Jehová kraj che kawetaʼmaj más uwach ¿jasche? Rumal che kreyeʼj che kawaj katux rachiʼl are chiʼ kawetaʼmaj chrij ri ubʼantajik, ri kubʼan che ubʼanik jujun taq jastaq y ri kraj kubʼano. Are kʼu, ¿la qas katkunik katux rachiʼl ri Dios? (Chasikʼij Salmo 25:14). ¿Jas rajawaxik kabʼan at rech katux rachiʼl? Ri Biblia kutzalij uwach ri preguntas riʼ y kuya ubʼixik jasche ri rachilaxik ri Jehová are ri más nim upatan che kariq pa ri akʼaslemal.

1. ¿Jas sikʼinik kubʼan ri Jehová chawe?

«Chixqebʼ rukʼ ri Dios ri areʼ xuqujeʼ kqebʼ na iwukʼ» (Santiago 4:8). ¿Jas kraj kubʼij ri e tzij riʼ? Che ri Jehová kraj che katux rachiʼl. E jujun kkichomaj che kekun taj keʼux rachiʼl jun winaq che kkil taj, más na we are ri Dios. Are kʼu ri Jehová uyaʼom kan ri Biblia rech kojkunik kqetaʼmaj uwach y kojqebʼ rukʼ. Are chiʼ kqasikʼij uwach ri Biblia ri qachilanik rukʼ ri Jehová kubʼan más ko paneʼ kqil ta uwach.

2. ¿Jasche ri Jehová are ri más utz achiʼl che katkunik kariqo?

Jehová sibʼalaj katraj. Kraj che kariq kikotemal y amaqʼel kataʼ tobʼanik che. Katkunik kaya pa uqʼabʼ ri Dios ronojel ri kabʼisoj rumal che kel ukʼuʼx chawe (1 Pedro 5:7). Jehová amaqʼel keʼutoʼ, kukubʼsaj kikʼuʼx y keʼutatabʼej ri rachiʼl (chasikʼij Salmo 94:18, 19).

3. ¿Jas kraj ri Jehová kkibʼan ri rachiʼl?

Jehová keʼuloqʼoqʼej konojel ri winaq, are kʼu más na ri keniman che (Proverbios 3:32). Jehová kraj che ri rachiʼl kkikoj kichuqʼabʼ che ubʼanik ri kqaj chuwach y kkibʼan ta jastaq che itzel krilo. Weneʼ e jujun kkichomaj che kekun taj kkibʼan ri kutaʼ ri Jehová chke. Are kʼu ri areʼ kuchʼobʼ ri keriqitaj wi ri winaq y kraj kkʼojiʼ jun utz kachilanik kukʼ ri keloqʼoqʼen che y kkikoj kichuqʼabʼ che upatanixik (Salmo 147:11; Hechos 10:34, 35).

 CHANIMARISAJ RI AWETAʼMANIK

4. Ri Abrahán xux rachiʼl ri Jehová

Ri Biblia kchʼaw chrij jun achi ubʼiʼ Abrahán (xuqujeʼ kbʼix Abrán che) che kukʼut chqawach ri rajawaxik kqabʼano rech kojux rachiʼl ri Dios. Chisikʼij wariʼ pa Génesis 12:1-4 y chixtzijon chrij wariʼ:

• ¿Jas xutaʼ ri Jehová che Abrahán?

• ¿Jas xutzujuj ri Jehová che?

• ¿Jas xubʼan ri Abrahán rukʼ ri taqanik che xyaʼ che?

5. ¿Jas kutaʼ ri Jehová chke ri rachiʼl?

Qonojel kqaj che ri e qachiʼl e utz qukʼ.

• ¿Jas kawaj at che kkibʼan ri awachiʼl?

Chisikʼij 1 Juan 5:3 y chixtzijon chrij wariʼ:

• ¿Jas kraj ri Jehová che kkibʼan ri e rachiʼl?

Rech kqanimaj ri Jehová, weneʼ rajawaxik kqakʼex jujun taq jastaq pa ri qakʼaslemal. Chisikʼij Isaías 48:17, 18 y chixtzijon chrij wariʼ:

• ¿Jasche ri Jehová kraj che ri rachiʼl kkikʼex jujun taq jastaq pa ri kikʼaslemal?

 6. Ri kubʼan ri Jehová che kitoʼik ri rachiʼl

 RI XQETAʼMAJ

Jehová kraj che katux rachiʼl y katutoʼo rech katkunik kabʼan wariʼ.

¿La knaʼtaj chawe?

• ¿Jas kubʼan ri Jehová che kitoʼik ri rachiʼl?

• ¿Jasche kraj ri Jehová che ri e rachiʼl kkikʼex jujun jastaq pa ri kikʼaslemal?

• ¿Jas kachomaj at, la kʼi jastaq kuta ri Jehová chke ri rachiʼl? ¿Jasche je kabʼij?