A Jehovah u kʼati kaʼ a mas naʼte maki. Kʼuʼkaʼa? Umen tanil a mas naʼtik bʼel a ka känäʼ b’iki u modʼo, bʼikitak ti walak u trataartik a maka y kʼuʼ u kʼati tiʼi tech. Teʼtunu, a mas kʼatijak a wet’okte. Pero top jedʼeʼek wa a ʼamiingotik a Dʼioso? (Xoko a Salmo 25:14.) Bʼiki ti jedʼeʼek a ʼamiingojtik? A Bʼibʼle walak u nuuktik a kʼaatchiʼ adʼaʼa y walakilik u yeʼik kʼuʼkaʼa k’ab’eet a et’okil etel a Dʼioso.

1. Kʼuʼ a tan u kʼaatiktech a Jehovah kaʼ a bʼeteʼ?

«Wa caʼ a wetʼocteʼex a Dioso, bel ilic u cu yetʼocteʼex.» (Santiago 4:8) Kʼuʼ u nuʼkul adʼaʼa? Tan u chiitikech Jehovah kaʼ a wet’okte. Yanoo’ a maka chich tiʼijooʼ u tzʼokʼsik ti jedʼeʼek u ʼamiingojtik a Dʼioso, umen b’in maʼ jed’eʼekooʼ u yilik. Ichil a Bʼibʼle, u yeʼa Jehovah kʼuʼ a kʼabʼeet kaʼ ti naʼte tupektzil tiʼi kaʼ natzʼakoʼon tutzeel. Kaʼax maʼax bʼikʼin ti wilaʼ a Dʼios, walak u chʼiil ti etʼokil etel leʼek ti tan ti xokik kʼuʼ a tan u yadʼiktoʼon ichil a Bʼibʼle.

2. Kʼuʼkaʼa Jehovah a ʼamiingoj a mas kiʼ jedʼeʼek u yantal teche?

Chen Jehovah mas yaj u yubʼeech tuwich ulaakʼ mak. A Jehovah u kʼati ti kiʼ a wool y u k’ati kaʼ uchuk a payajchiʼ tiʼi leʼek a bʼikʼin takʼati a aantabʼälä. «Wa yan cʼuʼ a tan u jocʼsic u jetzʼaʼanil a [wool, pʼätä ichil u käʼ] a Dioso. [Umen yaj u yubʼeech].» (1 Pedro 5:7) A Jehovah liisto u yubʼooʼ, u yaantooʼ y u kiʼkuntooʼ u yool u ʼamiingoj.—Xoko a Salmo 94:18, 19.

3. Tiʼi kaʼ ti ʼamiingojte a Jehovah kʼuʼ u kʼati kaʼ ti bʼeteʼ?

A Jehovah yaj u yubʼi tulakalooʼ a maka, «pero mas naʼtzʼ u etʼokil etel a mak a toj u naʼat.» (Proverbios 3:32) A Jehovah u kʼati u ʼamiingoj kaʼ u bʼetooʼ kʼuʼ a kiʼtuwichi y ti maʼ u bʼetikooʼ kʼuʼ a maʼ kiʼi. Yan a maka walak u tuklik ti maʼ jedʼeʼek u paatal u bʼenes u kuxtal jabʼix bʼiki tukʼati Jehovah. Pero a Dʼios Jehovah walak u chʼaʼotzilil. Kʼämoolanooʼ umen le’ek a mak yaj u yubʼi y a walakooʼ u yaaltik u wich u bʼeteʼ kʼuʼ u kʼati.—Salmo 147:11; Hechos 10:34, 35.

 MAS KAMBʼALTETO

4. U ʼamiingoj Jehovah aj Abrahama

Leʼek u pektzil aj Abraham (Abram) a yan ich Bʼibʼle, jedʼeʼek u aantikoʼon ti chʼaʼtojte kʼuʼ u nuʼkul a ʼamiingojil etel a Dʼioso. Xokeʼex u pektzil aj Abraham ichil a Genesis 12:1-4. Kaʼtun tzikbʼalteʼex a kʼaatchiʼooʼ adʼaʼa:

• Kʼuʼ u yadʼaj a Jehovah tiʼi aj Abraham kaʼ u bʼeteʼ?

• Kʼuʼ u promesarta a Jehovah tiʼi?

• Kʼuʼ u bʼetaj aj Abraham etel kʼuʼ a adʼabʼi tiʼi?

5. Le’ek kʼuʼ a walak u kʼatiintik a Jehovah tiʼijooʼ u ʼamiingoj

Leʼek ti yan ti ʼamiingoj yan kʼuʼ a walak ti kʼatiintik kaʼ u bʼetooʼ.

• Kʼuʼ abʼeʼ a walak ti kʼatiintik kaʼ u bʼetooʼ ti ʼamiingoj?

Xokeʼex a 1 Juan 5:3, kaʼtun tzikbʼalteʼex a kʼaatchiʼ adʼaʼa:

• Kʼuʼ a walak u kʼatiintik a Jehovah kaʼ u bʼetooʼ u ʼamiingoj?

Tiʼi kaʼ ti tzʼokes a Jehovah uchak chen tzaj ti jelik ti modʼo waxan kʼuʼ a sukoʼon ti bʼeteʼ. Xokeʼex a Isaias 48:17, 18, kaʼtun tzikbʼalteʼex a kʼaatchiʼ adʼaʼa:

• Kʼuʼkaʼa walak u kʼaatik Jehovah tiʼi u ʼamiingoj kaʼ u jelooʼ u kuxtal?

 6. Leʼek kʼuʼ a walak u b’etik a Jehovah ti’i kaʼ u yaantooʼ u ʼamiingoj

 KʼUʼ A KÄNAJA

A Jehovah u kʼati u yetʼokteech y bʼel u kaʼa u yaanteech kaʼ naʼtzʼakech tutzeel.

Tzikbʼalbʼäl kʼuʼ ti känaja

• Bʼiki ti walak u aantikooʼ u ʼamiingoj a Jehovah?

• Kʼuʼkaʼa walak u yadʼik Jehovah tiʼijooʼ u ʼamiingoj kaʼ u jelooʼ u kuxtal?

• Walak wa tuklik ti top yaabʼ kʼuʼ a walak u kʼaatik a Jehovah kaʼ u bʼetooʼ u ʼamiingoj? Kʼuʼkaʼa, waxan kʼuʼkaʼa maʼ?