E hiahia ana a Ihowa kia tino mōhio koe ki a ia. He aha ai? Ko tōna tūmanako ka nui ake tō mōhio ki tōna ahua, ki ōna ara, ki tōna hiahia mōu, ka tino pīrangi koe ki te whakahoa ki a ia. Ka tino taea rānei tērā? (Pānuitia Ngā Waiata 25:14.) Me aha koe kia whakahoa ai ki a ia? E utu ana te Paipera i aua pātai, me te whakamārama ko te hoatanga ki a Ihowa te hononga tino pai ka taea e koe.

1. He aha te tono a Ihowa ki a koe?

“Whakatata atu ki te Atua, ā ka whakatata mai ia ki a koutou.” (Hēmi 4:8) He aha te tikanga o tēnei kōrero? E tono ana a Ihowa ko koe hei hoa mōna. Ki ētahi he uaua te whakaaro he hoa tōna kāore e taea te kite, waiho rā te Atua. Engari, i roto i te Paipera, e whakakitea ana e Ihowa ngā mea katoa mōna kia āhei tātou te whakatata atu ki a ia. Ina pānui tātou i tāna kupu i te Paipera, ka kaha haere tō tātou hoatanga ki a Ihowa ahakoa kāhore tātou e kite i a ia.

2. He aha te take ko Ihowa te Hoa tino pai mōu?

Kāhore he aroha nui ake i tō Ihowa mōu. Ko tōna hiahia, kia koa koe, kia tahuri ki a ia ina pīrangi āwhina koe. Ka taea te “maka atu ō koutou mānukanuka katoa ki runga ki a ia, e whakaaro ana hoki ia ki a koutou.” (1 Pita 5:7) Kei reira a Ihowa i ngā wā katoa hei tautoko, hei whakamārie, hei whakarongo ki ōna hoa.​—Pānuitia Ngā Waiata 94:18, 19.

3. Me aha tātou kia whakahoa ai ki a Ihowa?

He pai a Ihowa ki ngā tāngata katoa, engari “ko te tangata ia e whai ana i te tika tāna e aroha ai.” (Whakataukī 15:9) E tūmanako ana a Ihowa kia mahi ōna hoa i ngā mea pai ki tāna titiro, kia kaua e mahi i ngā mea kino ki tāna titiro. Ka whakaaro pea ētahi e kore e taea e rātou ngā ture a Ihowa mō te pai, mō te kino. Heoi anō, he ngākau aroha a Ihowa. E manako ana ia ki te hunga e tino aroha ana ki a Ia, rātou e hiahia ana kia paingia e Ia.​—Ngā Waiata 147:11; Ngā Mahi 10:34, 35.

 KIMI MĀRAMATANGA

4. He hoa a Āperahama nō Ihowa

Kei ngā kōrero o te Paipera mō Āperahama (arā a Āperama) te tikanga o tēnei mea te hoatanga ki te Atua. Pānuitia ngā kōrero mō Āperahama i Kenehi 12:1-4. Kōrerotia ēnei pātai:

• I tono a Ihowa kia aha a Āperahama?

• He aha te kupu taurangi a Ihowa ki a ia?

• I pēhea te whakautu a Āperahama ki ngā kōrero a Ihowa ki a ia?

5. Ngā mea e hiahia ana a Ihowa i ōna hoa

Ko te tikanga ka tūmanako mea tātou i ō tātou hoa.

• He aha anō ētahi mea e koa ai koe kia mahi ōu hoa māu?

Pānuitia 1 Hoani 5:3, kōrerotia tēnei pātai:

• He aha te mea e tūmanako ana a Ihowa i ōna hoa?

Kia whakarongo ai tātou ki a Ihowa, me huri pea e tātou ētahi mahi, me ētahi āhua o te ngākau. Pānuitia Ihāia 48:17, 18, kōrerotia tēnei pātai:

• He aha te take e tono ana a Ihowa kia huri ōna hoa?

 6. Ngā mea e mahi ana a Ihowa mō ōna hoa

 WHAKARĀPOPOTO

E hiahia ana a Ihowa ki a koe hei Hoa mōna, ka āwhina hoki ia i a koe ki te whakatata atu ki a ia.

Titiro anō

• Ka āwhina pēhea a Ihowa i ōna hoa?

• He aha te take e mea ana a Ihowa kia huri ōna hoa?

• He tino uaua rānei te whakahoa ki a Ihowa ki tōu whakaaro? He aha ai, he aha i kore ai rānei?