TIMOKO 08
Lendi bâ ndiku ya Yehova
Yehova zololo ti watomo mu zaba. Mu bungu dia nti? Tivuvu tie nandi ti bu kwizi tomo zaba bifu biandi, mpila yi kayirikilaka misamu, na kani diandi, mbo tomo kwizi zolo mu bâ ndiku’andi. Ngano lukwikulu lwe naku ti lendi bâ ndiku ya Yehova? (Tanga Mikunga 25:14.) Nti lendi sa mu bâ ndiku’andi? Bibila biyuvu bio dihaninaka mvutu. Bibila mbo disongelaka mpe mu bungu dia nti Yehova ke ndiku yiyôkele bubote kwe beto.
1. Ngano Yehova nti kata ku lomba mu sa?
“Pusaneno kwe Nzambi, mpe Yandi mbo kapusana kwe beno.” (Zaki 4:8, NWT) Bwe wuta zolo tâ? Yehova ku lombele wabâ ndiku’andi. Kwe bantu bakaka, wulendi bâ musamu wa mpasi mu kwikila ti balendi bâ ndiku za Nzambi, mu bungu ti ka bamumonaka ko. Kâ, mu Zu diandi, Bibila, Yehova tusongele mio miamiansoni mi tufweti zaba mitariri bifu biandi ngatu tabâ penepene ya Yandi. Bu tutangaka nsangu za Nzambi mu Bibila, tindiku tieto na Yehova mbo tikulaka ni bu sa ti ka tumumonaka ko.
2. Bwe Yehova ke ndiku yiyôkele bubote kwe beto?
Yehova ku zololo yôka muntu ni muntu. Yandi zololo ti wamona nsayi mpe wamusambilaka ntangu zazansoni, bu bâka na nsatu lubakusu. Lendi ‘mu hana maniongo maku mamansoni, bungu ti nge kafwilaka tiari.’ (1 Piere 5:7, NWT) Yehova wa kubama kwa bâka mu bakisa, mu tindisa na mu wirikila ndiku zandi.—Tanga Mikunga 94:18, 19.
3. Nti Yehova kalombaka kwe ndiku zandi?
Yehova bantu babansoni kazololo, “kâ ndiku ya mutima yena ya bantu ba sungama.” (Bingana 3:32) Yehova mbo kalombaka ti ndiku zandi zasarila ngolo mu yirika misamu mia mbote, mpe zadioka misamu mia mbi. Bantu bakaka babanzaka ti ka balendi’â balanda mitieno mia Yehova mitariri mbote na mbi ko. Kâ, Yehova beto kabakulaka. Yandi mbo katambulaka bô batomo mu zololoko mpe basarilaka ngolo mu mu tâ nsayi.—Mikunga 147:11; Bisalu 10:34, 35.
YIKA NDILU
Tomo longoka bwe lendi bêla ndiku ya Nzambi, mu bungu dia nti ke Ndiku yiyôkele bubote kwe nge.
4. Abrahame ndiku ya Yehova yeri
Tinsamu tia mu Bibila titariri Abrahame (wu batâka mpe Abrame) mbo titubakisaka mu bakula ngano bâ ndiku ya Nzambi bwe wuta zolo tâ. Tangeno tinsamu tia Abrahame mu Mbatukulu 12:1-4. Ha manima, zonzeleno biyuvu ebi:
-
Yehova nti kalomba kwe Abrahame kasa?
-
Ngano Yehova nti kamukanisina?
-
Bwe Abrahame kahanina mvutu mu musiku wa Yehova?
5. Ngano Yehova nti kalombaka kwe ndiku zandi
Vulu-vula, bima bie kô tudingaka bi fweti sa ndiku zeto.
-
Ntia bima dingaka bi fweti sa ndiku zaku mu bungu dia nge?
Tangeno 1 Za 5:3, mpe zonzeleno tiyuvu tita landa:
-
Ngano Yehova nti kalombaka kwe ndiku zandi?
Mu tumama kwe Yehova, tulendi bâ na nsatu ya soba ndiatulu peleko bifu bieto. Tangeno Izaya 48:17, 18, mpe zonzeleno tiyuvu tita landa:
-
Mu bungu dia nti Yehova kalombaka kwe ndiku zandi zasa nsobolo?
Ndiku ya mbote mbo yitutêlaka misamu milendi tu kengerela na milendi tu natina ndandu. Yehova ni bo kasaka na ndiku zandi
6. Misamu mi yirikaka Yehova mu bakisa ndiku zandi
Yehova ndiku zandi kabakisaka mu telamana nkwamusu. Taleno VIDEO, mpe zonzeleno tiyuvu tita landa.
-
Bwe Yehova kabakisila mukento wa mu video mu telamana mbanzulu za mbi, nkesi, bunôkena peleko bunkuta?
Tangeno Izaya 41:10, 13, mpe zonzeleno biyuvu ebi:
-
Yehova nti kanisini mu sa mu bungu dia ndiku zandi zazansoni?
-
Ngano Yehova ndiku ya mbote yena? Mu bungu dia nti?
Ndiku za mbote lubakusu zikuhanaka bu bâka na lo nsatu. Yehova mpe mbo kakubakisa
7. Mu bâ ndiku ya Yehova tufweti mu zonzelaka mpe tufweti mu wâka
Ndiku penepene zikwizi bâka bu zizonzaka zawu na zawu. Tangeno Mikunga 86:6, 11, mpe zonzeleno biyuvu ebi:
-
Bwe tulendi zonzelaka na Yehova?
-
Bwe Yehova zonzelaka na beto?
Mu lusambulu tuzonzelaka na Yehova; Yandi mu Bibila katuzonzelaka
TALA TI BAKUTÊLELE: “Kani kabwe, ka tulendi’â tabâ ndiku na Nzambi ko.”
-
Ntia verse lendi sarila mu songela ti tulendi bâ ndiku za Nzambi?
MU BUKUFI
Yehova zololo kabâ Ndiku’aku, mpe mbo kakubakisa mu pusana kwe Yandi.
Biyuvu bia mbambukulu
-
Bwe Yehova kabakisilaka ndiku zandi?
-
Mu bungu dia nti Yehova katâka kwe ndiku zandi zasaka nsobolo?
-
Ngano musamu wa mpasi wena mu bâ ndiku ya Yehova? Mu bungu dia nti?
ZABA BIAKAKA
Bwe tindiku na Yehova tilendi sobesela luzingu lwaku?
“Yehova—Nzambi yi bafweti zaba” (Nzo ya Zangama ya Munkengi, 15 février 2003)
Longoka bwe kurisila tindiku na Yehova.
Zaba mu bungu dia nti mukento wumosi wubanzaka ti tindiku tiandi na Yehova tiamuvûkisa.
“Ka ndieri’â zolo ko mu fwa!” (Nzo ya Zangama ya Munkengi No. 1 2017)
Wâ ntwenia zita zonzela mabanza mawu mu Yehova.
Dzukula mpe...
BIYUVU BI VULU YULAKA BANTU
Ngano ndongokolo ya Bibila yi saka Mbangi za Yehova bwe yiyôkelaka?
Mu ndongokolo ya Bibila yi saka Mbangi za Yehova, lendi sarila mbangululu ni mbangululu ya Bibila. Kutinandi mu tikisa bantu ba kanda diaku peleko ndiku zaku ku ndongokolo’aku.
