Ekoto Yawe jo ajenun nges ejok. Kanuinyo? Emuno ngesi ebe naijenunia jo iponesioke, irotinike, ka alosikineteke, nges inyikokinia jo akot araun epaperoke. Ipedori kereka jo cut araun epapero loka Edeke? (Kosiom Isabulin 25:14.) Anyoika bo nuipedori jo aswam kanu araun epaperoke? Ebongokinit Ebaibuli aingiseta ngun ido itodunit ebe eidicane ka Yawe, nges eidicane loepol kakere loipedori jo adumun.

1. Anyoika bo nuebala Yawe ijo aswam?

“Kikunyakis neejai Edeke, nges da ikunyuni mama ijaas.” (Yakob 4:8) Inyoin bo apolou kanu? Isukunyunit Yawe ijo araun ekepapero. Etionikinit ice acamun ebe epedorete kesi araun ipapero luka Edeke naarai mam kes iteete nges. Konye kotoma Obaibuli, einakinit Yawe akiro kere nuipuda oni ajenun nuikamunitos iponesioke tetere oni ipedori aikunyakin neejai ngesi. Naisiomia oni nuikamunitos Edeke kotoma Obaibuli, egogongoor epaperonewok keda Yawe karaida mam oni ipedorit aanyun nges.

2. Kanuinyo eraar Yawe epapero loejok kakere loipedori jo adumun?

Emamei yenemina ijo adepar epone loeminar Yawe jo. Ekoto ngesi ijo ajaut kaiyalama ka adolokin nges naipudar ijo aingarakinio. Ipedori jo ‘awoikin nges aiyalongongokon kere naarai epod ngesi ijo.’ (1 Petero 5:7) Ekapakina Yawe aingarakin, aitalakaar, ka apupokin ipaperoke.​—Kosiom Isabulin 94:18, 19.

3. Inyo ekoto Yawe ipaperoke aswam?

Emina Yawe itunga kere, ‘konye ipaperikinos ngesi kaluitenara kotauon.’ (Awaragasia 3:32) Ekoto Yawe ikepapero aswam nuitojokit ngesi ka aisac numam ngesi itojokit. Aticepak epupete ice bala mam epedorete aitodolikin nuekoto Yawe kanuikamunitos nuejok ka nueroko. Konye emisiikinit Yawe epone loepupiata kesi. Ecamunit ngesi idiotunganan kere yenemina Nges ido kiswamai nuepedori kere aisiyalamikinit Nges.​—Isabulin 147:11; Aswamisio 10:34, 35.

 KISISIAU NUIPU

4. Arai Aburaam epapero loka Yawe

Akiro nuinerit Ebaibuli nuikamunitos Aburaam (lo bobo anyaritai Aburam) ingarakinitos oni ajenun apolou naka araut epapero loka Edeke. Kosiom nuikamunitos Aburaam kotoma Ageun 12:1-4. Kosodete aimor aingiseta nuta:

• Anyoika bo nuabu Yawe kolimok Aburaam aswam?

• Inyo abu Yawe kisumunik nges?

• Anyoika bo nuabu Aburaam iswama kanu ecorakit Yawe nges?

5. Nuekoto Yawe ikepapero aswam

Eebo, etapit oni da ajaut kanuikoto ipaperowok aitodolikin.

• Anyoika bo nuikoto ijo ipaperokon aiswamakin ijo?

Kosiom 1 Yokana 5:3, kosodete aimor aingiset nata:

• Anu bo nuekoto Yawe ikepapero aswam?

Kanu aitodun ebe irimaarit oni Yawe, ibusakinit oni aticepak aijulakin iponesiowok. Kosiom Isaia 48:17, 18, kosodete aimor aingiset nata:

• Kanuinyo ekotor Yawe ipaperoke aiswamaun aijulanakineta?

 6. Epone loingarakinitor Yawe ikepapero

 NUIDAU AISISIAUN

Ekoto Yawe araun epaperokon, ido ingarakini ngesi ijo aikunyakin neejai ngesi.

Ainyogoor

• Epone bo ani ingarakinitor Yawe ikepapero?

• Kanuinyo icorakinitor Yawe ikepapero aiswamaunun aijulanakineta?

• Iwomit kereka ijo ebe etiono noi araut epapero loka Yawe? Kanuinyo, arai bo kanuinyo mam?