Jehová chë tülisi enchi a täya iʼa. ¿Jatchiá? Buéytuk Dios esperánzata jípure ke chë a täyako —o a cualidádim bétana, jachin jita a jowawi éntok a yä barëw bétana— chëre a jálaytu bánake. ¿Te yö lutüriapo ara Diosta jálaytu? (Salmo 25:14 te leerua). ¿Jítase yánake juka jipu bechïbo? Ju Biblia jume nátemaixrim bétana yómiata itom mámaka wanay itom texwa jatchiaka Jehovata jálay bechïbo chë béxresimachi jita bepʼpune em jípurëwi bétana.

1. ¿Jita néjumrita émow jowa Jehová?

“Dióstawem rukte apo éntok enchimʼmew rúktinake” (Santiago 4:8). ¿Jáchisum jiawbare ime nókim? Ke Jehová enchi néjune a jálaytu bechïbo. Jamak wátem obiáchisima bitcha jábeta ka bíchame jálaytu bechïbo, chë junʼne Diosta. Te apo a noki, Bíbliapo, ítow a tösimla sïmeta itom junë barëwi a cualidádim bétana aw itom rukti bechïbo. Wanay Bíbliapote a leéruako juka Diosta mensájeta ito bechïbo, Jehovata itom jálay bénasi a bíchaka chë utʼtiata nunüye eläposute ka ara a bitcha junʼne.

2. ¿Jatchiaka Jehová ju chë türi jálay ara enchi jípunakëwi?

Jehová jita bepʼpune enchi nakʼke. Apo enchi alʼle iʼa éntok awe rukti sawʼwe jiba a aniáwamta wátiayo. Are “sïme em problémam aw noka buéytuk apo émot eyʼya” (1 Pedro 5:7). Jehová jiba lístopo ane a jálaym aniáwamta mak báreka, am tü étua báreka, éntok am jikʼkaix bechïbo (Salmo 94:18, 19 te leerua).

3. ¿Jítasu a jálaym bétana böbitcha Jehová?

Jehová sïme géntem nakʼke, te “may tülisi aw weria wame ámak witʼtisi emo n̈uyeme” (Proverbios 3:32). Jehová a jálaymet a böbitcha ke utʼtiatam yäna tüwata yä bechïbo ka juka ka tüwata. Jamak wate junëlim eyʼya ke jatwey júnem Jehovata wátiawim ka yánake. Te apo may tü yóreme wanay apo sïmem a nákeme mabeta éntok sïmepo bem a yä máchilepo a jojuá a alʼletua bechïbo (Salmo 147:11; Hechos 10:34, 35).

 CHËRE IÁ BÉTANA JÜNENAKE

4. Abrahán Jehovata jálaytukay

Ju etʼtexwari bíblico Abrahánta bétana (ket Abrán bénasi tetʼtiawa) itom junenëtua jáchisu jiawbare Diosta jálay bechïbo. Abrahánta bétanem leerua jumu Génesis 12:1-4 taxti chúkula éntok iá bétanem naw etʼtexwa:

• ¿Jítasu Abrahántaw áwak Jehová?

• ¿Jítasu a mak rókaka nókak Jehová?

• ¿Jítasu yawʼwak Abrahán chúkula juka Jehovata nésawrim mabétaka?

5. Juka Jehovata a jalaymʼmew áwawi

Jamakweyte itom jálaym bétanate jita böbibicha.

• ¿Jítase em jálaym bétana böbitcha?

1 Juan 5:3 tem leerua chúkula éntok iá bétanem naw etʼtexwa:

• ¿Jítasu böbitcha Jehová a jálaym bétana?

Jehovata nésawrita yäria barëteko, jamakte täbuiasite ito nüna jachin itom nüyepo o jachin itom wériapo. Isaías 48:17, éntok 18 tem leerua chúkula éntok iá bétanem naw etʼtexwa:

• ¿Jatchiaka Jehová a jálaym täbuiasi emo nü sawʼwe?

 6. Juka Jehovata jojoawi a jálaym bechïbo

 JÍTASE AMA TATÄYAK

Jehová enchi jálaytubare wanay enchi aniana jítase yánake aw rukti bechïbo.

¿Jítase yomʼmia eyʼyey?

• ¿Jáchisu Jehová a jálaym aʼaniá?

• ¿Jatchiaka Jehová a jálaym täbuiasi emo nü sawʼwe?

• ¿Akea suale empo ke Jehová a jálaym bétana lemaxpo jita böbitcha? ¿Jatchiake júnel eyʼya?