Jehová nee ke ri pa̱rge na joo angeze. ¿Pjenga? Nangeje e Diosi pa̱ra̱ ke ma nutsʼkʼe ri ñuu ja ga nge angeze—nzakja yo o cualidad, ja ga tsjaa texe yo nee, ñe pje ra tsjaa yo paa yo ba e̱je̱—akjanu mazi ri ñee ri jobi angeze. Pe, ¿bʼemi søø ra jogøji ko e Diosi? (Xørꞹ Salmo 25:​14). ¿Pje ra mbøxkʼꞹ ngekʼua ri tsjageyo? Ne Biblia trjꞹrꞹyo ñe xitsiji pjenga kʼꞹ ra joji ko e Jehová nge kʼo mazi na joo kʼꞹ søø ra kjaji.

1. ¿Pje nee e Jehová ke ri tsjage?

“Chɇzhiji a jmii Mizhokjimi angeze xo ra chɇzhi in jmigeji” (Santiago 4:8). ¿Pje nee ra mamayo? E Jehová xitsʼi ke ri jogebi. Bʼꞹbʼꞹ ntee ke manji ke dya søø ra joji ko dʼa ntee ke dya janrraji, ngekʼua dya xo søø ra joji e Mizhokjimi. Pe angeze xitsiji kja ne Biblia ja ga ngeje, nuyo ra mbøxkꞹji ra chɇzhiji ko angeze. Ma ri xørꞹji kja ne Biblia kʼo xitsiji Mizhokjimi, nukʼo pjøxkꞹji mazi ra joji ko angeze, zø dya ri janrraji.

2. ¿Pjenga me na joo ma ri jogebi e Jehová?

Dya kjo sʼiyatsʼꞹ nzakja e Jehová. Angeze nee ke nutsʼkʼe me ri mⱥjⱥ, ñe ma pje kjogꞹtsʼꞹ nee ke ri chɇzhi ko angeze. “Texe kʼo i mbeñe søø ri xipji e Mizhokjimi” nange angeze me mbentsʼe ga mbøkʼꞹ (1 Pedro 5:7). Texe yo paa e Jehová pjøsʼꞹ yo nge o joji, ⱥrⱥ ma pje øtꞹji ñe kjaa ke ra zøji na joo (xørꞹ Salmo 94:​18, 19).

3. ¿Pje nee e Jehová ke ra tsjaji yo joji ko angeze?

Jehová sʼiya texe yo ntee, “pe yo kjaji yo na joo me joji ko angeze” (Proverbios 3:​32). Jehová nee ke yo o jobi ra tsjaji kʼo na joo jango ga nee angeze ñe ra jyɇziji kʼo mama angeze ke na sʼoo. Bʼꞹma bʼꞹbʼꞹ ntee ke manji ke dya søø ra tsjaji texe kʼo mama e Jehová. Pe angeze sⱥjnⱥ yo ntee ke sʼiyaji ñe kjaji kʼo na joo (Salmo 147:​11; Hechos 10:​34, 35).

 TEXE YO JÑAA KE ME NI MUBI RA PA̱RA̱JI

4. E Abrahán mi jobi e Jehová

Kja ne Biblia mama ke e Abrahán (xo mi chju̱u̱ Abrán) mi jobi Mizhokjimi, nuyo jitsʼkøji pje ni jyodʼꞹ ra kjaji ngekʼua xo ra jogøji ko angeze. Xørꞹbi pje o tsjaa e Abrahán kja Génesis 12:​1-4 ñe ri chjꞹrꞹbi yo trʼønꞹ yo ba e̱je̱:

• ¿Pje bo dyøtꞹ e Jehová e Abrahán?

• ¿Pje go xipji e Jehová ke ro unꞹ?

• ¿Pje o tsjaa e Abrahán ma o dyⱥrⱥ kʼo o xipji e Jehová?

5. Pje øtꞹ e Jehová yo joji angeze

¿Pje ri tebʼeji ra tsjakꞹji yo ri joji?

• ¿Pje gi nee ke ra tsjaa yo in jobige?

Xørꞹbi 1 Juan 5:3 ñe ri chjꞹrꞹbi ne trʼønꞹ nu ba e̱je̱:

• ¿Pje nee e Jehová ke ra tsjaji yo joji angeze?

Ma ra ⱥtⱥji e Jehová, bʼꞹma ra jɇziji kʼo na sʼoo ñe ra potꞹji jankʼo ma minkʼøji. Xørꞹbi Isaías 48:​17, 18 ñe ri chjꞹrꞹbi ne trʼønꞹ nu ba e̱je̱:

• ¿Pjenga e Jehová nee ke yo o jobi ra potꞹji ja ga minji?

 6. Kʼo kjaa e Jehová ngekʼua ra mbøsʼꞹ kʼo joji

 KʼO YA RO NUJI

Jehová nee ke ri jobi ngekʼua ra mbøxkʼꞹ ri chɇzhi ko angeze.

Pje gi mbeñege

• ¿Ja ga mbøsʼꞹ e Jehová yo joji angeze?

• ¿Pjenga e Jehová xipji yo o jobi ra potꞹji ja ga minji?

• ¿Gi kjijñige ke Jehová o̱tʼpꞹ na punkjꞹ yo joji angeze? ¿Pjenga gi kjijñi akjanu?