Yehowa akumina’shi omuiukie. Buakinyi? Muanda muukie’shi nsaa yolongo pabitale ngikashi yaye, mushindo wakitshinaa bantu mianda na bi mpango yaye, onyisha kukumina kuikala kuku aaye. Omono’shi we kuikala kuku a Efile Mukulu su? (Badika Misambo 25:14.) We kukita kinyi bua kuikala kuku aye? Bible alula ku ino nkonko na alesha buakinyi kuikala mu kipuano na Yehowa kui na muulo ukata kukila kuikala mu kipuano na bangi bantu.

1. Yehowa akutekie bodia kukita kinyi?

“Efubwileyi kwi Efile Mukulu, byabya, aye namu efubwila pepi nenu.” (Shake 4:8) Bino abilesha kinyi? Abilesha’shi Yehowa akutekie bodia kuikala kuku aye. Bangi abamba’shi bi bukopo kuikala kuku a Efile Mukulu muanda tabamumono. Anka mu Eyi diaye Bible, Yehowa etulesha mianda yoso yatudi nayo lukalo bua kuka pabitale ngikashi yaye buatudia kuifubuila pepi naye. Nsaa yatubadika mukandu w’Efile Mukulu wadi muitutumine mu Bible, kipuano kietu na Yehowa akinyisha kutama sunga biekala’shi tatuamumuene.

2. Buakinyi Yehowa ngi kuku e buwa odia kuikala naye?

Muanda takui ungi muntu mukufule bu bikufule Yehowa nya. Akumina’shi wekale na muloo na omutekie nsaa yoso yodi na lukalo lua bukuashi. Bible akula’shi: ‘Munyenyekyeleyi myanda yoso ayinukalakasha, mwanda nee kuete kwinupasukila.’ (1 Mpyeele 5:7, EEM) Yehowa ekalaa kuanka nsaa yoso bua kukuatshishena, kunyingisha mpa na kuteemesha ba kuku baye.​—Badika Misambo 94:18, 19.

3. Buatudia kuikala ba kuku ba Yehowa abitungu tukite kinyi?

Yehowa mufule bantu boso mu kibungi, anka “nyi kuku a balulame.” (Nkindji 3:32, EEM) Yehowa akumina’shi ba kuku baye bekitshishe bua kukita mianda ayimueneka ku meso kuaye bu i buwa na kuleka kukita yaya ayimueneka ku meeso kuaye bu i bubi. Bangi abamono’shi bangi ta mbalombene koobesha kukookiela mayi a kulonda a Yehowa pabitale ki buwa na ki bubi. Anka Yehowa nyi Efile Mukulu e na lusa. Akuminaa muntu oso amufulu mu binyibinyi na oso ekitshisha buadia kumusankisha.​—Misambo 147:11; Bikitshino 10:34, 35.

 TUKIMBUULE BOSO

4. Abrahame badi kuku a Yehowa

Muisambo wa Abrahame wi mu Bible (abetamina dingi bu Abrame) awitukuasha buatudia kupusha akipatuula kuikala kuku a Yehowa. Badika pabitale Abrahame mu Kibangilo 12:1-4. Akupu nuisambile ino nkonko ailondo:

• Yehowa balunguile Abrahame bua kukita kinyi?

• Yehowa bamulaile kinyi?

• Abrahame badi mukite kinyi ku bino bibamulunguile Yehowa?

5. Yehowa akumina’shi ba kuku baye bakite kinyi?

Atukulupilaa’shi ba kuku betu abetukitshina mianda kampanda.

• Mianda kinyi yokumina’shi ba kuku bobe bakukitshine?

Badika 1 Yowano 5:3, Akupu nuisambile luno lukonko alulondo:

• Yehowa akumina’shi ba kuku baye bakite kinyi?

Buatudia kukokiela Yehowa, abitungu tushintule muikelo wetu na bumutu buetu. Badika Yeeshaya 48:17, 18, Akupu nuisambile luno lukonko alulondo:

• Buakinyi Yehowa atekaa ba kuku baye buabadia kushintula muikelo wabo?

 6. Yehowa akitshinaa ba kuku baye kinyi?

 MU KIKOSO

Yehowa akumina kuikala kuku oobe na akakukuasha bodia kuifubuila pepi naye.

Kuambuula

• Yehowa akuashaa ba kuku baye naminyi?

• Buakinyi Yehowa atekaa ba kuku baye buabadia kushintula muikelo wabo?

• Omonaa’shi bi bukopo kuikala bu kuku a Yehowa su? Buakinyi onangushena biabia?