LEKCIJA 8
The tut o Jehovas šaj rado dikhel
O Jehovas kamel, kaj les feder te sprindžares. Soske? Te buter džaneha savo hino, so kamel, so kerela la phuvaha, ta mek buter tut oda cirdela ke leste. Čačes šaj aves le Devleske andro jilo? (Pregen Žalm 25:14) So šaj keres, kaj ada avka te el? E Biblija tuke pre kada odphenela. Tiš sikavela, hoj ňič nane bareder sar oda, hoj o Del tut rado dikhela.
1) Save šukar lava tuke phenel o Jehovas?
„Aven pašeder ko Del a ov avela pašeder ke tumende.“ (Jakub 4:8 NZ) So oda hin? O Jehovas kamel te el sar vareko, kas igen rado dikhes. Aľe sar, te le Devles našťi dikhas? O Jehovas diňa andre Biblija savoro, kaj les te sprindžaras, so nekfeder. Čim buter le Jehovas sprindžaraha andal leskero lav, mek buter les kamaha, choč les jakhenca na dikhas.
2) Soske hin o Jehovas čačes nekfeder?
Ňiko tuke na sikavel bareder kamiben sar o Jehovas. Kamel, kaj te aves čačes bachtalo a kaj leha te vakeres kana kames a kaj kames. Šaj „čhiven savoro tumaro pharipen pre leste, bo leske nane jekh, so predživen.“ (1. Petra 5:7) O Jehovas tuke kamel te podel o vast u te šunel tut avri. Ňigda tut na omukhela. Ajso verno kamiben les hin. (Pregen Žalm 94:18, 19)
3) So o Jehovas kamel tutar?
O Jehovas rado dikhel savore manuša, „aľe predal o paťivale hino igen lačho prjaťeľis.“ (Príslovia 3:32) O Jehovas užarel olendar, so kamen te ačhel leskere, hoj kerena, so hin lačho a na vareso, so leske džungľol. Vareko šaj phenel: „Man nane pre oda, kaj te dživav avka sar kamel o Jehovas.“ Aľe le Jehovas hin baro jilo. Ov rado dikhel sakones, ko les čačes kamel a ko leske cale jileha kerel radišagos. (Žalm 147:11; Skutky 10:34, 35)
DODŽAN TUT BUTER
Sar šaj sikaves verno kamiben le Jehovaske? Soske nane ňiko feder sar o Jehovas?
4) O Abrahám sikavelas verno kamiben le Jehovaske
Le Abrahamostar (Abramostar) pes dodžanas, sar šaj sikavas le Jehovaske verno kamiben. Pregen 1. Mojžišova 12:1–4 pal o Abrahám. Paľis vakeren jekhetane:
-
So kamľa o Jehovas le Abrahamostar?
-
Savo lav diňa o Jehovas le Abrahamoske?
-
So kerďa o Abrahám?
5) So o Jehovas phenel olenge, kas rado dikhel
Amen tiš užaras, hoj ola, kas rado dikhas, kerena vareso predal amende.
-
Tu so kamľalas, kaj predal tute te keren?
Pregen 1. Jána 5:3 a vakeren jekhetane:
-
So o Jehovas kamel olendar, kas rado dikhel?
Te kamas te dživel pal o Jehovaskere lava, dičhola oda pre amaro dživipen the pre oda, save sam. Pregen Izaiáš 48:17, 18 a vakeren jekhetane:
-
Soske o Jehovas užarel, hoj avaha furt feder a feder?
Oda, ko tut rado dikhel tuke phenela, so te kerel, kaj te na doperes nalačhes. O Jehovas tiš ada kerel predal ola, kas rado dikhel
6) So o Jehovas kerel predal ola, kas rado dikhel
Te leskere cerpinen, o Jehovas len na mukhel korkoren andro pharipena. Mukh o VIDEJO a vakeren jekhetane.
-
Sar o Jehovas pomožinďa la džuvľijake, so predživelas bari dukh?
Pregen Izaiáš 41:10, 13 a vakeren jekhetane:
-
Savo lav diňa o Jehovas olenge, ko leske sikavel verno kamiben?
-
So phenes, šaj el o Jehovas predal tute nekpašeder dženo, pre savo tut šaj zmukhes? Soske?
Oda, ko tut rado dikhel tuke pomožinela, te kampela. O Jehovas tuke tiš pomožinela
7) Te pes rado dikhas, vakeras peha
Sar peha vakeren duj džene, so pes rado dikhen, o kamiben maškar lende barol. Pregen Žalm 86:6, 11 a vakeren jekhetane:
-
Sar šaj vakeras le Jehovaha?
-
Sar o Jehovas vakerel amenca?
Amen vakeras le Jehovaha prekal e modľitba. Ov amenca vakerel prekal e Biblija
VAREKO ŠAJ PHENEL: „Me na som hodno te el le Devleske andro jilo.“
-
Save lava la Biblijatar sikaven, hoj pes oda del?
SO SIKHĽIĽAM
O Jehovas tuke kamel te sikavel verno kamiben a kerela savoro, kaj les the tu rado te dikhes.
So bi phenehas
-
So o Jehovas kerel predal ola, kas rado dikhel?
-
Soske o Jehovas užarel, hoj avaha furt feder a feder?
-
So phenes, užarel amendar o Jehovas but? Soske avka phenes?
DIKH TUKE BUTER
Savo ela tiro dživipen te sprindžareha le Devles?
„Jehova – Boh, ktorého stojí za to spoznať“ (Strážna veža z 15. februára 2003)
Pregen tuke, so šaj keres, kaj tut o Jehovas rado te dikhel.
Pregen tuke, so zadžiďiľa jekh džuvľi a soske hin akana lakero dživipen feder.
Dikh, so o terne phenen pal o Jehovas.
Dikh the pre ada
SO O MANUŠA KAMEN TE DŽANEL
So oda hin te sikhľol la Biblijatar?
Te kavka sikhľona la Biblijatar le Jehovaskere svedkenca, šaj genen andal e Biblija, savi tumen kamen. Šaj vičinen la fajta, le kamaraten abo kas kamen.
