LÈS 08
Bo Por Bira Amigu di Yehova
Yehova ke pa bo siña konos’é mihó. Dikon? Pasobra Yehova ke pa bo bira su amigu. E ta spera ku ora bo siña mas tokante su kualidatnan, e manera ku e ta trata hende i su propósito, lo bo haña gana di bira su amigu. Bo ta kere ta posibel pa bira amigu di Dios? (Lesa Santiago 2:23.) Kiko bo por hasi pa bira amigu di Dios? Beibel ta kontestá e preguntanan ei i ta mustra dikon Yehova ta e mihó Amigu ku bo por tin.
1. Kiko Yehova ta invitá bo pa hasi?
Beibel ta bisa: “Hala serka Dios, i lo e hala serka [bo].” (Santiago 4:8) Ku e palabranan ei, Yehova ta invitando bo pa bira su amigu. Tin hende ta pensa ku ta difísil pa bira amigu di Dios pasobra nan no por mir’é. Sinembargo, den Beibel, Yehova ta revelá na nos tur loke nos mester sa di dje pa asina nos por bira su amigu. Ora nos lesa loke Dios a laga skirbi pa nos den Beibel, nos amistat kuné lo krese aunke nos no por mir’é.
2. Dikon Yehova ta e mihó Amigu ku bo por tin?
Wèl, niun hende no por stima bo manera Yehova. Yehova ke pa bo ta felis i e ke pa bo papia kuné ki ora ku bo mester di yudansa. Bo por ‘tira tur bo preokupashonnan riba dje, pasobra e ta interesá den bo.’ (1 Pedro 5:7, nota) Yehova semper ta kla pa yuda, konsolá i skucha su amigunan.—Lesa Salmo 94:18, 19.
3. Kiko Yehova ta ferwagt di su amigunan?
Yehova ta stima tur hende, pero “e tin amistat será ku hende rekto.” (Proverbionan 3:32) Yehova a pone norma di loke ta bon i di loke ta malu. E ke pa su amigunan hasi nan esfuerso pa hasi loke ta bon i evitá tur loke ta malu. Tin hende ta pensa ku nunka nan lo por kumpli ku tur loke Yehova ta spera di nan. Sinembargo, Yehova ta bondadoso i e ta tene kuenta ku nos. E ta aseptá tur hende ku ta stim’é di bèrdat i ku ta hasi nan esfuerso pa agrad’é.—Salmo 147:11; Echonan 10:34, 35.
KIKO MAS NOS POR SIÑA?
Laga nos wak kiko mas bo por hasi pa bira amigu di Yehova. Ademas, wak dikon e ta e mihó Amigu ku bo por tin.
4. Ábraham tabata amigu di Yehova
Ora nos lesa e relato di Beibel tokante Ábraham, òf Ábram, nos ta komprondé kiko ta nifiká tin un amistat ku Dios. Lesa tokante Ábraham na Génesis 12:1-4. Despues, analisá e siguiente preguntanan:
-
Kiko Yehova a bisa Ábraham pa hasi?
-
Kiko Yehova a primintí Ábraham?
-
Kiko Ábraham a hasi ora el a risibí instrukshon di Yehova?
5. Loke Yehova ta ferwagt di su amigunan
Generalmente, nos ta spera sierto kos di nos amigunan.
-
Kon bo ke pa bo amigunan trata bo?
Lesa 1 Huan 5:3. Despues, analisá e siguiente pregunta:
-
Kiko Yehova ta ferwagt di su amigunan?
Pa nos obedesé Yehova, kisas nos lo tin ku kambia nos kondukta òf nos personalidat. Lesa Isaías 48:17, 18. Despues, analisá e siguiente pregunta:
-
Dikon Yehova ke pa su amigunan hasi kambio?
Un bon amigu ta interesá den nos bienestar i lo duna nos bon konseho pa bai nos bon. Yehova ta hasi meskos pa su amigunan
6. Kon Yehova ta yuda su amigunan?
Yehova ta yuda su amigunan trata ku problema. Pasa e VIDIO. Despues, analisá e siguiente pregunta:
-
Kon Yehova a yuda e señora den e vidio trata ku su sintimentu- i pensamentunan negativo?
Lesa Isaías 41:10, 13. Despues, analisá e siguiente preguntanan:
-
Kiko Yehova ta primintí su amigunan?
-
Bo ta kere Yehova por ta un bon Amigu pa bo? Dikon bo ta kere esei?
Meskos ku un bon amigu ta kla pa yuda nos, Yehova tambe ta kla pa yuda nos
7. Amistat ku Dios ta enserá bon komunikashon
Komunikashon ta yuda un amistat krese. Lesa Salmo 86:6, 11. Despues, analisá e siguiente preguntanan:
-
Kon nos por papia ku Yehova?
-
Kon Yehova ta komuniká ku nos?
Nos ta papia ku Yehova ora nos ta hasi orashon i Yehova ta komuniká ku nos mediante Beibel
LOKE HENDE SA BISA: “Hende no por bira Dios su amigu.”
-
Ki teksto lo bo usa pa mustra un persona ku nos por bira amigu di Yehova?
RESÚMEN
Yehova ke bira bo Amigu i lo e yuda bo sera un amistat kuné.
Repaso
-
Kon Yehova ta yuda su amigunan?
-
Dikon Yehova ke pa su amigunan hasi kambio?
-
Bo ta kere ku loke Yehova ta spera di su amigunan ta muchu difísil pa kumpli kuné? Dikon bo ta pensa esei?
MAS INFORMASHON INTERESANTE
Wak dikon ta bon pa bo tin un amistat ku Dios.
“Yehova un Dios Ku Ta Bale la Pena Konosé” (E Toren di Vigilansia di 15 di febrüari 2003)
Siña kon bo por bira amigu di Dios.
Wak dikon un señora ta bisa ku su amistat ku Yehova a salba su bida.
Skucha kiko algun hóben ta bisa tokante Yehova.
Otro Artíkulo Interesante
PREGUNTA KU HOPI HENDE SA HASI
Kon un Kurso di Beibel Ku Testigunan di Yehova Ta Bai?
Pa sigui un kurso di Beibel interaktivo grátis ku Testigunan di Yehova, bo por usa kualke tradukshon di Beibel ku bo ta preferá. Sinti bo liber pa invitá henter bo famia òf kualke amigu pa sigui e kurso di Beibel huntu ku bo.
