ISAMBILILO 08
Mungaba Icibusa ca BaYawe
BaYawe balafwaya ati mubeshibe bwino. Nindo twalabilile’fyo? Ni pakuti balicetekele ati ili twaishiba imibelo yabo, ifi bacite’fintu, eli na fyefyo bafwayo’kutucitila, tungafwaisho’kuba ifibusa fyabo. Kani mu cinenene mungaba icibusa ca baLesa? (Pendeni Amasamo 25:14.) Findo mungacita pakuti mube icibusa cabo? Baibolo ilasuke’fi fyakwipusha ne kubuulishishe’fi bucibusa bwesu na baYawe bucindamine makosa ukucila ifibusa fimbi ifi tungakwata.
1. Findo baYawe batubuulo’kucita?
“Palamineni kuli baLesa, eli bakapalamina kuli mwebo.” (Jakobo 4:8) Kani aya amashiwi alalule’ndo? BaYawe balafwaya’ti mube icibusa cabo. Bambi cingabakatasha ukucetekela’ti bangaba icibusa ca baLesa, pakuti tababonekapo. Nangabe’fyo, muli Baibolo, Amashiwi Abo, balibuulishishe fyonse lukoso ifi tupengela ukwishiba pa mibelo yabo, iingatofwako ukupalamina kuli bo. Ili tulukupenda ifi baLesa batubuula muli Baibolo, bucibusa bwesu na baYawe bulakoselako nangaba’ti tatungababonapo.
2. Nindo baYawe babelele e Cibusa iciweme makosa ici mungaba naco?
Takupo uumutemenweni koti ni fyefyo baYawe bamutemenweni. Balafwaya mwebo ukulukuli abasangalele, ne kulukutembela kuli bo pakuti balukumofweniko. Baibolo ilalabila ati: “Ukubamba kwenu konse ukwa mu mitima poseni pali bo, pakuti balamulameni.” (1 Petilo 5:7) BaYawe balilyanshikile ukulukofwako bonse lukoso abasalululapo ukuba ifibusa fyabo. Balabasangalasha, eli ne kukutika kuli bo.—Pendeni Amasamo 94:18, 19.
3. Findo baYawe bafwaye’fibusa fyabo ukulukucita?
BaYawe balitemenwe abantu bonse lukoso, ‘pano ifibusa fyabo ni babo abashikimene mu mitima.’ (Ifishimpi 3:32) BaYawe balafwaye’fibusa fyabo ukulukucite’fintu ifi babona ati fiweme ne kubulo’kucitako fyefyo babona ati fibipile. Abantu bambi balabona’ti tekuti bakonshepo ukucita fyonse lukoso ifi baYawe babona’ti fiweme ne kubulo’kucita fyonse lukoso ifi babona ati fibipile. Nangabe’fyo, baYawe balishi ifi tulengelwe kabili balishi ati tatuwamininepo. Popele, balaba icibusa kuli bonse lukoso ababatemenwe mu cinenene kabili abacite’fyakubasangalasha.—Amasamo 147:11; Ifyacitilwe 10:34, 35.
SAMBILILENI IFINGI
Sambilileni na fimbi ifi mungacita pakweba’ti mube icibusa ca baYawe, ne kubona ici baYawe babelele e Cibusa iciweme makosa ici mungaba naco.
4. Ablaama ali cibusa ca baYawe
Ilyashi lya mu Baibolo ilyakwe Ablaama (neli Ablama) lilatofwako ukwishiba bwino ifi caalula ukuba icibusa ca baLesa. Pendeni ilyashi ililabila pali Ablaama pa Ifyakutanga 12:1-4. Panuma, ambaaleni ifyakwipushe’fi:
-
Findo baYawe babuulile Ablaama ukucita?
-
Kani findo bamulaile?
-
Findo Ablaama acitilepo pali fyefyo baYawe bamubuulile?
5. Ifi baYawe bafwaye’fibusa fyabo ukulukucita
Ukuba, fwense tulafwaya ifibusa fyesu ukutucitilako fimo.
-
Findo mwebo mufwaye’fibusa fyenu ukumucitileni?
Pendeni 1 Yoane 5:3, eli ne kwambaala icakwipushe’ci:
-
Findo baYawe bafwaye’fibusa fyabo ukulukucita?
Pakweba’ti tulukumfwila baYawe, tungapengela ukwalulako imibelo yesu na fyefyo tucite’fintu. Pendeni Yisaya 48:17, 18, eli ne kwambaala icakwipushe’ci:
-
Nindo baYawe babuulile’fibusa fyabo ukulukulonda amafunde Abo?
Icibusa iciweme cilatwanushako ifyakulilama ku makatasho eli ne fingatofwako mu mekalilo esu. BaYawe nabo balacita fintu fimo ku fibusa fyabo
6. Ifi baYawe bacitile’fibusa fyabo
BaYawe balofwako ifibusa fyabo ukupitilisho’kuba abakosele ili balukupita mu makatasho. Tambeni VIDYO, eli ne kwambaala icakwipusha cakonkapo.
-
Kani baYawe balyofweleko shani umwanakashi twatamba muli vidyo ukuleko’kuba ne malangulushi aabipile ne kuleko’kubombomana?
Pendeni Yisaya 41:10, 13, eli ne kwambaala ifyakwipushe’fi:
-
Findo baYawe balailo’kucitila ifibusa fyabo fyonse?
-
Kani mulukulanguluka’ti cingacitiko’kuba na bucibusa ubukosele na baYawe? Nindo mwalabilile’fyo?
Ifibusa fya cinenene filatofwako ili tulukupengelo’kofwako. BaYawe nabo bakalukumofweniko
7. Pakuba icibusa ca baYawe, tulyelelwe ukulukwambaala na bo
Abantu balaba ifibusa ifipalamishe makosa kani balukwaambala. Pendeni Amasamo 86:6, 11, eli ne kwambaala ifyakwipushe’fi:
-
Kani tungalabila shani na baYawe?
-
Kani baYawe balalabila shani na fwebo?
Tulalabila na baYawe ukupitila mwi tembelo; eli bo balalabila kuli fwebo ukupitila muli Baibolo
BAMBI BALALABILA ATI: “Umuntunshi tekuti akonshepo ukuba icibusa ca baLesa.”
-
Lilembo lya kuba shani mungapyungisha pa kubofwako ukwishiba’ti tungaba ifibusa fya baLesa?
IFI MWASAMBILILA
BaYawe balafwayo’kuba icibusa cenu, kabili bakamofweniko ukupalamina kuli bo.
Kani Munganuka?
-
Kani baYawe balofwako shani ifibusa fyabo?
-
Nindo baYawe babuulile’fibusa fyabo ukulukulonda amafunde Abo?
-
Kani mulukulanguluka’ti cikatesho’kuba icibusa ca baYawe? Nindo mwalabilile’fyo?
ISHIBILENIPO NA FIMBI
Kani ukuba icibusa ca baLesa kungamofweniko shani?
“BaYawe—BaLesa Abelelwe Ukwishibwa” (Akatambo ka Wakulama, February 15, 2003)
Boneni ifi mungacita pakweba’ti mube icibusa ca baLesa.
Boneni ifi ukuba icibusa ca baYawe kwaofweleko umwanakashi umbi ukuba ne mekalilo aaweme.
Kutikeni’fi abacanice bambi bomfwa pa kube’fibusa fya baYawe.
Cipale Mungapendako Nafifi:
IFYAKWIPUSHA IFIPUSHIWA MAKOSA
Kani Isambililo lya Baibolo Cindo?
Boneni ifyasuko pa lwe sambililo lya Baibolo ilya pa lukoso.
