Jéova né nkouoŋo ngié o zsé yé. Nti kô? Nti noué a né nzsé ngié, o lôôn nziʼi lé zsé méma mé, nziʼi lé zsé nti yié a gʉo choum pouʼou, mbing nziʼi mmo yié a né nkouoŋo nti wou, mba a gé gʉo o kouaʼ ntsôôn lé tchʉʼʉ chou wé. Ta ngouô o zôôn nkouaʼ ntchʉʼʉ chou Ssé? (Toŋo Zôbô ntsé 25:14). Ta ngouo o gʉo lékô ta ntchʉʼʉ chou wé? Biible naa mbʉaa na môôn ménzaté. A ying chouoŋo wégé ngié, Jéova, aa kouaʼ maamaa chou wuié ngouo pégé gwiée.

1. Jéova né nkouoŋo ngié o gʉo kô?

«Pi suièʼté nnè née léjʉng Ssé, a suièʼté yé nnè née léjʉng pi» (Jag 4:8). A lôgô ngôôn ngié kô? Jéova né nkouoŋo ngié o tchʉʼʉ chou wé. Tso pʉa kouang ngié a tʉʉ lé wo chou Ssé, nti noué mé té né ngiè yé wô. Taʼ, a gʉa tsaa Chouoŋo yé Biible, Jéova pou ndaʼté kôôkôô nti yé yié ngouo a kuiété wégé lé «suièʼté nnè née léjʉng» yé. Fʉʼé pégé toŋo Biible, nkʉ Ssé nti wégé, chou wuié pégé gwiée né Jéova kuiʼi ntʉté, mboo paʼ ngouo pégé lé yé giè.

2. Nti kô Jéova aa kouaʼ chou mboŋo wuié ngouo o gwiée?

Tsoo gning wuié a kouoŋo wou paʼ Jéova té wo wô. A né nkouoŋo ngié o gwiée lékag, mbing ndouô yé kuiété fʉʼ ntsém yié o né ngiè ngôʼ. Ngouo o «pou nnéŋé kôôkôô yié a né ntchʉa wou, ana mbwo Ssé, nti noué a né ndié wou» (1 Piè 5:7). Jéova kouaʼ nzsé lé toonté méchou pé fʉʼ ntsém, nzuiʼté fʉʼé pé né ngôôn no, mbing ndangté wôb (Toŋo Zôbô ntsé 94:​18, 19).

3. Jéova né nkouoŋo ngié pégé gʉo kô ta ntchʉʼʉ chou wé?

Jéova kouong pʉa métsém «taʼ, nkouaʼ ngouo chou pʉa pié poo ndéng ndéng» (Provèebe 3:​32). Jéova né nkouoŋo ngié méchou pé gʉo mmo yié a gièe ngié aa mbong, mbing ngouaʼa mmo yié a gièe ngié a té pong. Tso pʉa kouang ngié ngouo pé lé laʼ lièeʼ ngiŋé na choum ntsém sié Jéova né nzèté wô. Taʼ, Jéova gwiée maa létʉm. A zuing pʉa pié po kouaʼ nkouoŋo Yé, mbing né saʼa métʉ lé ying paʼ a né nzèté (Zôbô ntsé 147:11; Mégang ntoum 10:​34, 35).

 YING NKUIʼI NZIʼI

4. Abalam laa chou Ssé

Pité Abalam (wuié mé ying toŋo yé lé Ablam) tsèe Biible kuiété wégé lé zsé mmo yié mé gôôn lé wo chou Ssé, ngôôn yèe. Toŋo Génèze 12:​1-4. Léen nké chouŋé na môôn ménzèté:

• Jéova la gôôn né Abalam ngié a gʉo kô?

• Jéova la pʉé kô mbwo yé?

• Abalam laa péʼé ngʉo lékô fʉʼé Jéova la chouoŋo yé mmo yié a gwiée lé gʉo?

5. Ammo yié Jéova né nkouoŋo ngié méchou pé gʉo

Pégé gwiée ma lé kouoŋo ngié méchou pégé gʉo tsoo choum.

• O né nkouoŋo ngié méchou pou gʉo kô mbwo wou?

Toŋo 1 Jang 5:​3, ndéen nké chouŋé na yôôn nzèté:

• Jéova né nkouoŋo ngié méchou pé gʉo kô?

Léjououʼ ntchwo Jéova, a zèté lé koubé tsuié yégé. Toŋo Ésaya 48:​17, 18, ndéen nké chouŋé na yôôn nzèté:

• Mélaʼa kô Jéova gôôn né méchou pé ngié po koubé tsuié yôb?

 6. Ammo yié Jéova gʉo lé lôg nkuiété méchou pé

 TA O ZIʼII KÔ?

Jéova né nkouoŋo lé wo chou wou. A gé ying nkuiété wou lé wo chou wé.

Ta o né nkimté?

• Jéova kuiété méchou pé lékô?

• Nti kô Jéova gôôn né méchou pé ngié po koubé tso choum na wôb lénéŋé?

• Ta o kouang ngié a tʉ tèʼ lé wo chou Jéova? Nti kô o kouang pouʼou?