DILONGESHA DIA 08
Udi mua kulua mulunda wa Yehowa
Yehowa mmusue bua umumanye bimpe. Bua tshinyi? Mmutekemene ne: pawikala wenda umanya tshidiye, umanya mutuye wenzela bantu malu, ne tshidiye mubalongoluele, nebikusake bua kulua mulunda wende. Kadi wewe udi mua kulua mulunda wa Nzambi anyi? (Balayi Misambu 25:14.) Ntshinyi tshiudi mua kuenza bua kulua mulunda wende? Bible udi wandamuna nkonko eyi. Udi uleja kabidi bua tshinyi kudia bulunda ne Yehowa mbualu bua mushinga mutambe buudi mua kuenza mu nsombelu webe.
1. Yehowa udi ukulomba tshinyi?
“Semenayi pabuipi ne Nzambi ne yeye neasemene pabuipi nenu.” (Yakobo 4:8) Mêyi aa adi umvuija tshinyi? Yehowa udi ukulomba bua udie nende bulunda. Bantu bakuabu badi bamona ne: mbualu bukole bua kudia bulunda ne Nzambi, bualu kabena bamumona to. Kadi Yehowa udi utuleja mu Bible Dîyi diende bionso bidi bikengedibua bua kumanya tshidiye bua tumone mua kusemena kudiye. Patudi tubala malu adi Nzambi utuambila mu Bible, bulunda buetu nende budi bukola nansha mututu katuyi banji kumumona.
2. Bua tshinyi Yehowa ke Mulunda mutambe buimpe uudi mua kuikala nende?
Kakuena muntu udi mukunange bikole kupita Yehowa to. Mmusue bua wikale ne disanka ne wikale umusambila dîba dionso diudi dijinga ne diambuluisha. Udi mua ‘kumupuila ntatu yebe yonso, bualu yeye udi ukutabalela.’ (1 Petelo 5:7) Yehowa utu misangu yonso pabuipi bua kuambuluisha balunda bende, kubasamba, ne kubateleja.—Balayi Misambu 94:18, 19.
3. Yehowa mmutekemene tshinyi kudi balunda bende?
Yehowa mmunange bantu bonso, “kadi bulunda buende bushême budi kudi bena bululame.” (Nsumuinu 3:32) Yehowa mmutekemene bua balunda bende badienzeje bua kuenza malu adiye wanyisha ne kuepuka malu adiye mukine. Bamue badi bela meji ne: mbikole bua bobu kutumikila mikenji ya Nzambi yonso ya tshidi tshimpe ne tshidi tshibi. Kadi Yehowa utu umvuila bantu bikole. Udi witaba muntu yonso udi mumunange bushuwa ne wenza muende muonso bua kumusankisha.—Misambu 147:11; Bienzedi 10:34, 35.
BUELA MU BUONDOKE
Longa malu makuabu a mua kulua mulunda wa Yehowa, umone kabidi bua tshinyi yeye ke Mulunda mutambe buimpe uudi mua kuikala nende.
4. Abalahama uvua mulunda wa Yehowa
Tshidi Bible wamba bua Abalahama (udibu babikila kabidi ne: Abalama) tshidi tshitupesha kadiosha ka tshidi kuikala mulunda wa Nzambi kulomba. Balayi bualu bua Abalahama mu Genese 12:1-4. Pashishe nuandamune nkonko eyi:
-
Ntshinyi tshivua Yehowa muambile Abalahama bua kuenza?
-
Yehowa uvua mumulaye tshinyi?
-
Ntshinyi tshivua Abalahama muenze ne malu avua Yehowa mumuambile?
5. Tshidi Yehowa ulomba balunda bende bua kuenza
Pa tshibidilu, tutu ne malu atutu basue bua balunda betu batuenzele.
-
Utu musue bua balunda bebe bikale bakuenzela malu kayi?
Balayi 1 Yone 5:3, pashishe nuandamune lukonko elu:
-
Ntshinyi tshidi Yehowa utekemena kudi balunda bende?
Bua tuetu kutumikila Yehowa, bidi mua kutulomba bua kushintulula nsombelu wetu nansha bikadilu bietu. Balayi Yeshaya 48:17, 18, pashishe nuandamune lukonko elu?
-
Bua tshinyi Yehowa udi ulomba balunda bende bua kushintuluka?
Mulunda muimpe udi mua kutuvuluija malu adi mua kutuepula ku njiwu ne kutuambuluisha. Ke tshitu Yehowa pende wenzela balunda bende
6. Yehowa utu wenzela balunda bende tshinyi?
Yehowa utu wambuluisha balunda bende bua kutantamena ntatu. Tangilayi FILME, pashishe nuandamune lukonko ludi lulonda elu:
-
Mmushindu kayi uvua Yehowa muambuluishe nsongakaji udibu baleje mu filme eu bua kumanya mua kupita ne meji mabi avua amukengesha?
Balayi Yeshaya 41:10, 13, pashishe nuandamune nkonko eyi:
-
Yehowa mmulaye bua kuenzela balunda bende bonso tshinyi?
-
Udi umona munyi: Yehowa udi mua kuikala Mulunda webe muimpe anyi? Bua tshinyi?
Balunda bebe ba pa muoyo mbatu bakuambuluisha paudi mu lutatu. Yehowa neakuambuluishe pende
7. Balunda ba Yehowa badi bayukila nende
Muyuki utu ukolesha bulunda. Balayi Misambu 86:6, 11, pashishe nuandamune nkonko eyi:
-
Mmushindu kayi utudi mua kuyukila ne Yehowa?
-
Mmushindu kayi utu Yehowa pende uyukila netu?
Tudi tuyukila ne Yehowa mu disambila; yeye pende udi uyukidila netu mu Bible
BAMUE BATU BAMBA NE: “Mbikole bua kudia bulunda ne Nzambi.”
-
Mmvese kayi uudi mua kubadila muntu bua kumuleja ne: tudi mua kudia bulunda ne Yehowa?
TSHIA KUKUATA
Yehowa mmusue bua ulue mulunda wende; neakuambuluishe bua usemene pabuipi nende.
Diambulula
-
Yehowa utu wambuluisha balunda bende mushindu kayi?
-
Bua tshinyi Yehowa udi wambila balunda bende bua kushintuluka?
-
Udi wela meji ne: malu adi Yehowa ulomba balunda bende mmapite anyi? Bua tshinyi?
BIA KUTANGILA KABIDI
Kudia bulunda ne Nzambi kudi mua kukuambuluisha mushindu kayi?
“Yehowa n’Nzambi wa kumanya” (Tshibumba tshia Nsentedi tshia 15/2/2003)
Mona muudi mua kulua mulunda wa Nzambi.
Mona tshivua mamu kampanda mumuene ne: bulunda buende ne Yehowa mbuvua bumupandishe.
“Tshivua musue kufua to!” (Tshibumba tshia Nsentedi No. 1 2017)
Teleja tshidi bansonga ba bitende bamba bua mudibu bumvua bua Yehowa.
Mona bikuabu:
NKONKO ITU BANTU BATAMBA KUELA
Programe wa dilongeshangana Bible wa Bantemu ba Yehowa ntshinyi?
Programe wa nuenda nuyukila wa kuyi ufuta wa Bantemu ba Yehowa eu udi mua kumulonga ne nkudimuinu kayi yonso wa Bible uudi nende. Bikila nansha dîku dienu dijima anyi balunda bebe bonso baudi musue bua nuikale nulonga nabu tshiapamue.
