CIJIJO 08
Mungava Shamwari ya Jehovha
Jehovha anoda kuti munase kumuziva. Ngenyi? Iyena anovetera kuti pamunoengejera kujijira zvizinji ngo pamusoro po undhu hwake, manera aanotaja vandhu, no cidisiso cake, munozodisisa maningi kuva shamwari yake. Munokhohwa kuti zvinokwanisikadi kuva shamwari ya Mwari? (Verenganyi Nduyo 25:14.) Ngozvapi zvamunodikana kuita kuti muve shamwari ya Mwari? Bhaibheri rinodavira muvhunjo iji no kuvonesa kuti kuitisa kudini Jehovha i shamwari inosisira maningi yamungava nayo.
1. Jehovha anomukoka kuti muitenyi?
Bhaibheri rinoti: “Khwederanyi kuna Mwari, iyena anozokhwederavo kwamuri.” (Jakobo 4:8) Izvi zvinoda kurevenyi? Zvinoreva kuti Jehovha ari kumukoka kuti muve shamwari yake. Vamweni vanonesehwa kutenda kuti tingava shamwari ya Mwari ngokuti ivona avakwanisi kumuvona. Mu Soko rake Bhaibheri, Jehovha anotitatija zvese zvatinoda kuti tikwanise kuziva undhu hwake no kukhwedera phedo naye. Patinoverenga soko ra Mwari Bhaibheri, ushamwari hwedu na Jehovha hunokura pikija ticizivi kumbomuvona.
2. Ngenyi Jehovha i Shamwari yakanaka maningi yamungava nayo?
Jehovha anomuda maningi kupinda mundhu ari wese hake. Iyena anoda kuti mudakare no kuita mukumbiro kwaari pamunonga mecida besero. Imwimwi mungakhandira “kwaari kuthimwa-thimwa kwenyu kwese, ngokuti ndiyena anomukorondha.” (1 Pedhru 5:7) Jehovha nguva jese anoda kubesera, kuembejera no kupurukira shamwari jake.—Verenganyi Nduyo 94:18, 19.
3. Jehovha anovetera kuti shamwari jake jiitenyi?
Jehovha anoda vandhu vese, asi iyena “anoda ngo mwoyo wese varurami.” (Mazwi Akangwara 3:32) Jehovha anoda kuti shamwari jake jivangisire pakuita zviro zvaanovona kuti zvakanaka no kunyenya zviro zvaanonanga kuti zvakashata. Vandhu vamweni vanovona kuti avazokwanisi kupona mukuzwirana no zvinoda Jehovha ngo pamusoro po zvakanaka no zvakashata. Pikija zvakadaro, Jehovha i mundhu wakanaka mwoyo. Iyena anoashira vese vanomuda ngo mwoyo wese no vanoita zvese zvavanokwanisa kuti vamudakajise.—Nduyo 147:11; Mabasa o Vapostori 10:34, 35.
NASANYI KUPSAKISISA
Jijanyi zvizinji ngo pamusoro po kuti mungaitisa kudini kuti muve shamwari ya Jehovha, perapo jijanyizve kuti ngenyi iyena ishamwari yakanaka maningi yamungava nayo.
4. Abhirahama wainga shamwari ya Jehovha
Zvinoreva Bhaibheri ngo pamusoro pa Abhirahama (waidanijwazve kuti Abhirama), zvinotibesera kuzwisisa kuti zvinorevenyi kuva shamwari ya Mwari. Verenganyi ngo pamusoro pa Abhirahama pana Genesi 12:1-4. Perapo bhuisananyi ngo pamusoro po muvhunjo iji:
-
Jehovha wakakumbira Abhirahama kuti aitenyi?
-
Jehovha wakamugondesenyi?
-
Abhirahama wakaitenyi paakapuwa ndhungamiriro ndi Jehovha?
5. Jehovha anoveterenyi kuno shamwari jake?
Kazinji itusu tinovetera ciri cese kuno shamwari jedu.
-
Zviro zvapi zvamaidakarira kuti shamwari yenyu imuitire?
Verenganyi 1 Johani 5:3, perapo bhuisananyi ngo muvhunjo uwu:
-
Jehovha anovetera kuti shamwari jake jiitenyi?
Kuti tikwanise kuzwira Jehovha, tinodikana kucinja mufambiro wedu no undhu hwedu. Verenganyi Isaia 48:17, 18, perapo bhuisananyi ngo muvhunjo uwu:
-
Ngenyi Jehovha anokumbira kuti shamwari jake jiite cinjo mu upenyu?
Shamwari yakanaka inotivhunja kuti tiite zviro zvingatijivirira no kutibesera. Jehovha anoitavo zvondhozvo kuno shamwari jake
6. Jehovha anoitirenyi shamwari jake?
Jehovha anobesera shamwari jake kuti jikwanise kuhwisana no zvineso. Rijanyi VHIDHIYO, perapo bhuisananyi ngo muvhunjo unotevera.
-
Jehovha wakabeseresa kudini mwanakaji watavona mu vhidhiyo kuti ahwisane no murangariro no mazwiro akashata?
Verenganyi Isaia 41:10, 13, perapo bhuisananyi ngo muvhunjo iji:
-
Jehovha anogondesenyi kuno shamwari jake jese?
-
Kureva kuti Jehovha angava shamwari yakanaka? Ngenyi?
Shamwari jokadi jinomubesa pese pamunonga mecida besero. Jehovha anozomubesavo
7. Kuti tive shamwari ya Jehovha, tinodikana kubhuya naye nokumuzwira
Vandhu vaviri vakagara vecibhuisana, ushamwari hwavo hunovanga. Verenganyi Nduyo 86:6, 11, perapo bhuisananyi ngo muvhunjo iji:
-
Tingaitisa kudini kuti tibhuisane na Jehovha?
-
Jehovha anoitisa kudini kuti abhuye na itusu?
Itusu tinobhuya na Jehovha ngo kuita mukumbiro; iyena anobhuya na itusu ecishandisa Bhaibheri
VANDHU VAMWENI VANOTI: “Azvikwanisiki kuva shamwari ya Mwari.”
-
Itsamba yapi yo Bhaibheri yamaizoshandisa, kuitira kutatija kuti tingakwanisa kuva shamwari ja Jehovha?
ZVOTAJIJA
Jehovha anoda kuti muve shamwari yake, iyena anozomubesera kuti mukhwedere phedo naye.
Kuhwirijira
-
Jehovha anoitisa kudini kuti abesere shamwari jake?
-
Ngenyi Jehovha anokumbira kuti shamwari jake jiite cinjo mu upenyu?
-
Munorangarira kuti zvinonesa maningi kuva shamwari ya Jehovha here? Ngenyi muri kunanga zvondhozvo?
ZIVANYI ZVIMWENI
Kuva shamwari ya Mwari kungabeseresa kudini upenyu hwenyu?
“Jehovha—Mwari Akakodzera Kuzivikanwa” (Murindiri, 15 ya Fevereiro wo 2003, Cishona)
Vonanyi manera amungaita kuti muve shamwari ya Mwari.
Vonanyi kuti ngenyi mwanakaji umweni wakabesereka ngo kuva shamwari ya Jehovha.
“Ndakanga Ndisingadi Kufa!” (Murindiri No. 1 wo 2017, Cishona)
Izwanyi zvakanangwa ngo vaaruki vamweni vecibhuya mazwiro avo ngo pamusoro pa Jehovha.
