Yeova ankulota wako ummanye shana. Mwaa wa nyamani? Nae ankulota umanye umunu wake, dindila dyake, malotelo lake na kupunda namene uve mbodi wake. Wako unkuulula mwiu kuva mbodi wake Nnungu? (Shomya Dimu 25:14.) Nyamani shivaikidile utende pakulota uve mbodi wake? Ibibiliya inkujang’ula vyakudya avi na inkulodya mwaa shani umbodi namu Yeova ni umbodi uvaikidile wako uvenavo.

1. Mwaliko shani wakupa Yeova?

Ibibiliya inkushidoni: “Mmandike Nnungu, nanae momo anammandika.” (Tiyagu 4:8) Manaake nyamani? Yeova akukulalika wako pakulota uve mbodi wake nae. Vanu vanji vankuulula kukumbukila doni: ‘Ngulota kuulula dashi kuva mbodi wake Nnungu muwakati nangu namwona shinu? Mulilove lyake, Ibibiliya, Yeova ankuvalanga vinu uti vyatulota wetu tumanye kwaupande wa umunu wake pakulota wetu tulule kummandika nae. Muwakati wa tushomya ntenga wa Nnungu mu Ibibiliya, umbodi wetu namu Yeova undananopa, ata ikava kenga hainaululika shinu kumwona.

2. Mwaa shani Yeova ni mbodi avaikidile wako uvenavo?

Hapali akunagwaledya namene kenga Yeova. Nae ankulota wako upuwange na ulambele ngwengwe lipwashalelo lyake muwakati waulota. Wako unkuulula “kunjalela nae mangaikangilo lako uti, mwaa nae ankumwangaikangila mwenu.” (1 Patulu 5:7) Yeova ngwengwe ave tayali pakulota kuvapwashela, kuvapambadyanga na kuvaigwilila vambodi vake.—Shomya Dimu 94:18, 19.

3. Yeova alinda nyamani kwa vambodi vake?

Yeova ankuvanagwaledya vanu uti, “kanji ankuvanavo umbodi wa pepipepi na vakukulupilika.” (Mikong’o 3:32) Yeova ankuvalinda vambodi vake valikanyalidye pakulota vatende vinu vyona nae kenga vyambone na valeke kutenda vinu vyakunyata. Vanu vanji vankuulula kukumbukila angulula shinu kutenda vinu uti vyambone vyalota Nnungu. Kwaumwiu Yeova ankumanya shinu asho. Uti vannagwaledya nae na valikanyalidya pakulota kumpuwangidya vankuulula kuva vambodi vake.—Dimu 147:11; Vitendo 10:34, 35.

 LAMBELA KUMANYA VYOE

4. Abulaamu avele mbodi wake Yeova

Shivalanga Ibibiliya kwaupande umwe Abulaamu (namomo wa vanshema Abulamu) shikutupwashela kumanya mana ake kuva mbodi wa Nnungu. Shomya kwaupande umwe Abulaamu mu Kutunduvanga 12:1-4. Badae, mwambangile mwaa vyakudya vya mwina:

• Yeova anjugwite nyamani Abulaamu pakulota atende?

• Yeova alivikidile nyamani kumwe Abulaamu?

• Abulaamu atandile nyamani?

5. Yeova alinda nyamani kwavambodi wake

Kwaumwiu, tunalinda vinu kwa vambodi vetu.

• Vinu shani vinakunagwela vambodi vako vatende?

Shomya 1 Nshuwau 5:3, na badae mwambangile mwaa shakudya sha mwina:

• Yeova ankulinda nyamani kwa vambodi vake?

IPakulota tumwigwilile Yeova, panji inkulateta tubadili umunu wetu au mwakutandela vinu. Shomya Ishaiya 48:17, 18, na badae mwambangile mwaa shakudya sha mwina:

• Mwaa shani Yeova ankuvajugwa vambodi vake vatende mabadiliko mushingumi?

 6. Yeova atenda nyamanikwa vambodi vake

 KWAUNGWIPI

Yeova ankulota ave mbodi wako, nae anauka nakupwashela pakulota ummandike nae.

Tukumbukilange

• Yeova ankuvapwashela dashi vambodi vake?

• Mwaa shani Yeova ankuvajugwa vambodi vake pakulota vatende mabadiliko mushingumi?

• Wako wona kenga ni shinu shakukamadyanga kuva mbodi wake Yeova? Mwaa wa nyamani, au mwaa shani unkwona davo?