O Jehova kamel te prinzhares les mishto. Sostar? Ke vo azhukerel te aves lesko amigo. Shai aves lesko amigo kana sikiosa che fialo si, savi si leski voia ai sar kerel le prame. Chachimasa shai aves amigo le Devlesko? (Chito Salmo 25:14). So trobus te keres? E Biblia del amen suato pa gado ai phenel sostar si iek bari prama tuke te aves amigo katar o Jehova.

1. Soske akharel tu o Jehova?

“Pashon pasha Del, ai O Del pashola pasha tumende” (Iakov 4:8). So kamel te phenel kako? Ke o Jehova akharel tu tut te aves lesko amigo. Univar shai avel pharo varekaske te gindil ke shai avel amigo katar iek manush kai nashtil te dikhel, sar si le Devlesa. Numa ande peski Vorba, e Biblia, thodias sa so trobus te zhanas te pashuvas leste. Kana chitos ande Biblia le suaturia kai meklias amenge o Jehova shai avas mai leske amiguria, makar nashtisa te dikhas les.

2. Sostar o Jehova si o mai lasho amigo kai shai avel tu?

Khonik chi kamel tu sar o Jehova. Vo kamel ilesa te aves veselime ai te pashos leste kana trobula tu. Tu shai thos pe leste sa kire “nekazuria, ke vo lel sama” tutar (1 Petri 5:7). Kana iek andal amiguria katar o Jehova trobul les vareso vo kotse lo te azhutil les, te ashunel les ai te del les pacha (chito Salmo 94:18, 19).

3. So azhukerel o Jehova katar peske amiguria?

O Jehova kamel chachimasa sa le manushen, numa “defial pashe lo katar le manush kai si vorta” (Proverbios 3:32). O Jehova azhukerel katar peske amiguria te thon zor te keren so si vorta angla leste ai te durion katar so nai vorta. Shai avela ke uni gindin ke nashtin te keren sa so mangel o Jehova. Numa vo, aliarel amenge mishto ai putrel peske vast sa godolenge kai kamen les ai thon zor te veselin lesko ilo (Salmo 147:11; Le Apostolengo 10:34, 35).

 TE MAI SIKIOS

4. O Abrahan sas amigo katar o Jehova

So mothol e Biblia pa o Abrahan (kai vi busholaspe Abran) sikavel amenge sar te avas amiguria le Devleske. Chiton pa o Abrahan ando Génesis 12:1-4 ai den duma pa:

• So manglias o Jehova katar o Abrahan?

• So shinadias leske o Jehova?

• So kerdias o Abrahan kana o Jehova phendias leske so te kerel?

5. So mangel o Jehova katar peske amiguria

Savorhe azhukeras vareso katar amare amiguria.

• So azhukeres tu katar kire amiguria?

Chiton 1 Juan 5:3 [NWT] ai den duma pa:

• So azhukerel o Jehova katar peske amiguria?

Te pakiasa o mui katar o Jehova, shai avela ke trobus te parhuvas vareso anda amaro traio. Chiton Isaías 48:17, 18 ai den duma pa:

• Sostar o Jehova mangel katar peske amiguria te parhuven uni prame anda pengo traio?

 6. So kerel o Jehova pala peske amiguria

 SO DIKHLIAM

O Jehova kamel te avel kiro amigo ai si te azhutil tu te pashos leste.

So sas te mothos?

• Sar azhutil o Jehova ka peske amiguria?

• Sostar mangel o Jehova katar peske amiguria te parhuven uni prame anda pengo traio?

• Pakias ke o Jehova mangel but katar peske amiguria? Sostar gindis gadia?