LEHONA 08
E Mafai Ke Kavea Koe ma Uō a Ieova
E finagalo ia Ieova ke ke iloa lelei ia. Aiheā? Ko te lahi o to iloa e fakatatau ki ona uiga, te auala e feagai ai ma tagata ma tona finagalo, ko te lahi foki tenā o to fia kavea ma ana uō. Kae e mafai moni ke kavea koe ma uō a te Atua? (Faitau te Salamo 25:14.) Heā te tatau ke ke faia ke kavea ai koe ma ana uō? E tali e te Tuhi Paia na fehili ienā, ma fakailoa mai ai te mafuaaga e hili atu ai te tāua o te taulua fakauōga ma Ieova, nailo he tahi mea.
1. Heā te kua valakaulia koe e Ieova ke fai?
“Ia outou mafuta vavalalata atu i le Atua, ona mafuta vavalalata mai lea o ia iā te outou.” (Iakopo 4:8) Ko heā te uiga o te manatu tenā? Kua valakaulia koe e Ieova ke kavea ma ana uō. Ko ietahi tino e faigata ona talitonu e mafai ke kavea ki tatou ma uō a te Atua, auā e he ki tatou kitea. Kae kua fakailoa mai e Ieova i tana afioga te Tuhi Paia, na mea uma e tatau ona ki tatou iloa e fakatatau ki a te ia, ke mafai ai ki tatou ke fakalatalata atu ki a te ia. Kafai ki tatou e faitau ki te fekau a te Atua mo ki tatou i te Tuhi Paia, ka mafai ai ke fakamalohia te tatou fakauōga ma Ieova e ui lava e he ki tatou kitea.
2. Aiheā e kavea ai ia Ieova ma au uō e hili te lelei?
E heai he tahi tino e hili atu tona alofa ki a te koe nailo ia Ieova. E finagalo ia ko koe ke fiafia, ma talanoa atu ki a te ia i ho he taimi e ke manakomia ai he fehoahoani. E mafai ke “ta’u atu ou popolega uma iā te ia, auā o loo manatu mamafa mai o ia iā te oe.” (1 Peteru 5:7) E nofohauni ia Ieova i taimi uma ke lagolago, fakamafanafana ma fakalogo ki ana uō.—Faitau te Salamo 94:18, 19.
3. Heā te fakatalitalia e Ieova mai i ana uō?
Ko Ieova e alofa ki tagata uma, “ae mafuta vavalalata atu o ia i ē ua amio sa’o.” (Faataoto 3:32) E fakatalitalia e Ieova ana uō ke fai na mea e lelei i tana hilafaga ma kalofia na mea e he ogatuha ma tona finagalo. E manatu ietahi e he ki latou mafaia oi tauhia na tapulā a Ieova e fakatatau ki na mea lelei ma na mea kino. Kae e alofa mutimutivale ia Ieova, ma e talia e ia ki latou uma e alolofa atu ki a te ia ma fai te meahili ke fakafiafia Ia.—Salamo 147:11; Galuega 10:34, 35.
HAKILIKILI ATILI
Iloilo atili pe vefea ona kavea koe ma uō a Ieova, ma iloa pe aiheā e kavea ai ia ma uō e hili ona lelei.
4. Na kavea ia Aperaamo ma uō a Ieova
Ko te tala a te Tuhi Paia e fakatatau ki a Aperaamo (te nae igoa foki ki a Aperamo) e fehoahoani ki a te ki tatou ke fakailoa mai ai pe heā te uiga o te kavea ma uō a te Atua. Faitau e fakatatau ki a Aperaamo i te Kenese 12:1-4. oi talanoa ai na fehili ienei:
-
Ko heā te na taku atu e Ieova ki a Aperaamo ke fai?
-
Ko heā te na folafola atu e Ieova ki a te ia?
-
Na vefea ona tali atu ia Aperaamo ki na fakatonuga a Ieova?
5. Ko heā te fakatalitalia e Ieova mai ana uō
E mahani lava ona ki tatou fakatalitalia ni mea mai a tatou uō.
-
Ko ni a ni mea e fofou koe ke fai e au uō mo koe?
Faitau te 1 Ioane 5:3, ma talanoa te fehili tenei:
-
Ko heā te fakatalitalia e Ieova mai ana uō?
Ko te uhiuhitaki ki a Ieova e manakomia ai ke hui o tatou uiga ma a tatou amio. Faitau te Isaia 48:17, 18, ma talanoa te fehili tenei:
-
Aiheā e fakatalitalia ai e Ieova ana uō ke fai ni huiga?
Ko he uō lelei e mafai ke ia fakamanatu maia na mea e mafai ke aogā ma puipui ai ki tatou. E venā lava ia Ieova ki ana uō
6. Ni a ni mea e fai e Ieova mo ana uō
E fehoahoani ia Ieova ki ana uō ke onohaia na fakafitauli? Fakaali te VITIŌ, ma talanoa te fehili tenei.
-
Na vefea ona fehoahoani ia Ieova ki he fafine i te vitiō, ke manumalo mai i ona mafaufauga hehē ma te lotovaivai?
Faitau te Isaia 41:10, 13, ma talanoa na fehili ienei:
-
Heā te kua folafola mai e Ieova e ia faia mo ana uō uma?
-
I tau kikila ko Ieova he uō e hili ona lelei? Aiheā?
Ko au uō lelei e ke maua mai ai te fehoahoani e ke manakomia. E venā lava ona fai e Ieova mo koe
7. Ko te fakauōga ma Ieova e manakomia ai ni fehokotakiga
Ko na fehokotakiga e mafai ke fakamalohia ai he fakauōga. Faitau te Salamo 86:6, 11, ma talanoa na fehili ienei:
-
E vefea ona fehokotaki ki tatou ma Ieova?
-
E vefea ona talanoa mai ia Ieova ki a te ki tatou?
Ki tatou e talanoa atu ki a Ieova i te tatalo; kae e talanoa mai ia ki a te ki tatou e ala i te Tuhi Paia
LEAMAI IETAHI TINO: “E he mafai ke kavea he tino ma uō a te Atua.”
-
Heā he mau e ke fakamaonia ai e mafai ke kavea ki tatou ma uō a Ieova?
OTOOTOGA
E finagalo ia Ieova ke kavea koe ma ana uō, ma e fehoahoani atu ia ki a te koe ke fakalatalata ake ki a te ia.
Fehili Autalu
-
E vefea ona fehoahoani ia Ieova ki ana uō?
-
Aiheā e fakatalitalia ai e Ieova ana uō ke fai ni huiga?
-
Tau kikila e faigatā atili ke kavea koe ma uō a Ieova? Aihea?
MANATU FAKAOPOOPO
E vefea ona ke maua na aogā ki to olaga ona ko taulua fakauōga ma te Atua?
“O Ieova—O le Atua e Tatau Ona Iloa Lelei” (Le Olomatamata, Fepuari 15, 2003)
E vefea ona atiake te taulua fakauōga ma te Atua.
Kikila pe na vefea ona fakaleleia atili te olaga o he fafine ona ko tana fakauōga ma Ieova.
Fakalogo atu ki na talavou e fakamatala mai o latou fakalagona e fakatatau ki a Ieova.
