8-ساباق
ٴسىز ەحوبا قۇدايدىڭ دوسى بولا الاسىز
ەحوبا قۇداي ٶزىن جاقىنىراق تانىپ-بىلگەنىڭىزدى قالايدى. نەگە؟ ويتكەنى ٴسىز ونىڭ قاسيەتتەرىن، ادامدارعا قالاي قارايتىنى مەن سىزگە نە تىلەيتىنىن كوبىرەك بىلگەن سايىن، ونىمەن دوستاسقىڭىز كەلەدى دەپ ۇمىتتەنەدى. اللا تاعالانىڭ دوسى بولۋ شىنىمەن مۇمكىن بە؟ (ٴزابۇر 25:14 وقىڭىز). ونىمەن دوس بولۋ ٷشىن نە ىستەي الاسىز؟ كيەلى كىتاپ وسى ساۋالدارعا جاۋاپ بەرەدى جانە ەحوبامەن دوستىق ٴسىز ٷشىن نەگە الەمدەگى ەڭ قىمبات دوستىق بولاتىنىن كورسەتەدى.
1. ەحوبا ٴسىزدى نە ىستەۋگە شاقىرادى؟
كيەلى جازبالار: «قۇدايعا جاقىنداڭدار، سوندا ول دا سەندەرگە جاقىندايدى»،— دەپ شاقىرادى (جاقىپ 4:8). بۇل ٴسوزدىڭ ٴمانى نەدە؟ ەحوبا سىزگە وزىمەن دوس بولۋدى ۇسىنادى. بىرەۋلەر اللا تاعالا كوزگە كورىنبەيتىندىكتەن، ونىمەن دوس بولۋ مۇمكىن ەمەس دەپ ويلايتىن شىعار. ال وزگەلەرى اللامەن دوس بولۋ دەگەن ويدىڭ ٶزى قۇرمەتسىزدىك دەپ ەسەپتەيدى. الايدا ەحوبا كيەلى كىتاپتا ٶزىنىڭ قانداي ەكەنىن تانىپ-بىلۋىمىزگە قاجەتتىنىڭ ٴبارىن جازدىرعان. ول مۇنى ٴبىزدى وزىنە جاقىنداسىن دەپ ىستەدى. كيەلى كىتاپتان ەحوبانىڭ بىزگە ارناعان سوزدەرىن وقىعاندا، ونى ەشقاشان كورمەسەك تە، دوستىعىمىز بەكي تۇسەدى.
2. نەگە ەحوبا ەڭ كەرەمەت دوسىڭىز بولادى؟
ٴسىزدى ەحوبادان ارتىق ەشكىم سۇيە المايدى. ول ٴسىزدىڭ باقىتتى بولعانىڭىزدى جانە مۇقتاج كەزىڭىزدە وعان جۇگىنگەنىڭىزدى قالايدى. «بار ۋايىمىڭىزدى وعان ارتىڭىز، سەبەبى ول قامىڭىزدى ويلايدى» (پەتىردىڭ 1-حاتى 5:7). ەحوبا ٵردايىم دوستارىنىڭ جانىنان تابىلىپ، قولداپ-دەمەۋگە، جۇباتۋعا جانە تىڭداۋعا اسىق (ٴزابۇر 94:18، 19 وقىڭىز).
3. ەحوبا ٶز دوستارىنان نە كۇتەدى؟
ەحوبا بارلىق ادامداردى جاقسى كورەدى، ٴبىراق «شىنشىل اداممەن جاقىن دوس بولادى» (ناقىل سوزدەر 3:32). ەحوبا دوستارىنىڭ ول جاقسى دەيتىندى ىستەپ، جامان دەيتىننەن جيرەنگەنىن قالايدى. كەيبىرەۋلەر ونىڭ جاقسى مەن جامانعا قاتىستى تالاپتارىن ەشقاشان ورىنداي المايمىن دەپ ويلاۋى مۇمكىن. الايدا ەحوبانىڭ راقىمى مول. ونى شىن سۇيەتىن ٵرى وعان ۇناۋعا بارىنشا تىرىساتىن ٵربىر ادامعا ول شاپاعاتىن تۇسىرەدى (ٴزابۇر 147:11؛ ەلشىلەردىڭ ىستەرى 10:34، 35).
تەرەڭىرەك ٷڭىلىڭىز
ەحوبامەن دوستاسۋ ٷشىن نە ىستەسەڭىز بولاتىنى جايلى جانە نەگە ول ٴسىزدىڭ ەڭ جاقسى دوسىڭىز بولا الاتىنى جايىندا كوبىرەك بىلەيىك.
4. ىبىرايىم پايعامبار ەحوبانىڭ دوسى بولعان
كيەلى كىتاپتاعى ىبىرايىم پايعامبار (ىبىرام دەپ تە اتالعان) تۋرالى وقيعادان اللانىڭ دوسى بولۋ ٷشىن نە ىستەۋ كەرەكتىگىن تۇسىنەمىز. ىبىرايىم تۋرالى مۇسانىڭ 1-جازباسى 12:1—4 وقىپ، كەلەسى سۇراقتاردى تالقىلاڭىزدار:
-
ەحوبا ىبىرايىمعا نە ىستە دەدى؟
-
ەحوبا وعان قانداي ۋادە بەردى؟
-
ىبىرايىم نە ىستەدى؟
5. ەحوبا دوستارىنان نە كۇتەدى؟
ٴبىز ادەتتە دوستارىمىزدان ٴبىر نارسە كۇتەمىز.
