CHIIYO 08
Ulakonzya Kuba Mweenzinyina waJehova
Jehova uyanda kuti umuzibe. Nkamboonzi? Uyanda kuti uzibe buntu mbwalaabo, milawu yakwe amakanze ngalaawo atala abantu, eezi ziyoopa kuti uyande kuba mweenzinyina. Zilachita na kuti ube mweenzinyina waLeza? (Bala Intembauzyo 25:14.) Niinzi nzweelede kuchita kuti ube mweenzinyina waLeza? Mibuzyo eeyi ilasandulwa muBbayibbele alubo litondeezya kuti nkamboonzi nikuyandikana kuti ube mweenzinyina waJehova.
1. Jehova uyanda kuti uchiteenzi?
“Amuswene kuli Leza, eelyo awalo ulaswena kulindinywe.” (Jakobo 4:8) Zyaambaanzi eezi? Jehova uyanda kuti ube mweenzinyina. Bamwi babonaanga tazichiti pe kuti bamvwanane aaLeza akaambo kakuti tabakonzyi pe kumubona. Pesi Jehova wakatondeezya buntu mbwalaabo muBbayibbele, kuchitila kuti tukonzye kuba beenzinyina. Kubala Bbayibbele kutugwasya kuti tube aabweenzuma busimide loko aJehova nikuba kuti tatukonzyi pe kumubona.
2. Nkamboonzi Jehova nakonzya kuba mweenzinyokwe wiinda boonse?
Taakwe muntu uukuyanda mbuli mbakuyanda Jehova. Uyanda kuti ukkale kubotelwa alubo uyanda kuti umubuzye chiindi nwaayanda lugwasyo. Bbayibbele lyaamba kuti: “Kamuwaala makatazyo aanu oonse kulinguwe, nkaambo ulamubikkila maano.” (1 Petro 5:7) Jehova ulilibambilide kugwasya, kuumbulizya akuswiilila beenzinyina.—Bala Intembauzyo 94:18, 19.
3. Niinzi nzweelede kuchita kuti ube mweenzinyina waJehova?
Jehova ulabayanda bantu boonse pesi “balulami mbabajisi cilongwe ciyumu anguwe.” (Tusimpi 3:32) Jehova uyanda kuti beenzinyina bachite zintu zibotu akuti batantamuke zintu zibi. Bamwi babonaanga tabakonzyi pe kupona kweendelana amilawu yaLeza. Pesi Jehova ulaaluzyalo. Ulabatambula bantu boonse bamuyanda chachoonzyo alubo babeleka changuzu kuti bachite zintu zimubotezya.—Intembauzyo 147:11; Milimo 10:34, 35.
YIYA ZYIINGI
Bona mbukonzya kuba mweenzinyina waJehova alubo ubone kuti nkamboonzi Jehova nakonzya kuba mweenzinyokwe wiinda boonse.
4. Abrahamu wakali mweenzinyina waJehova
Lwaano lwaAbrahamu (wakali kwiitwa kuti Abramu) lututondeezya kuti chaambaanzi kuba mweenzinyina waLeza. Bala lwaano lwaAbrahamu muli Matalikilo 12:1-4. Kuzwa waawo, musandule mibuzyo iitobela:
-
Jehova wakabuzya Abrahamu kuti achiteenzi?
-
Jehova wakasyomezya Abrahamu kuti wakali kuzoomuchitilaanzi?
-
Abrahamu wakachitaanzi naakabuzigwa zyakuchita aJehova?
5. Jehova ulangilila kuti beenzinyina bachiteenzi?
Kuli zintu zyeelede kuchitwa aabantu bamvwanana.
-
Nziizili zintu nzuyanda kuti beenzinyokwe bakuchitile?
Bala 1 Johane 5:3, mpawo musandule mubuzyo uutobela:
-
Jehova uyanda kuti beenzinyina bachiteenzi?
Kuti katuyanda kuswiilila Jehova, tweelede kuchincha maponeno eesu naakuti buntu mbutulaabo. Bala Isaya 48:17, 18, mpawo musandule mubuzyo uutobela:
-
Nkamboonzi Jehova nayanda kuti beenzinyina bachinche maponeno aabo?
Mweenzuma uulikabotu ulatubuzya kuti tulikwabilile. Nzizyo nzyachita Jehova kubeenzinyina
6. Jehova ubachitilaanzi beenzinyina?
Jehova ulabagwasya beenzinyina chiindi nibali mumapenzi. Mweebele KAVIDIYO, mpawo musandule mubuzyo uutobela.
-
Jehova wakamugwasya biyeni mwanakazi ngutwabona mukavidiyo wakali kukataazikana?
Bala Isaya 41:10, 13, mpawo musandule mibuzyo iitobela:
-
Jehova usyomezya kubachitilaanzi beenzinyina?
-
Ulasyoma na kuti Jehova ulakonzya kuba mweenzinyokwe wiinda boonse? Nkamboonzi?
Beenzuma balatugwasya chiindi nituyanda lugwasyo. Anguwe Jehova ulatugwasya
7. Kuti tube beenzinyina baJehova tweelede kwaambuulaawe
Bantu balamvwanana kuti bajana chiindi chakwaambuula. Bala Intembauzyo 86:6, 11, mpawo musandule mibuzyo iitobela:
-
Kujana twaambuula biyeni aJehova?
-
Jehova uwambuula biyeni andiswe?
Twaambuula aaJehova kwiinda munkombyo; Jehova waambuula aandiswe kabelesya Bbayibbele
BAMWI BAAMBA KUTI: “Tazichiti pe kuti tube beenzinyina baLeza.”
-
Nduululi lugwalo ndukonzya kutondeezya muntu kuti abone kuti tulakonzya kuba beenzinyina baJehova?
CHIFWIINSYO
Jehova uyanda kuti ube mweenzinyina alubo uyookugwasya kuti ubone mbukonzya kuzichita.
Mibuzyo Yakwiindulula
-
Jehova ubagwasya biyeni beenzinyina?
-
Nkamboonzi Jehova nayanda kuti beenzinyina bachinche maponeno aabo?
-
Ubonaanga nkuyumu na kuba mweenzinyina waJehova? Nkamboonzi?
YANDUULISISYA
Kuba mweenzinyina waLeza kukugwasya biyeni?
“Tweelede Kuziba Jehova Leza” (Ngaziyakulinda, February 15, 2003)
Bona mbukonzya kuba mweenzinyina waLeza.
“Niinzi Nzindeelede Kuchita Kuti Ndibe Mweenzinyina waLeza?” (Mibuzyo Iibuzigwa Aabachikula—Nsandulo Zigwasya, Voluyumu 2, chaandaano 35)
Bona kuti kuba mweenzinyina waJehova kwakamugwasya biyeni umwi mwanakazi.
“Teendakali Kuyanda Pe Kufwa!” (Ngaziyakulinda No. 1 2017)
Bona bamwi bachikula mbubalimvwa atala aJehova.
