ndzimu ne kuti ha ba to khona ku mbona. Ne kwa ka jalo, mu Dama lile, Baibili, Jehova u no ti lakidza chingwe ne chingwe cha ti no sheta ku ziba ne kwe buthu gugwe kuti ti khone ku be bakhwinya babe. Ha ti bala nlaetsa wa ta ka kwaligwa ne Ndzimu mu Baibili, bukhwinya gwedu na Jehova go dwilila gu kula nenguba ti sathu ti ka mbona.

2. Ini Jehova ili Nkhwinya nkulu kwazo wa u nga be naye?

Ha kuna u no ku da ku pinda se kwa Jehova e ku da. U no shaka kuti u shathe ne ku linga ku nli nako ingwe ne ingwe ha u shaka batsho. U nga ‘isa zose zwinokudziyidza kuuli, nge kuti ndiwo unokutjengeta.’ (1 Pita 5:7) Mu zwibaka zose Jehova wa ka zwibaakanyila ku batsha, ku nyaladza, ne ku teedza bakhwinya babe.​—Bala Pisalema 94:18, 19.

3. Jehova wa ka lingilila kuti bakhwinya babe ba thameni?

Jehova u no da bathu bose, ngono “nlulwami umu bhapilo lile.” (Zwiani 3:32) Jehova wa ka lingilila kuti bakhwinya babe ba like ku thama zwithu zwa ka lulwama mu mesho awe, ne ku lamba zwithu zwi sa ka lulwama. Bangwe ba no kumbula kuti ha ba nga khone ku chila ne milayo ya Jehova ye cha ka lulwama ne chi sa ka lulwama. Ne kwa ka jalo, Jehova u no hwisisa. U no amuchila nngwe ne nngwe u no nda ne ku gwisila ku thama cha A no amuchila.​—Pisalema 147:11; Mishingo 10:34, 35.

 ZWIDIYE KWA KA NGINILILA

4. Abhurahama wa ka be ali nkhwinya wa Jehova

Mbiko ye Baibili ya Abhurahama (u no dangwa Abhuramu kakale) i no ti batsha ku hwisisa kuti ko dwani ku be nkhwinya we Ndzimu. Bala ne kwa Abhurahama mu na Genesisi 12:1-4. Mu be mu lebesana ne kwe buzo dzi no tobela:

• Jehova wa ka dwa Abhurahama kuti a thameni?

• Jehova wa ka nthembesani?

• Abhurahama wa ka thamani ne kwe cha a ka budziwa na Jehova?

5. Cha ka lingiligwa na Jehova mu bakhwinya babe

Ka njinji ku na zwa ta ka lingilila mu bakhwinya bedu.

• I zwithu zwipi zwa u no da ku thamigwa ne bakhwinya babo?

Bala 1 Johani 5:3, mu be mu lebesana ne kwe buzo i no tobela:

• Jehova wa ka lingililani mu bakhwinya babe?

Kuti ti khone ku hwa Jehova, ti ngana ti ka fanigwa ne ku shandula zila ya ti no zwibata nayo kene buthu gwedu. Bala Izaya 48:17, 18, mu be mu lebesana ne kwe buzo i no tobela:

• Ini Jehova a ka lingilila kuti bakhwinya babe ba shandule zila yabo ye buchilo?

 6. Chi no thamiwa na Jehova ku batsha bakhwinya babe

 CHA WA ZWIDIYA

Jehova u no shaka kuti u be Nkhwinya uwe, ngono u nowo ku batsha kuti u thame u jalo.

U Nga Tini?

• Jehova u no batsha bakhwinya babe chini?

• Ini Jehova e ti bakhwinya babe ba shandule zila ya ba no chila nayo?

• A u no kumbula kuti kwa ka sima ku be nkhwinya wa Jehova? Ne kutini?