-
دوستارىڭىز ٴسىز ٷشىن نە ىستەگەنىن قالار ەدىڭىز؟
جوحاننىڭ 1-حاتى 5:3 وقىپ، مىنا سۇراقتى تالقىلاڭىزدار:
-
ەحوبا دوستارىنان نە كۇتەدى؟
ەحوباعا مويىنسۇنۋ ٷشىن بىزگە ٴجۇرىس-تۇرىسىمىزدى، مىنەز-قۇلقىمىزدى وزگەرتۋ قاجەت بولاتىن شىعار. يشايا 48:17، 18 وقىپ، مىنا سۇراقتى تالقىلاڭىزدار:
-
ەحوبا نەلىكتەن دوستارىنىڭ جاقسى جاققا وزگەرگەنىن قالايدى؟
جاقسى دوس بىزگە پايدالى بولاتىن ٵرى امان ساقتايتىن ەسكەرتۋلەر ايتادى. ەحوبا دا دوستارىنا سولاي ەتەدى
6. ەحوبا ٶز دوستارى ٷشىن نە ىستەيدى؟
ەحوبا دوستارىنا قيىندىقتارعا توتەپ بەرۋگە كومەكتەسەدى. بەينەروليكتى كورىپ، كەلەسى سۇراقتى تالقىلاڭىزدار:
-
بەينەروليكتەگى ايەلگە جاعىمسىز ويلارمەن جانە سەزىمدەرمەن كۇرەسۋگە ەحوبا قالاي كومەكتەستى؟
يشايا 41:10، 13 وقىپ، تومەندەگى سۇراقتاردى تالقىلاڭىزدار:
-
ەحوبا بارلىق دوستارى ٷشىن نە ىستەيمىن دەپ ۋادە ەتەدى؟
-
قالاي ويلايسىز، ەحوبا جاقسى دوس بولا ما؟ نەگە؟
جان دوستارىڭىز مۇقتاج كەزىڭىزدە قول ۇشىن بەرەدى. ەحوبا دا سىزگە كومەكتەسەدى
7. دوس بولۋ ٷشىن ەحوبامەن سويلەسۋ كەرەك
دوستار سويلەسىپ تۇرسا، ارالارىنداعى دوستىقتىڭ ٴجىبى مىقتى بولا تۇسەدى. ٴزابۇر 86:6، 11 وقىپ، مىنا سۇراقتاردى تالقىلاڭىزدار:
-
ٴبىز ەحوبامەن قالاي سويلەسە الامىز؟
-
ال ەحوبا بىزبەن قالاي سويلەسەدى؟
ٴبىز ەحوباعا دۇعا ارقىلى سويلەيمىز، ال ول بىزگە كيەلى كىتاپ ارقىلى سويلەيدى
كەيبىرەۋلەردىڭ ايتاتىنى: «اللامەن دوس بولۋ مۇمكىن ەمەس».
-
ەحوبا قۇدايمەن دوس بولۋ مۇمكىن ەكەنىن ٴتۇسىندىرۋ ٷشىن قانداي تارماقتى كورسەتەر ەدىڭىز؟
تۇيىندەمە
ەحوبا سىزبەن دوس بولعىسى كەلەدى ٵرى وزىنە جاقىنداۋىڭىزعا كومەك بەرەدى.
قايتالاۋ
-
ەحوبا دوستارىنا قالاي كومەكتەسەدى؟
-
ەحوبا دوستارىنا نەگە وزگەرىستەر جاساۋدى ايتادى؟
-
سىزدىڭشە، ەحوبا دوستارىنان تىم كوپ نارسە كۇتە مە؟ نەگە ولاي دەپ ويلايسىز؟
قوسىمشا ىزدەنىڭىز
قۇدايمەن دوس بولعانىڭىز ومىرىڭىزگە قالاي اسەر ەتەدى؟
«ەحوبا — تانىسۋعا تۇراتىن قۇداي» («كۇزەت مۇناراسى»، 1-ناۋرىز، 2003)
قۇدايمەن دوس بولۋ ٷشىن نە ىستەۋگە بولاتىنىن ٴبىلىڭىز.
ەحوبامەن دوستاسقاننىڭ ارقاسىندا ٴبىر ايەل قالاي امان-ەسەن جۇرگەنىن وقىپ ٴبىلىڭىز.
«مەنىڭ ولگىم كەلمەدى!» («كۇزەت مۇناراسى»، 1-ٴنومىر، 2017)
جاسوسپىرىمدەردىڭ ەحوباعا دەگەن سەزىمدەرى جايلى تىڭداپ كورىڭىز.
قىزىقتى بولار مالىمەتتەر
ٴجيى قويىلاتىن سۇراقتار
كيەلى كىتاپتى زەرتتەۋ ساباعى دەگەن نە؟
كيەلى كىتاپتى اقىسىز زەرتتەۋ ساباعىنا قاتىستى سۇراقتارىڭىزعا جاۋاپ الىڭىز.
