О Йехова мангел те пенжарес лес по-лачшес. Соске? Ов надинел пес, кай кизом по-бут букя ахальовес леске, зомкха по-бут ка мангес те овес лескоро амал. Верувинес ли, кай ащи те овес е Девлескоро амал? (Четине Псалм 25:14.) Со ащи те керес, за те ачшовес лескоро амал? И Библия отговоринел калке въпросиенге тай сикавел соске о Йехова си о най-лачшо амал, ковато ащи те овел тут.

1. Со пхенел туке о Йехова те керес?

„Жан по-паше жи ко Дел тай ов ка авел по-паше жи туменде.“ (Яков 4:8) Со означинен калка думес? О Йехова пхенел туке те ачшовес лескоро амал. Десаве манушенге си трудно те верувинен, кай ащи те ачшон амала е Девлеса, соскето нащи те дикхен лес. Ама анди Библия о Йехова сикавел аменге, всичко со требе те жанас леске, за те ащи те ачшовас близка леса. Кана ахальовас тари Библия со мангел те пхенел аменге о Дел, амаро амалипе е Йеховаса барьол, нищо кай нащи те дикхас лес.

2. Соске о Йехова си о най-лачшо Амал, ковато ащи те овел тут?

Никхой на дехел тут по-бут таро Йехова. Ов мангел те овес щастливо тай те молинес тут леске винаги, кана требел туке помощ. Ащи те мукес те „саворе холя упрал лесте, соскето ов дикхел“ туке. (1 Петър 5:7) О Йехова винаги си готово те шунел пе амален, те утешинел лен тай те помагинел ленге. (Четине Псалм 94:18, 19.)

3. Со мангел о Йехова те керас, за те овас амала леса?

О Йехова дехел саворе манушен, „ама си близко е манушенца, колато си честна“. (Притчи 3:32) О Йехова мангел лескере амала те керен со си лачшо лескере якхенде тай те нашен таро букя, колато ов пхенел, кай си кханиле. Десаве мануша ащи те мислинен, кай нисар нанай те ащи те керен саворе букя, колато о Йехова мангел амендар, тай те нашен саворе кханиле букиендар. Ама о Йехова си лачше вогиескоро. Ов приеминел секас, ковато наистина дехел лес тай дел всичко пестар, за те овел леске угодно. (Псалм 147:11; Деяния 10:34, 35)

 РОДЕ ПО-ХОРЕСТЕ

4. О Авраам сине е Йеховаскоро амал

О букя, колато пишинел анди Библия е Авраамиеске, помагинен аменге те ахальовас со требе те керас, за те овас е Девлескере амала тай сар о Дел благословинел пе амален. Четинен е Авраамиеске ко Битие 12:1-4. После хоратинен калке въпросиенге:

• Со пхенгяс о Йехова те керел о Авраам?

• Со обещингяс леске о Йехова?

• Со кергяс о Авраам?

5. Со мангел о Йехова те керен лескере амала

Аме-да мангас амаре амала те керен десаве букя.

• Саве си десаве букя, колато мангес тере амала те керен за туке?

Четинен 1 Йоан 5:3 тай хоратинен калке въпросиеске:

• Со мангел о Йехова те керен лескере амала?

За те овас послушна е Йеховаске, може би ка требе те променинас амен тай те овас по-лачше околенца. Четинен Исаия 48:17, 18 тай хоратинен калке въпросиеске:

• Соске о Йехова мангел пе амалендар те променинен пес?

 6. Со керел о Йехова, за те помагинел пе амаленге

 СО СИКЛИЛЯМ

О Йехова мангел те овел то Амал тай ка помагинел туке те овес близко леса.

О най-важна букя таро уроки

• Сар о Йехова помагинел пе амаленге?

• Соске о Йехова пхенел пе амаленге, кай требе те променинен пес?

• Мислинес ли, кай о Йехова мангел бут букя пе амалендар? Соске?