ДӘРСА 08
Тӧ Дькари Бьби Досте Йаһоԝа
Йаһоԝа дьхԝазә ԝәки тӧ дьһа рʹьнд ԝи нас ки. Чьрʹа? Әԝ занә кӧ тӧ чьԛас рʹьнд ԝи рʹейед ԝи у нета ԝи нас ки, һаԛас һе зедә тӧйе бьхԝази бьби досте ԝи. Ле тӧ баԝәр дьки кӧ тӧ дькари бьби досте Йаһоԝа? (Бьхунә Зәбур 25:14). Тӧ чь дькари бьки, ԝәки бьби досте ԝи? Кʹьтеба Пироз щаба ԝан пьрса дьдә у әʹйан дькә кӧ чьрʹа достийа тʹәви Йаһоԝа, достийа лапә фәрз у ԛимәт ә.
1. Йаһоԝа тә тʹәглиф дькә кӧ тӧ чь бьки?
«Хԝә ль Хԝәде бьгьрьн, Хԝәде жи ԝе хԝә ль ԝә бьгьрә» (Аԛуб 4:8). Ле әԝ чь те һʹәсабе? Йаһоԝа тә тʹәглиф дькә ԝәки бьби досте ԝи. Һьнәкарʹа дьбәкә чәтьн бә баԝәр кьн, кӧ әԝана дькарьн бьбьн досте ԝи кәси, кʹижани кӧ навиньн, демәк Хԝәде. Ле Йаһоԝа Хәбәра хԝәда дәрһәԛа хԝә мәрʹа ԝан тьшта әʹйан дькә, чь кӧ али мә дькьн незики ԝи бьн. Рʹаст ә әм Хԝәде навиньн, ле чахе әм Кʹьтеба Пирозда мьзгинийа Хԝәде дьхуньн, достийа мә тʹәви ԝи дьһа ԛәԝи дьбә.
2. Чьрʹа Йаһоԝа досте лапи баш ә?
Тʹӧ кәс тә ӧса һʹьз накә чаԝа кӧ Йаһоԝа тә һʹьз дькә. Әԝ дьхԝазә тӧ бәхтәԝар би у гава тәрʹа аликʹари лазьм бә, ԝирʹа дӧа бьки. Хәбәра ԝида те готьне: «Һʹәму хәмед хԝә бавежьнә сәр ԝи, чьмки әԝ бона ԝә хәм дькә» (1 Пәтрус 5:7). Йаһоԝа тʹьме һазьр ә али хьзмәткʹаред хԝә бькә, дьлбинийе бьдә ԝан у дӧайед ԝан бьбьһе (Бьхунә Зәбур 94:18, 19).
3. Йаһоԝа дьхԝазә әм чь бькьн ԝәки бьбьн достед ԝи?
Йаһоԝа һʹәму мәрьва һʹьз дькә, ле «Әԝ һәвале сьтԛе дьле рʹаст ә» (Мәтʹәлок 3:32). Йаһоԝа һивийе йә ԝәки достед ԝи чьԛас дькарьн ԝан тьшта бькьн, чь кӧ бәр чʹәʹве ԝи рʹаст ьн, у хԝә жь тьштед хьраб дур бьгьрьн. Һьнә мәрьв дьфькьрьн кӧ ԝе тʹӧ щар нькарьбьн һʹәму алийада ль гора хԝәстьна Йаһоԝа бьжин у тʹӧ хьрабийе нәкьн. Ле Йаһоԝа рʹәʹм ә у Әԝ ԝан һʹәмуйа ԛәбул дькә, йед кӧ һʹәму тьшти дькьн ԝәки дьле Ԝи ша кьн (Зәбур 147:11; Кʹаред Шандийа 10:34, 35).
КʹУР ЛЕКОЛИН КӘ
Һе зедә пебьһʹәсә кӧ тӧ ча дькари бьби досте Йаһоԝа у чьрʹа Йаһоԝа досте лапи баш ә.
4. Бьраһим досте Йаһоԝа бу
Сәрһатийа Бьраһим (әԝ ӧса жи әʹйан бу ча Абрам) жь Кʹьтеба Пироз, дьдә кʹьфше кӧ чь те һʹәсабе бьбьн досте Йаһоԝа. Дәрһәԛа Бьраһим бьхунә Дәстпебун 12:1-4. Паше ԝан пьрса шеԝьр кә:
-
Йаһоԝа чь готә Бьраһим кӧ бькә?
-
Йаһоԝа ԝирʹа чь соз да?
-
Бьраһим һьндава рʹебәрийа Йаһоԝа ча хԝә да кʹьфше?
5. Йаһоԝа жь достед хԝә һивийа чь йә?
Тʹәбийәти йә кӧ әм һивийе нә, ԝәки һәвалед мә һьнә тьшт бькьн.
-
Тӧ дьхԝази кӧ һәвалед тә бона тә кʹижан һьнә тьшта бькьн?
