Jehovab ge ra ǂhâba î du, ǁîba ǃgâise ǂan. Tae-i ǃaroma? ǁÎb ge ra ǃâubasen î du, ǁîb ǂūgu xa ǁkhāǁkhāsen. Tsî ǁîb ǀgaugu tsî ǂâibasens xa. ǁNāsa du ga dī o, o du ge nî ǁîb ǀhōsa kai. Amabes ǃnâ ǁîb di ǀhō kai ǁkhā du a? (Khomai re Psalmdi 25:​14 sa.) Tae-e du nî dī, ǁîb di ǀhō kais ǃgao? Elobmîs ge ǁnā dîde ra ǃeream. Tsî ra mîba du tae-i ǃaromas Jehovab ǀhōsa kaisa a ǂhâǂhâsa ǃkhaisa.

1. Jehovaba tae-e du nî dīsa ǂhâba hâ?

“Eloba ǀgū, ob ge sado nî ǀgū.” (Jakobub 4:8) Nēsa tae-e ra ǂâibasen? Jehovab ge ra ǁkhau du, î du, ǁîb di ǀhōsa kai. ǀNî khoen ge ra ǂâi, ǁnās a ī ǁoa di. Jehovaban mû tama amaga. Elobmîs ǃnâ-ūb ge Jehovaba, ǁîb di ǀgaugu xa ra ǂanǂan du. Î du ǁîb ǃoa ǀgū ǁkhā. Elobmîsa du ra khomai hîna du ge sadu ǂgomsa a ǀgaiǀgai ǁkhā. Mû bi tama du ga i xawe.

2. Tae-i ǃaromab Jehovaba sadu di ǃgâi ǀhōsa kai ǁkhā?

Jehovab ge sado, khoen a ǀnam dus xa kaise a ǀnam. Jehovab ge ǃgâiaǂgao du nîsa ra ǂhâba. Tsî ǃgomsina du ga hōǃâ o, o du ge ǁîba ǃoa a ǀgore ǁkhā. Sadu “ǂhansendi hoade ǁîba” mā re. (1 Petrub 5:7) Jehovab ge hoaǁae hui tsî nî ǁkhaeǂgao du. Tsîb ge ǁîb di ǀhōsana ra ǃgâ.​—Khomai re Psalmdi 94:​18, 19 sa.

3. Jehovab di ǀhōsa kai ǂgao du ga o, o du tae-e nî dī?

Jehovab ge khoena a ǀnam. Xawe ǀhōsagusib ab ge “ǂhauǃnâb ǀkha hâ.” (ǂKhoamîdi 3:​32) Jehovab ge ra ǂhâba în, ǁîb ǀhōna ǃgâi xūna dī. Tsî tsū xūna xun nî hâbēsa. ǀNî khoen ge ra ǂâi, ǁîn Jehovab di ǂhanuga dīǀoaǀoa ǁkhā tide ti. Tsî ǃgâin tsî tsūn ǁaegu ǀgorasa. Xawe Jehovab ge a ǁnâuǃāxa. ǁÎb ge mâ khoe-i hoa-i hina ǂgaoba xu ra dītsâ-e ra ūǃoa.​—Psalmdi 147:​11; ǃNaeǃkhaidi 10:​34, 35.

 ǃGAMSE ÔAǃN RE

4. Abrahammi ge ge Jehovab ǀhōsa i

Elobmîs ǃnâb ge Abrahamma (Abram dis tsîna gere ǂgaihe.) Nēs ge nî hui du, î du ǁnâuǃā Elob ǀkha ǀhōsagusisa ūhâs, tae-e ra ǂâibasensa. Genesis 12:​1-4 sa khomai re, Abrahammi xa. Tsî ǃnāka hâ dîde ǃhoaǃgao re:

• Jehovaba Abrahamma, tae-e ge ǂgan dīsa?

• Jehovaba tae-e ge mîmâiba bi?

• Abrahamma tae-e ge dī?

5. Jehovab ǁîb ǀhōsana xu ra ǂgao xūn

Xūn ge hâ, sadu ǀhōsana xu du ra ǃâubasena.

• Taena xūn hîna du ra ǂhâbana, sadu ǀhōsa-i nî dība du-e?

Khomai re 1 Johaneb 5:3 sa. Tsî ǃnāka hâ dîsa ǃhoaǃgao re:

• Jehovaba ra ǂhâba, în ǁîb ǀhōsana ǁnâuǀnam bi?

Jehovaba ǁnâuǀnams ǃgao du ge sadu tanisen ǀgauba nî ǀkharaǀkhara. Khomai re Jesajab 48:​17, 18 sa. Tsî ǃnāka hâ dîsa ǃhoaǃgao re:

• Jehovaba tae-i ǃaroma, ǁîb ǀhōsana ra ǂgan, în ǀkharaǀkharasen?

6. Jehovaba, ǁîb ǀhōsana hui i ra

 ǃKHŌǀHAOS

Jehovab ge ra ǂhâba, î du ǁîb ǀhōsa kai. Tsî ǁîb ge nî hui du, ǁîb ǀgūse hâsa.

ǁKhāǁkhāsen du go xūna ǂâiǃgâs

• Jehovaba mati ǁîb ǀhōsana ra hui?

• Jehovaba tae-i ǃaroma, ǁîb ǀhōsana ra mîba, în ǀkharaǀkharasen?

• ǂÂi i du ra, Jehovab kaise, ǁîb ǀhōsana xu ra ǃâubasensa? Tae-i ǃaroma?