Иегова сірерні аны чахсы арах піліп алзыннар тіп хынча. Ноға? Ол ізенче: сірер аннаң танызып алзар, аның чолларынаңар паза сағызынаңар кӧп арах піліп алзар, аның нанҷызы поларға хыныбызарзар. Сірер сынап аның нанҷызы пол поларзар ба? (Псалом 25:14 хығырыбызыңар.) Аның нанҷызы полар ӱчӱн, сірерге ниме идерге кирек? Пу сурығларға Библия нандырча паза ноға Иегованаң нанҷыласханы иң аарлығ палғалыс полчатханын чарыда чоохтапча.

1. Иегова сірерні нимее кӧӧктірче?

«Худайға чағдаңар — сірерге Ол чағдирох» (Иаковтың 4:8). Анзы ниме таныхтапча? Иегова сірерні аның нанҷызы поларға хығырча. Піреезіне кӧрінминчеткен Худайнаң нанҷылас полбас тіп пілдірче. Че Худай позының Сӧзінде, Библияда, пісті ағаа чағдап ползыннар тіп, позынаңар чоохтапча. Худай Библия пастыра чоохтапчатхан нимелерні хығырчатсабыс, аны хаҷан даа кӧрбеен ползабыс таа, аннаң ынархазыбыс тыыпча.

2. Ноға Иегова иң чахсы нанҷы?

Сірерге пірдеезі Иеговадаң артых хынминча. Ол сірерні часкалығ ползыннар паза полызығ кирек полза, аннаң сурынзыннар тіп хынча. Библия хығырча: «Худай сірердеңер сағынча. Аннаңар прай сағыссырастарыңны Ағаа салдырыбызыңар» (1 Петрның 5:7). Иегова позының нанҷыларына полызарға, оларны часхарарға паза истіп аларға тимде. (Псалом 94:18, 19 хығырыбызыңар.)

3. Иегова позының нанҷыларынаң ниме сағыпча?

Иегова прай кізілерге хынча, че «чой нимес кізілернең ол нанҷыласча» (Притчи 3:32). Иегова аның нанҷылары ол орта тіп санапчатхан киректерні итсіннер, саба тіп санапчатхан киректердең хыйа тудынзыннар тіп хынча. Кем-де Худайның нормаларынҷа чуртап полбас тіп сағынар, арса. Че Иегова паарсах Худай. Ағаа сынап хынчатханнар паза аның нормаларынҷа тудынарға кӱстенчеткеннер аның кӧңніне кірчелер (Псалом 147:11; Илҷілернің 10:34, 35).

 ТИРЕҢ АРАХ ХАС КӦРІҢЕР

4. Авраам Иегованың нанҷызы полған

Авраамнаңар, алай Аврамнаңар, Библиядағы чоох Худайның нанҷызы полғаны ниме таныхтапчатханын піліп аларға полысча. Авраамнаңар Бытие 12:1—4 хығырып алып, пу сурығларны ӱзӱрібізіңер:

• Иегова Авраамнаң ниме идерге сурынған?

• Иегова ағаа хайдағ молҷағ пирген?

• Авраам хайди ӱндескен?

5. Иегова нанҷыларынаң ниме сағыпча?

Піс позыбыстың нанҷыларыбыстаң ниме-де сағыпчабыс.

• Нанҷыларың сірерге ниме итсіннер тіп хынчазар?

1 Иоанның 5:3 хығырып алып, ӱзӱрібізіңер:

• Иегова нанҷыларынаң ниме сағыпча?

Иегованың чооғын истер ӱчӱн, піске тудынызыбысты паза хылығыбыстың пірее сариларын алыстырарға кирек полар, арса. Исайя 48:17, 18 хығырып алып, ӱзӱрібізіңер:

• Ноға Иегова нанҷыларын алызарға сурынча?

 6. Иегова нанҷыларына ниме итче

 ӦӦН САҒЫС

Иегова сірерге нанҷы поларға хынча. Ол сірерге позына чағын поларға полыс пирер.

Сағысха хатап кир кӧреелер

• Хайди Иегова нанҷыларына полысча?

• Ноға Иегова нанҷыларын алызарға сурынча?

• Хайди сағынчазар, Иегова нанҷыларынаң иртіре кӧп ниме сағыпча ба? Ноға іди сағынчазар?