DISÁ 08
Eye Utena Kukala Dikamba Dya Jihova
Jihova wamesena kwila umwijiya. Mukonda dyahi? Jihova wamesena kwila wijiya o idifwa yê, o jinjila jê ni vondadi yê. Kyoso ki uya ni kudilonga o ima yiyi, o ukamba wé ni mwene, wandakola dingi. Mudyé, o kwila tutena mwene kukala makamba a Nzambi? (Tanga Jisálamu 25:14.) Ihi i utena kubhanga phala kukala dikamba dyê? O Bibidya itambwijila o ibhwidisu yiyi. Ilondekesa we se mukonda dyahi o ukamba ni Jihova wene o ukamba wa beta kota u utena kukala nawu.
1. Ihi ikubhinga Jihova phala kubhanga?
O Bibidya yamba: “Zukamenu kwa Nzambi, mwene umizukama enu.” (Tiyaku 4:8) O izwelu yiyi, ilombolola ihi? Jihova wa mukwixana phala kukala kamba dyê. Athu avulu a banza kwila, katena kubhanga ukamba ni Nzambi, mukonda katena ku mumona. O Maka mê, o Bibidya, izwela yalungu ni yoso itwabhingi phala kumwijiya, mu kiki tutena kuzukama kwa mwene. Kyoso ki utanga o Bibidya, o ukamba wé ni mwene, ukola dingi sumbala kitutena ku mumona.
2. Mukonda dyahi Jihova mwéne o Dikamba dya beta kota di utena kukala nadyu?
Mukonda Jihova wakuzolo dingi, muthu woso woso ndenge. Mwene wa mesena kwila usanguluka, wa mesena we kwila tuzwela nê ithangana yoso. O Bibidya yamba: ‘Hele yenu yoso xilenuyu Nzambi, mukonda mwene wene mu milanga.’ (1 Phetele 5:7) Jihova wala polondo phala kukwatekesa, kukonda o malamba, ni kwivwa o makamba mê ithangana yoso.—Tanga Jisálamu 94:18, 19.
3. Jihova wa mesena kwila o makamba mê abhanga ihi?
Jihova wa zolo o athu oso, “maji o kikutu kyê ukijitwina athu oso ayuka muxima.” (Jisabhu 3:32) Jihova wamesena kwila o makamba mê abhanga o ima yambote, o ima ya yibha a izemba. Sayi athu nange a divwa kwila, kandatena kubhanga o ima yoso kala kya mesena Jihova. Jihova wejiya o kidi kiki. Mwene uxikina athu oso a Muzolo ni muxima woso, abhanga yoso ya wabhela Mwene.—Jisálamu 147:11; Ikalakalu 10:34, 35.
DILONGE DINGI
Dilonge dingi yalungu ni kyebhi ki utena kukala u dikamba dya Jihova, ni mukonda dyahi mwene o Dikamba dya beta kota di utena kukala nadyu.
4. Mbalahamu wexile dikamba dya Jihova
O musoso wa Bibidya wa lungu ni Mbalahamu (amwixana we Mbalamu) utulondekesa ihi ilombolola kukala dikamba dya Nzambi. Tanga o musoso wa Mbalahamu mu divulu dya Dimatekenu 12:1-4. Mukusuluka bhanga o ibhwidisu ya kayela:
-
Jihova wa bhingi kwa Mbalahamu phala kubhanga ihi?:
-
Ihi ya mu kanena Jihova?:
-
Ihi ilondekesa kwila, Mbalahamu wa belesela o itendelesu ya Jihova?
5. Jihova wa mesena kwila o makamba mê a bhanga ihi?
Sayi ima i tumesena kwila, o makamba metu a ibhanga.
-
Ima yebhi i wa wabhela kwila, o makamba mê a kubhangayu?
Tanga 1 Nzwá 5:3, mukusuluka bhanga o kibhwidisu kya kayela:
-
Jihova wamesena kwila o makamba mê a bhanga ihi?
Phala kubelesela Jihova, twabhingi kulungulula o ukexilu wetu mba o wendelu wetu. Tanga Izaya 48:17, 18, mukusuluka bhanga o kibhwidisu kya kayela:
-
Mukonda dyahi Jihova wamesena kwila, o makamba mê a lungulula ima ku myenyu yâ?
O dikamba dyambote ututendelesa kubhanga ima itena kutulanga, ni kutukwatekesa. Kyene we kibhanga Jihova ku makamba mê
6. Ihi ibhanga Jihova phala kukwatekesa o makamba mê?
Jihova ukwatekesa o makamba mê kudibhana ni maka. Tala OVIDYU, mukusuluka bhanga o kibhwidisu kya kayela.
-
Kala kitwatale mu vidyu, kyebhi Jihova kya kwatekesa o muhatu kutolola o ixinganeku yê ya yibha?
Tanga Izaya 41:10, 13, mukusuluka bhanga o ibhwidisu ya kayela:
-
Jihova wa kanena kubhanga ihi phala o makamba mê moso?
-
Eye uxikina kwila Jihova utena kukala Dikamba dyambote? Mukonda dyahi?
O makamba a kidi a kukwatekesa kyoso ki ubhindama. Jihova wandakukwatekesa we
7. Phala kukala kamba dya Jihova twabhingi kuzwela nê ni kumwivwa
O kudizwelesa kukolesa o ukamba. Tanga Jisálamu 86:6, 11, mukusuluka bhanga o ibhwidisu ya kayela:
-
Kyebhi kitutena kuzwela ni Jihova?
-
Kyebhi Jihova kya zwela n’etu?
Etu tuzwela ni Jihova bhu kaxi ka musambu, mwene uzwela n’etu bhu kaxi ka Bibidya
ATHU AVULU AMBA: “Kubhonza kukala dikamba dya Nzambi.”
-
Velusu yebhi iweji tanga phala kulondekesa ku athu kwila, tutena kukala makamba a Jihova?
IHI IWADILONGO
Jihova wa mesena kukala Kamba dyé, mwene wandakukwatekesa kumuzukama.
Kubhitulula
-
Kyebhi Jihova kya kwatekesa o makamba mê?
-
Mukonda dyahi Jihova utendelesa o makamba mê kulungulula ima ku myenyu yâ?
-
Mudyé, o kwila kubhonza kukala dikamba dya Jihova? Mukonda dyahi uzwela kiki?
TOKWESA DINGI
Mbote yebhi ijila mu kukala dikamba dya Nzambi?
“Jihova, o Nzambi Uwatokala Kumwijiya” (A Sentinela, 15 de fevereiro de 2003, mu Phutu)
Dilonge kyebhi ki utena kukala dikamba dya Nzambi.
Tala kyebhi o ukamba ni Jihova wa bhulula o mwenyu wa muhatu umoxi a mutange mu milongi ya kayela.
Mu vidyu ya kayela, ivwa o ibanzelu ya minzangala, ya lungu ni Jihova.
Eye Nange Wandawabhela we o Maka Yá
IBHUIDISU IENE MU BHANGA DINGI O ATHU
Kyebhi o Jimbangi ja Jihova Kyene Mulonga o Bibidya?
Ni ukexilu ubhe yú wakulonga o Bibidya wa Jimbangi ja Jihova, eye utena we kutanga o jivelesu mu Bibidya yoso yoso iwamesena. Divwa kyambote phala kwixana muthu kumwiji wé mba kamba dyé kudibunda neye mukudilonga o Bibidya.
