ILINNIAGASSAQ 08
Jehovamut ikinngutaalersinnaavutit
Jehovap kissaatigaa qanoq ittuunini siunertanilu pillugit paasisaqarnerussasutit. Sooq? Ikinngutigilerusukkamitit. Guutimulli ilumut ikinngutaalertoqarsinnaava? (Jaaku 2:23 atuarsiuk). Ikinngutigilerumallugu qanoq iliussavit? Apeqqutit taakku Biibilimi akissutissarsissavatit. Aamma paasissavat sooq Jehova ikinngutaasinnaasoq pitsaanerpaaq.
1. Jehovap sumik periarfissippaatigut?
“Guuti qanillisiuk, taava ilissinnut qanillissaaq.” (Jaaku 4:8) Tamanna qanoq isumaqarami? Jehovap qanimut ikinngutigilerusuppaatit. Inuit ilaasa Guutimik takuneqarsinnaanngitsumik ikinnguteqarsinnaanertik upperiuminaatsittarpaat. Jehovalli ikinngutigerusukkamisigut oqaatsini, Biibili, aqqutigalugu kinaassutsini uagutsinnut oqaluttuaraa. Taamaattumik Biibilimi atuaraangatta Jehova takusinnaanngikkaluarlugu qaninnerulertarparput.
2. Sooq Jehova ikinngutaalluarnerpaava?
Jehovap asangaarpaatit. Kissaatigaa nuannaassasutit, aamma ikioqqugaangavit tusarnaartarpaatit. ‘Isumassormatit isumakuluutitit tamaasa taassumunnga miloriussinnaavatit.’ (Petrusimit 1. 5:7) Jehova ikinngutiminik tapersersuinissaminut tuppallersaanissaminullu piareersimajuaannarpoq. – Tussiaat 94:18, 19 atuarsigit.
3. Jehova ikinngutigilerumallugu susariaqarpit?
Jehovap inuit tamaasa asavai, ‘peqqusersuitsulli’ kisiisa ikinngutigerusuppai. (Ussatit 3:32) Peqqusersuitsut tassaapput Jehovap eqqortutut isigisaanik iliorniarsarisut eqqunngitsutullu isigisaanik iliornaveersaartut. Inuit ilaasa Jehovap piumasaatut iliortuarsinnaannginnertik ernumassutigisarpaat. Jehovali paasinnittuuvoq nallittuingaartuullunilu. Imminik ilumoorlutik asannittut iluarisamisullu iliorniarsarisut kikkulluunniit ikinngutigerusuppai. – Tussiaat 147:11; Apustilit Suliaat 10:34, 35.
ITISILIINEQ
Paasiniaruk qanoq Jehovamut ikinngutaalersinnaasutit aamma sooq Jehova ikinngutaalluarnerpaasoq.
4. Aaperaat Jehovamut ikinngutaavoq
Aaperaat, aamma Abramimik taaneqartoq, pillugu Biibilimi oqaluttuaq misissorutsigu paasissavarput Guutimut ikinngutaaneq qanoq paasisariaqarnersoq. Mosesimik 1. 12:1-4 atuarsigit, apeqqutillu uku eqqartorlugit:
-
Jehovap Aaperaat qanoq ilioqquaa?
-
Jehovap qanoq neriorsorpaa?
-
Aaperaat qanoq iliorpa?
5. Jehovap ikinngutigerusutai
Inunnik nuannarisatsinnik ikinnguteqarusuttarpugut.
-
Illit qanoq ittunik ikinnguteqarusuttarpit?
Johannesimit 1. 5:3 atuarsiuk apeqqullu una eqqartorlugu:
-
Jehovamut ikinngutaalluarusunnerput qanoq ersersissinnaavarput?
Jehovamut naalakkumalluta ileqqugut pissuserpullu allanngortittariaqarsinnaavagut. Esaja 48:17, 18 atuarsigit apeqqullu una eqqartorlugu:
-
Sooq Jehovap kissaatigaa ikinngutini allanngueriaannaassasut?
Ikinngutigilluakkavit iluaqutigisassannik ilioqqusarpaatit. Aamma Jehova taamaaliortarpoq
6. Jehovap ikinngutini qanoq ikiortarai
Jehovap ikinngutini ajornartorsioraangata ikiortarpai. VIDEO takusiuk apeqqullu tulliuttoq eqqartorlugu.
-
Arnaq videumi takusarput eqqarsaatinik misigissutsinillu nuanniitsunik akiuinermini Jehovamit qanoq ikiorneqartarpa?
Esaja 41:10, 13 atuarsigit apeqqutillu uku eqqartorlugit:
-
Jehovap ikinngutini tamaasa qanoq neriorsorpai?
-
Jehova ikinngutaalluarsinnaasoraajuk? Sooq taama isumaqarpit?
Ikinngutigilluakkavit pisariaqartitsigaangavit ikiortarpaatit. Aamma Jehova taamaaliortarpoq
7. Jehova ikinngutigilerumallugu attaveqaqatigisariaqarpat
Ikinngutigiit oqaloqatigiittartut imminnut qaninnerulertarput. Tussiaat 86:6, 11 atuarsigit apeqqutillu uku eqqartorlugit:
-
Jehova qanoq attavigisinnaavarput?
-
Jehovap qanoq attavigisarpaatigut?
Qinugaangatta Jehova oqaluuttarparput; Biibilimi atuaraangatta Jehovap oqaluuttarpaatigut
OQARTOQARTARPOQ: “Guutimut ikinngutaalertoqarsinnaanngilaq.”
-
Jehovamut ikinngutaalertoqarsinnaanera ersersinniarlugu allassimaffik suna atussagaluarpiuk?
EQIKKAANEQ
Jehovap ikinngutigilerusuppaatit, imminullu qanilleqqullutit ikiorumaarpaatit.
Uteqqiineq
-
Jehovap ikinngutini qanoq ikiortarpai?
-
Sooq Jehovap kissaatigaa ikinngutini allanngueriaannaassasut?
-
Jehovap ikinngutiminut piumasaqaatai ingasappallaarsoraagit? Sooq taama isumaqarpit?
NAMMINEQ MISISSUGASSATIT
Guutimik ikinnguteqarnerit qanoq iluaqutigisinnaaviuk?
Qanoq Guutimut ikinngutaalersinnaanerit paasiniaruk.
Arnap Jehovamik ikinnguteqarnini sooq pingaartingaaraa paasiniaruk.
“Toqorusunngilanga!” (Napasuliaq Alapernaarsuiffik nr. 1 2017)
Jehova pillugu inuusuttut isumaat tusarnaaruk.