Jehova kier pa bo siña conoc’e mihor. Dicon? Pasobra Jehova kier pa bo bira su amigo. E ta spera cu ora bo siña mas tocante su cualidadnan, su proposito y e manera cu e ta trata hende, cu bo lo haya gana di bira su amigo. Bo ta kere ta posibel pa bira amigo di Dios? (Lesa Santiago 2:23.) Kico bo por haci pa bira amigo di Dios? Bijbel ta contesta e preguntanan ey y ta mustra dicon Jehova ta e mihor Amigo cu bo por tin.

1. Kico Jehova ta invita bo pa haci?

Bijbel ta bisa: “Hala cerca Dios, y lo e hala cerca [bo].” (Santiago 4:8) Cu e palabranan ey, Jehova ta invitando bo pa bira su amigo. Tin hende ta pensa cu ta dificil pa bira amigo di Dios pasobra nan no por mir’e. Sinembargo, den Bijbel, Jehova ta revela na nos tur loke nos mester sa di dje pa asina nos por bira su amigo. Ora nos lesa loke Dios a laga skirbi pa nos den Bijbel, nos amistad cu ne lo bira mas mihor aunke nos no por mir’e.

2. Dicon Jehova ta e mihor Amigo cu bo por tin?

Wel, niun hende no por stima bo manera Jehova. Jehova kier pa bo ta feliz y e kier pa bo papia cu ne ki ora cu bo mester di yudansa. Bo por “tira tur [bo] preocupacionnan riba dje, pasobra e ta interesa den [bo].” (1 Pedro 5:7, nota) Jehova semper ta cla pa yuda, consola y scucha su amigonan.—Lesa Salmo 94:18, 19.

3. Kico Jehova ta verwacht di su amigonan?

Jehova ta stima tur hende, pero “e tin amistad cera cu hende recto.” (Proverbionan 3:32) Jehova ta spera pa su amigonan haci esfuerso pa haci tur loke e ta bisa ta bon y evita tur loke e ta bisa ta malo. Tin hende ta pensa cu nunca nan lo por cumpli cu tur loke Jehova ta spera di nan. Sinembargo, Jehova ta bondadoso y e ta tene cuenta cu nos. E ta acepta tur hende cu ta stim’e di berdad y cu ta haci esfuerso pa agrad’e.—Salmo 147:11; Echonan 10:34, 35.

 KICO MAS NOS POR SIÑA?

4. Abraham tabata amigo di Jehova

Ora nos lesa e relato di Bijbel tocante Abraham, of Abram, nos ta compronde kico ta nifica tin un amistad cu Dios. Lesa tocante Abraham na Genesis 12:1-4. Despues, analisa e siguiente preguntanan:

• Kico Jehova a bisa Abraham pa haci?

• Kico Jehova a priminti Abraham?

• Kico Abraham a haci ora el a ricibi instruccion di Jehova?

5. Loke Jehova ta verwacht di su amigonan

Generalmente, nos ta spera cierto cos di nos amigonan.

• Con bo kier pa bo amigonan trata bo?

Lesa 1 Juan 5:3. Despues, analisa e siguiente pregunta:

• Kico Jehova ta verwacht di su amigonan?

Pa nos obedece Jehova, kisas nos lo tin cu cambia nos conducta of nos personalidad. Lesa Isaias 48:17, 18. Despues, analisa e siguiente pregunta:

• Dicon Jehova kier pa su amigonan haci cambio?

 6. Con Jehova ta yuda su amigonan?

 RESUMEN

Jehova kier bira bo Amigo y lo e yuda bo cera un amistad cu ne.

Repaso

• Con Jehova ta yuda su amigonan?

• Dicon Jehova kier pa su amigonan haci cambio?

• Bo ta kere cu loke Jehova ta spera di su amigonan ta mucho dificil pa cumpli cu ne? Dicon bo ta pensa esey?