О Дэл о Иегова камэл, кай ту тэ уӷанэс лэс май драго, кай во тэ ашэл важ тутэ, сар друӷо. Но бут ко ԥэнэн: «Во жэ Дэл, сар лэса тэ дружыс?» Но анда Библия ту уӷанэса, кай о мануш можэт тэ авэл лэ Дэвлэско друӷо и со во трэбуй тэ терэл, кай тэ уӷанэн лэ Дэвлэс май пашэ. Кадяжэ ту уӷанэса, васо о Иегова со май лашо друӷо анда всаворэ. О Дэл Иегова камэл, кай ту тэ уӷанэс, саво во, и со во загиндосардя важ амэндэ. Ай о мануш можэт тэ авэл важ о Дэл, сар друӷо? (Адиносар Псалом 25:14.)

1. Со ԥэнэн тути о Иегова?

«Авэн май пашэ каринг о Дэл, и во пашола каринг тумэндэ» (Иакова 4:8). О Иегова камэл тэ ӷанэн тут, сар пэстирэ друӷос. Дэко ԥэнэн: «О Дэл дур амэндар, кай во, ай кай амэ». Но через и Библия о Иегова росԥэнэн пала пэстэ вся, кай ту тэ авэс май пашэ каринг лэстэ. Кала ту адиноса и Библия, тутэ авэла май лащи дружба лэса.

2. Васо о Иегова само лашо друӷо?

Нико на любий тут кадя дэ фартэ сар о Иегова. Во камэл, кай тутэ тэ авэл май бахтали жызня и кай ту тэ мангэспэ лэсти, кай во тэ поможый. Андэ Библия пистромэ: «И вся, пала со пэрэжываете, пэрэстон пэр лэстэ, важ кода кай во фэрий и диқэл пала тумэндэ» (1 Петра 5:7). О Иегова андэ любо время подритярэла и виашунэла тут, сар пэстирэ друӷос. (Адиносар Псалом 94:18, 19.)

3. Саво трэбуй тэ ашэс, кай тэ авэс лэ Иеговаско друӷо?

Андэ Притчи 3:32 пистромэ: «Кодэва, ко кандэл лэс, лэско лашо друӷо». О Иегова любий всаворэ манушэн, но во камэл, кай лэстирэ друӷоря тэ старыинпэ тэ терэн правильно англа лэстэ, и тэ на терэн кода, со лэсти на чалёл. Варико можэт тэ гиндой, кай лэстэ на вижала тэ жувэл па лэ Дэвлэско законо. И о Иегова полэл, васо кацавэ гиндоря моӷут тэ авэн кай о мануш. Лэ Иеговасти куч всаворэ, ко па чачимастэ любий лэс и старыийпэ тэ кандэл лэс (Псалом 147:11; Деяния 10:34, 35).

 УӶАНАМ МАЙ БУТ

4. О Авраамо сас лэ Иеговаско друӷо

Кода, со росԥэнэнпэ андэ Библия пала Авраамо, кадяжэ пэр лэстэ ԥэнэн Аврам, поможый тэ полас, сар тэ авас друӷоря лэ Дэвлэса. Адиносарам пала Авраамо андэ Бытие 12:1—4 и подам дума пала вопросоря, савэ май тэлэ.

• Со о Иегова ԥэндя лэ Авраамости тэ стерэл?

• Пала со о Иегова дя алав лэ Авраамости?

• Со стердя Авраамо?

5. Со о Иегова камэл пэстирэ друӷонэндар?

Амэ аштярас пэстирэ друӷонэндар, кай вонэ драго тэ обжанпэ амэнца.

• Саво ту камэс тэ авэл тутэ друӷо?

Адиносарам 1 Иоанна 5:3 и подам дума пала вопросо, саво май тэлэ.

• Со о Иегова аштярэл пэстирэ друӷонэндар?

Кай тэ служысарас лэ Иеговасти, трэбуй тэ парудювас андэ кода, сар амэ пэс андярас и дэсо тэ парувас андо пэско характеро. Адиносарам Исаия 48:17, 18 и подам дума пала вопросо, саво тэлэ.

• Васо о Иегова камэл, кай лэстирэ друӷоря тэ парудёнпэ?

 6. Со о Иегова терэл важ пэстирэ друӷоря?

 ПАЛА СО АМЭ ДЯМ ДУМА?

Анда кадэя ӷлава амэ уӷанглям, кай о Иегова камэл, кай ту тэ авэс лэско друӷо и во поможыя андэ када.

Сар ту гиндос?

• Сар о Иегова поможый пэстирэ друӷонэнди?

• Васо о Иегова камэл, кай лэстирэ друӷоря тэ парудён?

• Фартэ бут о Иегова мангэл пэстирэ друӷонэндар, кай вонэ тэ парудён? Васо ту кадя гиндос?