Taum aine gaure ümgang mit aim häwe, duu must em kene. Jehovaa wil dat’s duu em sijn gaure moors kene däist, wosoo as hai dai daile måke däit un wat hai wil tau dij in dai tijd wat nog kümt. Ji mër as duu dës daile lëre däist, düler wilst duu aine gaure ümgang mit em häwe. Koine wij wirklig aine gaure ümgang mit God häwe? (Lees Salmo 25:14) Wat must duu måke taum aine gaure ümgang mit em häwe? Dai Bijbel däit dës frågen antwoore un sägt uk woweegen dai ümgang mit Jehovaa is dat best wat’s duu häwe kast.

1. Wat wil Jehovaa wat’s duu måke schast?

Dai Bijbel sägt: “Kåmt näig an God, un hai kümt näig an juuch.” (Tiago 4:8) Wat bedüürt dat? Dat bedüürt dat God wil dat’s duu aine gaure ümgang mit em häwe schast. Feel daue ni forståe wosoo koine wij aine gaure ümgang mit God häwe, wen wij em ni saie koine. Åwer ine Bijbel Jehovaa däit oos wijse wosoo as hai is, den koine wij aine gaure ümgang mit em häwe. Wen wij dai Bijbel leese daue, wij daue oos ümgang mit em stärke, lijkerst wen wij em ni saie koine.

2. Woweegen is Jehovaa dai best ümgang tau dij?

Går kair däit dij düler lijbe as Jehovaa. Hai wil dat’s duu schast fröölig sin un dat’s duu em sijn hülp forlange däist. Duu kast ‘oiwer em al dijn kopbreeken smijte, weegen hai passt dij up.’ (1 Pedro 5:7) Jehovaa wil ümer sijn laiwe lüür mithelpe, hööre un dai bijståe wen sai traurig sin. (Lees Salmo 94:18, 19)

3. Wat wil Jehovaa fon dai wat ain gaure ümgang mit em häwe?

Jehovaa däit dai ganse lüür lijbe, åwer hai hät bloos aine ‘starke ümgang mit dai reäle’, dai wat gerecht sin. (Provérbios 3:32) Jehovaa wil dat sijn laiwe lüür daue sich anstrenge taum måken wat richtig is un ni wat forkërd is. Feel denke: ‘Ik krijg ni ales måkt wat God wil’. Åwer God däit dat forståe. Jërer dai wat God lijbe däit un em sijne wile måke däit, kan aine gaure ümgang mit em häwe. (Salmo 147:11 un Atos 10:34, 35)

 DAU MËR LËRE

4. Abraão wäir air laiw mësch tau Jehovaa

Wat dai Bijbel sägt oiwer Abraão (wat uk Abrão hait däir) däit oos wijse wat bedüürt aine gaure ümgang mit God häwe. Lees oiwer Abraão in Gênesis 12:1 bet 4 un nåheer fortel oiwer dai frågen hijr uuner:

• Wat hät Jehovaa sägt wat Abraão måke schul?

• Wat hät Jehovaa tau Abraão forspråke?

• Wat hät Abraão måkt?

5. Wat wil Jehovaa dat dai wat ain gaure ümgang mit em häwe måke schåle?

Mëstümer wile wij dat dai lüür wat wij lijbe, wat måke daue tau oos.

• Wat däit dij dülst gefale wat dijn laiwe lüür tau dij måke daue?

Lees 1 João 5:3 un nåheer fortel oiwer dai fråg hijr uuner:

• Wat wil Jehovaa fon dai lüür wat em lijbe daue?

Taum Jehovaa horge, kan sin dat wij aners måke muite oos leewend un soo as wij sin. Lees Isaías 48:17, 18 un nåheer fortel oiwer dai fråg hijr uuner:

• Woweegen wil Jehovaa dat em sijn laiwe lüür wek daile in sij leewend aners måke?

 6. Wat mökt Jehovaa for dai wat sich up em hule?

 WAT HÄWE WIJ HIJR LËRT?

Jehovaa wil dat’s duu aine gaure ümgang mit em häst un hai däit dij mithelpe dårtau.

Denk dij ais nå

• Wosoo helpt Jehovaa sijn laiwe lüür mit?

• Jehovaa wil dat sijn laiwe lüür wek daile in sij leewend aners måke. Woweegen?

• Denkst duu is ni licht aine gaure ümgang mit Jehovaa häwe? Woweegen denkst duu soo?