Yehova nkɔpaka djɛ wɛ ndoolembetela wɔlɔwɔlɔ. Ladjikɛnge? Ladjikɛnde nde ndjewaka ante ntsha wɛ ndjeka djɛ ndjewa wekeka wande wɔlɔwɔlɔ, wopo w’onanghelakande anto akambo edjinge kɛnɛ k’ɔkɔpande lá nkambo djɛkɔ, ɔngɔkɔpa ndjala ilongo yɛnde. Onto nkoka nsɔsɔlɔ ndjala ilongo nya Ndjambe? (Wala Yeembo 25:14.) Kɛkɔnge k’okokɛ nangha djɛ ndjala ilongo yɛnde? Bible mpɛyɛka nsakiso lá weepó wɛsɔ edjinge mpakisola ladjikɛnge ndjala ilongo nya Yehova olekande ndjala ilongo nya onto nkina onkfumɔ wɔlɔ.

1. Kɛkɔnge kɛ Yehova ɔkɔlɔmbande djɛ nangha?

‘Nyosukane te Ndjambe ko nde angosukana te nyo.’ (Djakɔbɔ 4:8) Vɛrse djɛnɛ osakisolawɔ nge? Yehova nkombolaka djɛ wɛ ndjala ilongo yɛnde. Anto amɔtshi nyɛnaka djɛ wapakoke ndjalá ilongo la Ndjambe ladjikɛnde wapakoke ndɔɔwɛna. Koko lá Otepela wɔnde, Bible, Yehova ntɛnyɛka nkambo nkfumɔ dj’oyɛso la djonyi djɛ ndjewa lá kɛnɛ kelendana la lonto lɔnde dj’iso ndasukanyɛ te nde. Winá w’owalaso losango lɔ Ndjambe lolekɔ́ lá Bible, ilongo yɛso lande ingoleka nkemba kaanga isɔpɔwɛnyi.

2. Ladjikɛnge Yehova oyɛnde Ilongo yeleka wɔlɔ?

Lako onto wongokoká ngandji ko ndjɛlama la Yehova. Nde nkɔpaka djɛ wɛ ndjala l’osasa edjinge djɛ wɛ ndɔɔlɔmbaka winá enkfumɔ w’oyalɛ la djonyi dj’okotshɔ. Wɛ nkoka ‘nsodjɛ edjito wɛko enkfumɔ le nde ladjikɛnde nde ndakiyanyɛka lá nkambo djɛko.’ (1 Pɛtɛlɔ 5:7) Yehova alekɔ winá enkfumɔ entshupa djɛ nsuka, nkembɛ edjinge ndjekameyɛ tolongo tɔnde.—Wala Yeembo 94:18, 19.

3. Kɛkɔnge k’oyɛso la djɛ nangha djɛ ndjala tolongo tɔ Yehova?

Yehova nkɔpaka anto ankfumɔ, ‘koko nde alekɔ ilongo yɛ ma ma nya anto wa sii.’ (Woongo 3:32) Djɛ ndjala tolongo tɔ Yehova iso ladjɛ nangha la wolo djɛ nangha akambo w’otepelande ante walekɔ wɔlɔ edjinge ntona akambo w’otepelande ante walekɔ nyɛtshi. Anto amɔtshi nkoka nkanela ambɔ wapakokaki nɛmɛyɛ ɛlɛmbɛ wɛ Yehova welendana la wɔlɔ edjinge la nyɛtshi. Koko, Yehova alekɔ lokana nkɛtshi. Nde ndjawolaka onto onkfumɔ wɔkɔpaka nsɔsɔlɔ la wonanghaka la wolo djɛ ndoosasangɛ.—Yeembo 147:11; Elemo 10:34, 35.

 TSHIMOLA

4. Abrahama ayalaka ilongo yɛ Yehova

Ɔkɔndɔ wɔ Abrahama (kanga letawɔ lonkina ambɔ Abrama) wotanaso lá Bible wɔtɔpɛyɛ ikanyi yɛ kɛnɛ kesakisola ndjala ilongo yɛ Ndjambe. Wala wayi walendana la Abrahama lá Ewangelo 12:1-4. Ko kadjimola lá weepó wɛnɛ:

• Yehova ndashimela Abrahama djɛ nangha nge?

• Kɛkɔnge kɛ Yehova ndoolake?

• Abrahama ndananghe nge lá kɛnɛ kɛ Yehova ndoshimela?

5. Akambo wa Yehova ɔlɔmbakande tolongo tɔnde

Mbala efula iso nkɔpaka ente tolongo tɔso watonanghele ngo akambo wa sɔkɔpaka.

• Akambo amɔtshi wakɔnge ngɔkɔpaka tolongo tɔko nkonanghela?

Wala 1 Djɔanɛ 5:3, ko kadjimola lá woopó wɔnɛ:

• Yehova ɔkɔpande ante tolongo tɔnde wananghe nge?

Djɛ nɛmɛyɛ Yehova, iso ladjɛ ntshikitanyɛ ndjalelo djɛso kana akambo amɔtshi walendana la lowiko lɔso. Wala Izaya 48:17, 18, ko kadjimola lá woopó wɔnɛ:

• Ladjikɛnge Yehova ɔlɔmbande tolongo tɔnde dj’iwɔ nangha etshikitano?

 6. Akambo wa Yehova onanghelakande tolongo tɔnde

 LÁ YOPASƐ

Yehova nkɔpaka ndjala ilongo yɛko edjinge nde angokokotshɛ djɛ wɛ ndasukanyɛ lande.

Mvungo

• Yehova okotshɛkande tolongo tɔnde ngete mo?

• Ladjikɛnge Yehova ɔlɔmbande tolongo tɔnde dj’iwɔ nangha etshikitano?

• Okanelɛ ente mo, alekɔ nkambo djɛ wolo djɛ nkoma ilongo yɛ Yehova? Lamo?