Jehová munan can paita alira ricsichu. ¿Imarasha? Pai chapaunmi can mas paimanda yachasha mas paita ricsina munachu, mas paihua amigo tucuchu. Shinajpi ¿sirtu Diospa amigo tucuna ushanchi? (Leai Salmo 25:14). Can ¿imara rurana ushangui Diospa amigo tucungaj? Biblia cai tapuigunara cutipan shinallara yachachin imarasha Jehová amigo tucuna mas valij ashcara.

1. Jehová ¿ima rurangaj cumbiran?

“Diospajma mayanllayamuichi, shina rajpi pai cangunama mayanllayamungami” (Santiago 4:8). Cai shimiuna ¿imara intindichin? Jehová Dios cumbiran can paihua amigo tucuchu. Maicangunara shinzhi an quiringaj Diospa amigo tucuna ushashcara paita mana ricuna ushashcamanda. Shinajpi paihua shimi, Bibliai, pai yachachinmi imasna ashcara paihuajma mayanllayamungaj. Bibliai Diospa Shimira leaushcai Jehovahua ñucanchi amigo tucunara mas shinzhiyachin paita mana ricuna ushashas.

2. ¿Imarasha Jehová camba mas ali amigo tucuna ushan?

Jehová shujcunamanda yali, canda mas llaquin. Pai munanmi can cushi causachu shinallara yanapaira ministisha, paihua cuintarichu. Can “tucui turbarishcara paihua ahuai” churana angui, pai canda cuirana munanmi (1 Pedro 5:7). Jehová Dios tucui huras paihua amigogunara yanapangaj, cushiyachingaj shinallara cuyangaj munanmi (leai Salmo 94:​18, 19).

3. Jehová paihua amigogunamanda ¿imara chapan?

Jehová tucui runaunara llaquin shinajpi “ali runaunahua amigo tucun” (Proverbios 3:32). Jehová munanmi paihua amigoguna ursarinuchu ali rurashcaunara rurangaj shinallara manali rurashcaunamanda anzhuringaj. Maicanguna quirinun tucui Jehová mandashcaunara mana pactachina ushashcara shinallara tucui manalira mana saquina ushashcara. Shinajpi Jehová Dios ñucanchira intindinmi, tucui paita llaquijcunara, paihua munashcara rurangaj ursarijcunara chasquinmi (Salmo 147:11; Hechos 10:​34, 35).

 MAS YACHAI

4. Abrahán Jehová amigo aca

Abrahanmanda Biblia cuintashca (shinallara Abrán shutiyuj) intindichin imara an Diospa amigo tucuna. Leaichi Abrahanmanda Génesis 12:1-4pi, huasha catij tapuigunamanda rimaichi:

• Jehová ¿imara Abrahanda mañaca?

• Jehová ¿imara Abrahanda rimaca?

• Abrahán ¿imara rurarca Jehová mandashcaunara chasquishca huasha?

5. Jehová paihua amigogunara ¿imara mañan?

Maicambi imaras ñucanchi amigogunamanda chapaunchi.

• Can ¿imara chapaungui camba amigogunamanda?

Leaichi 1 Juan 5:​3, huasha catij tapuimanda rimaichi:

• Jehová ¿imara chapaun paihua amigogunamanda?

Jehová mandashcaunara pactachingaj, maicambi ñucanchi causaibi turcana anchi. Leaichi Isaías 48:17, 18, huasha catij tapuimanda rimaichi:

• ¿Imarasha Jehová paihua amigogunara turcaiguna rurangaj mañan?

6. Jehová imara ruran paihua amigogunamanda

 IMARA YACHASHCANGUI

Jehová camba amigo tucuna munan chiraigu canda yanapangami paihuajma llutaringaj.

Iyaringaj

• Jehová ¿imasnara paihua amigogunara yanapan?

• ¿Imarasha Jehová paihua amigogunara mañan huaquin turcaigunara rurangaj?

• ¿Quiringuichu yapa shinzhi ashcara Jehovahua amigo tucunara? ¿Imarasha shina iyangui?