ISAMBILILO 08
Ungawa Ciwuza wa kwe Yehova
E Yehova akalonda ukuti umumanye icete. Amulandu ci? Amuno wamanya ukuti nga wamanya imiwele yakwe na vino akalonda apano uliwavwambisya ukuwa ciwuza wakwe. Uzye kweni molimonye ungawa ciwuza wa kwe Yehova? (Wazya Amalumbo 25:14.) Avyani vino ungacita pa kuti uwe we ciwuza wa kwe Yehova? E Baibolo yasuka ya-a amawuzyo, swinya yalanda nu mulandu wuno ukuwa ciwuza wa kwe Yehova kwacindamila kwalusya na pe ciwuza wensinye wino ungapanga.
1. Acani cino Yehova akukunena ukucita?
“Palamilani pakwe Leza nawe wandi apalamile kwemwemwe.” (Jemusi 4:8) Ya-a amazwi yakusula ukuti e Yehova akulonda wewe uwe weciwuza wakwe. Wamwi wakapotwa ukuzumila ukuti wangawa ciwuza wa kwe Yehova amuno wasimulola. Cingatenga tusimulola, izwi lyakwe e Baibolo likatunena vyonsinye pa miwele yakwe vino vingatwavwa ukupalamila kwe weliwe. Nga cakuti tukuwazya Izwi lyakwe e Baibolo, apano tukamukundilako nanti aca kuti tutanga tumulole.
2. Amulandu ci wuno Yehova wawela we ciwuza muzima pe wonsinye?
E Yehova awino wakukunda nkaninye pe wonsinye. Akalonda uwawa ni nsansa swinya akalonda uwa munena vyonsinye vino ukulonda akwavwe. Mungamutulila “ukusaya kwinu konsi amuno akawasayila.” (1 Peter 5:7) E Yehova wayipekanya ukukutika ku viwuza vyakwe, ukuvyavwa nu kuvisansamusya.—Wazya Amalumbo 94:18, 19.
3. Avyani vino Yehova akalonda tuwacita pa kuti tuwe swe viwuza vyakwe?
E Yehova wakunda awantu wonsinye, lelo wano wakawa aviwuza vyakwe awantu “awalungamane.” (Imilumbe 3:32) Akalonda iviwuza vyakwe vyakwelezya na maka ukucita vino akalonda nu kupata vino wapata. Wamwi wakayivwa ukuti watanga wakumanisye ukucita vyonsinye vino Yehova akalonda ukuti wacita. Lelo nanti ciwe wo-o e Yehova wawa nu luse swinya akatwivwicisya. Wensinye wino wamukunda swinya wino akacita vino vikamusecelesya akawa we ciwuza wakwe.—Amalumbo 147:11; Imilimo 10:34, 35.
SAMBILILA IVICILE PA-A
Sambilila navinji pe vino ungawa we ciwuza wa kwe Yehova, nu kulola umulandu wuno angawela we ciwuza wako umuzima.
4. Abrahamu walinji we ciwuza wa kwe Yehova
Ilyasi lya mu Baibolo ilya kwe Abrahamu (wino witwanga nu kuti Abramu) likatwavwa ukumanya muno mwasula ukuwa e ciwuza wa kwe Yehova. Wazyani pe Abrahamu pa Intaliko 12:1-4. Nu kulanzyanya ya-a amawuzyo:
-
Avyani vino Yehova wanenile Abrahamu ukucita?
-
Avyani vino Yehova wamulayile?
-
Acani cino Abrahamu wacisile?
5. Vino e Yehova akanena iviwuza vyakwe ukucita
Ilivule tukasuwila vimwi ku viwuza vitu.
-
Avintu ci vimwi vino ukalonda iviwuza vyako vyakucitila?
Wazyani 1 Yohani 5:3, nu kulanzyanya lyo-o iwuzyo:
-
Acani cino e Yehova akalonda ku viwuza vyakwe?
Pa kuti tuwakwivwila Yehova tuzipizile ukupilukako mumwi, imisango yitu na vino twakunda ukucita. Wazyani Ayizeya 48:17, 18, nu kulanzyanya lyo-o iwuzyo:
-
Amulandu ci wuno Yehova akanenela iviwuza vyakwe ukupilukako mwe vimwi?
E ciwuza muzima akatunena ukucita ivintu vino vingacinjilila nukutuzipila. Wonye avino ne Yehova akacita ku viwuza vyakwe
6. Vino Yehova akacita pa kwavwa iviwuza vyakwe
E Yehova akakwavwa iviwuza vyakwe ukusipicizya intazi. Tambani e VIDYO, nu kulanzyanya lyo-o iwuzyo.
-
Uzye e Yehova wavwa wuli umwanaci wino te twatamba mwe vidyo ukucimvya vino wayivwanga pa kutalika?
Wazyani Ayizeya 41:10, 13, nu kulanzyanya ya-a amawuzyo:
-
Avyani vino Yehova walaya ukucitila iviwuza vyakwe?
-
Uzye ukwelenganya ukuti e Yehova angawa we ciwuza wako umuzima? Amulandu ci wuno wasucila wowo?
Wulyanye vino iviwuza vyako ivipalamisye vikakwavwa pano ukulonda ukuti vikwavwe, avino ne Yehova nye alikwavwa
7. Pa kuti tuwe swe viwuza vya kwe Yehova tuzipizile twalanzyanya nawe
Wuciwuza wukawoma nkaninye nga cakuti mukulanzyanya. Wazyani Amalumbo 86:6, 11, nu kulanzyanya ya-a amawuzyo:
-
Uzye tungalanda wuli ne Yehova?
-
Uzye e Yehova akalanda wuli na sweswe?
Tukalanda ne Yehova mwi pepo; ne nawe akawomvya Baibolo pa kulanda na sweswe
WAMWI WAKATI: “Kutawa wino angawa ciwuza wa kwe Leza.”
-
Aliwaliko ci lino ungawomvya pa kulanjizya ukuti tungawa ciwuza wa kwe Yehova?
IVISINKA VIKULU
E Yehova akulonda ukuwa we ciwuza wako, swinya alikwavwa ukupalamila kwe weliwe.
Avyani Vino Wasambilila?
-
Uzye e Yehova akakwavwa wuli iviwuza vyakwe?
-
Amulandu ci wuno e Yehova akanenela iviwuza vyakwe ukupilukako mwe vimwi?
-
Uzye ungati catala nkaninye ukuwa ciwuza wa kwe Yehova? Amulandu ci wuno wasucila wowo?
MANYILAPO NA VINJI
Uzye wuciwuza wako ne Leza wungapilula wuli uwumi wako?
“E Yehova—We Leza Wino Wayana Ukumanya” (Ulupungu lwa kwa Kalinda, February 15, 2003)
Sambilila vino ungawa e ciwuza wa kwe Leza.
Lola umulandu wuno umwanaci wumwi akayivwila ukuti wuciwuza wakwe nu Leza walenga uwumi wakwe ukuzipilako.
Yivwa vino awacitici wamwi wakalanda pe vino wakayivwa pe Yehova.
Mungakunda na vyoo
AMAWUZYO YANO AWANTU WAKAWUZYAPO SANA
Uzye Isambililo lye Baibolo Ilya Nte zya kwe Yehova Lyawa Wuli?
Mwe lyoo isambililo lino Inte zya kwe Yehova wakasambilila na wantu uwiilanye, mungawomvya e Baibolo iyili yonsinye ino mukulonda. Mungitako na wali wonsinye wano mukulonda.