Бьхунә 1 Йуһʹәнна 5:3, у паше әве пьрсе шеԝьр кә:
-
Йаһоԝа жь достед хԝә һивийа чь йә?
Сәва кӧ гӧрʹа Йаһоԝа бькьн, дьбәкә мәрʹа лазьм бә хԝә у рʹабун-рʹуньштьна хԝә бьгӧһезьн. Бьхунә Ишайа 48:17, 18, у паше әве пьрсе шеԝьр кә:
-
Чьрʹа Йаһоԝа дьхԝазә кӧ достед ԝи гӧһастьна бькьн?
Һәвале баш ԝе тʹьме бинә бира мә, кӧ әм чь бькьн ԝәки нәкʹәвьнә нав проблема у кʹаре бьстиньн. Йаһоԝа һьндава достед хԝәда һәма ӧса нә
6. Йаһоԝа бона достед хԝә чь дькә?
Йаһоԝа али достед хԝә дькә ԝәки бькарьбьн чәтьнайада тәйах кьн. Вехә ВИДЕО, у паше әве пьрсе шеԝьр кә:
-
Ча жь видео һатә кʹьфше, Йаһоԝа ча али кʹӧлфәтәк кьр, ԝәки фькьред нәрʹаст жь сәре хԝә дәрхә у дьлтәнг нәбә?
Бьхунә Ишайа 41:10, 13, у паше ван пьрса шеԝьр кә:
-
Йаһоԝа бона һʹәму достед хԝә чь соз дьдә?
-
Ча тӧ дьфькьри, Йаһоԝа дькарә бона тә бьбә досте баш? Чьрʹа?
Һәвалед незик ԝе бен һәԝара тә, чахе тӧ һʹәԝщә би. Йаһоԝа жи ԝе али тә бькә гава тәрʹа лазьм бә
7. Сәва кӧ бьбьнә достед Йаһоԝа, әм гәрәке тʹәви ԝи хәбәр дьн у гӧһ бьдьнә ԝи
Һәвал бь сайа хәбәрдане дьһа незики һәв дьбьн. Бьхунә Зәбур 86:6, 11, у паше ван пьрса шеԝьр кә:
-
Әм ча дькарьн тʹәви Йаһоԝа хәбәр дьн?
-
Йаһоԝа ча тʹәви мә хәбәр дьдә?
Әм бь сайа дӧа тʹәви Йаһоԝа хәбәр дьдьн; Йаһоԝа бь Кʹьтеба Пироз тʹәви мә хәбәр дьдә
ҺЬНӘ МӘРЬВ ДЬБЕЖЬН: «Мәрьв нькарә бьбә досте Йаһоԝа.»
-
Тәйе кʹижан рʹез бьда хәбате сәва кӧ нишан ки, ԝәки әм дькарьн бьбьн достед Йаһоԝа?
ТʹӘМАМКЬРЬН
Йаһоԝа дьхԝазә кӧ тӧ бьби досте ԝи у әԝ ԝе али тә бькә, ԝәки незики ԝи би.
Ԝәкʹьландьн
-
Йаһоԝа ча али достед хԝә дькә?
-
Чьрʹа Йаһоԝа дьхԝазә ԝәки достед ԝи нав хԝәда гӧһастьна бькьн?
-
Ча тӧ дьфькьри, чәтьн ә бьби досте Йаһоԝа? Шьровәкә чьрʹа әре йан чьрʹа на?
ҺЕ ЗЕДӘ ПЕБЬҺʹӘСӘ
Достийа тә тʹәви Йаһоԝа ча дькарә жийина тә баш кә?
«Йаһоԝа; Хԝәдайе кӧ Һежа йә Ԝи Нас Бькьн» («Бьрща Ԛәрәԝьлийе», 15 Сьбате, 2003)
Пебьһʹәсә кӧ тӧ чаԝа дькари бьби досте Йаһоԝа.
«Чаԝа Әз Дькарьм Бьбьмә Досте Хԝәде?» («Пьрсед Щаһьла у Ширәтед Керһати», Пʹара 2, сәре 35)
Пебьһʹәсә кӧ ча достийа тʹәви Йаһоԝа әʹмьре кʹӧлфәтәке дьһа баш кьр.
Бьньһерʹә һьнә щаһьл чь дьбежьн дәрһәԛа Йаһоԝа.
Дьбәкә Wәрʹа Һʹәwас бә
ПЬРСЕД ГӘЛӘК МӘРИЙА
Чь Те Һʹәсабе Курса Һинбуна Кʹьтеба Пироз Тʹәви Шәʹдед Йаһоԝа?
Ԝәʹде курса бепʹәрә тʹәви Шәʹдед Йаһоԝа, тӧ дькари ве ԝәлгәрʹандьна Кʹьтеба Пироз бьди хәбате кʹижан тӧ дьхԝази. Тӧ дькари аза нәфәр у һәвалед хԝә жи тʹәглифи сәр һинбуне ки.
