Jehová munan ckam allít ʼrejsinayquita. ¿Ímaj? Imajraycu Tata Yaya suyana apin payta astaan ʼrejsispá –cualidaresninta, laya imaina ʼruan imastista y propositunta– ckam astaan múnaj ʼrinqui yanasun cayta. Chayvachá, ¿aticun cayta yanasu Tata Yayamanta? (léey Salmo 25:14). ¿Imát debenqui ʼruayta ckam chayta lográypaj? Biblia contestan chá tapunas y niáysh ímaj amistar Jehovaan can astaan súmaj ima ckam atinqui apiyta.

1. ¿Ima invitaciún Jehová ckamta ʼruasun?

«Ckemicuychis Tata Yayaman y pay ckamcunaman ckemiconcka» (Santiago 4:8). ¿Ima niyta munancu chá palabras? Jehová ckamta invitasus tían yanasun cayta. Huaquincunasta cuestapucun pensayta ima ʼruacuyta atincu yanasus pipasmanta ima maa atincu ckaayta, y menus Tata Yayamanta. Pero pay sackearáysh palabranpi, Bibliapi, túcuy precisasckayshta yacháypaj imaina pay can chayna payman ckemicunáyshpaj. Áicap leeycu Bibliapi Tata Yaya nockayshta niasckayshta, amistarníysh ʼruacun astaan sinchi amapas maa atiycu payta ckaayta.

2. ¿Imajchus Jehová can astaan alli yanasu ima ckam apiyta atinqui?

Jehová munasun astaan pipasmanta. Pay desian ima ckam cusiscka canayquita y payman ckemicunayquita sapa cutis ima payta precisanqui. Atinqui sackeyta «túcuy inquieturesniyquita paypa maquisninpi» imaraycu pay ckamraycu preocupacun (1 Pedro 5:7). Jehová siempre atentu tían yanapáypaj, consoláypaj y uyaríypaj yanasusninta (léey Salmo 94:18, 19).

3. Jehová, ¿imát suyan yanasusninmanta?

Jehová munan túcuy persunasta imaraycu páypaj túcuy quiquin cancu, pero «apin suj ancha súmaj amistar picunasuan casupuncu» (Proverbios 3:32). Jehová suyan yanasusnin afanacunancuta ʼruas imastis ima pay ckaan alli casckanta y maa ʼruayta imastis ima pay ckaan mana alli casckanta. Huaquincuna pensancu ima ni áicap ʼruayta atenckancu túcuy ima pay suyan ʼruanancuta. Pero pay ashcát unanchaáysh y aceptan tucuycunasta ima payta munancu y afanacuncu cusichinaas (Salmo 147:11; Hechos 10:34, 35).

 ASTAAN ESTUDIANÁYSH TÍAN YACHÁYPAJ

4. Abrahán yanasu Jehovamanta cara

Biblia nisckanta Abrahanmanta (Abranpas huajyascka) suj idea ckoaycu niyta munasckanta cayta yanasus Tata Yayamanta. Leeychis Abrahanmanta caypi Génesis 12:1-4 y ʼrimaychis cá tapunasmanta:

• ¿Imát mañapora Jehová Abrahanta?

• ¿Imát prometepora Jehová?

• ¿Imát ʼruara Abrahán chaymanta uyariyta Jehová nipusckanta?

5. Ima Jehová mañapucusckanta yanasusninta

Siempre imallapas suyaycu yanasusniycumanta.

• ¿Imát suyanqui ckam yanasusniyquimanta?

Leeychis 1 Juan 5:3 y ʼrimaychis cá tapunasmanta:

• ¿Imát suyan Jehová yanasusninmanta?

Jehovát casucúypaj, nacha cambius ʼruanaycu tían, imaina portacuycu o geniuycupi. Leeychis Isaías 48:17, 18 y ʼrimaychis cá tapunasmanta:

• ¿Imajchus Jehová mañapucun yanasusninta cambius ʼruanancunata?

 6. Jehová ʼruasckanta yanasusninraycu

 BIBLÍAP YACHACHINASNIN

Jehová munan yanasuyqui cayta y, astaanpas, yanapasoncka nisuspa imát ʼruayta payman ckemicúypaj.

Yuyáypaj

• ¿Imaina yanapan Jehová yanasusninta?

• ¿Imajchus Jehová mañapucun yanasusninta cambianancuta?

• ¿Creenqui ckam ima Jehová demasiau suyan yanasusninmanta? ¿Imajchus chayna pensanqui?