Йәһвә сезнең үзен яхшырак белүегезне тели. Ни өчен? Ул шуңа өметләнә: сез аның сыйфатларын, юлларын һәм ниятен күбрәк белгән саен, аның дусты булырга теләгегез үсә барачак. Сез чыннан да Аллаһының дусты була аласызмы? (Зәбур 25:14 укы.) Аның дусты булыр өчен, сез нәрсә эшли аласыз? Изге Язмалар бу сорауларга җавап бирә һәм Йәһвә белән дуслык ни өчен иң мөһим мөнәсәбәт икәнен ача.

1. Йәһвә сезгә нәрсә тәкъдим итә?

«Аллаһыга якынлашыгыз, ул да сезгә якынлашыр» (Ягъкуб 4:8). Бу нәрсәне аңлата? Йәһвә сезне үзенең дусты булырга чакыра. Кайберәүләргә Аллаһының дусты була алуларына ышану авырдыр, чөнки алар аны күрә алмый. Ләкин Йәһвә үз Сүзе, Изге Язмалар, аша үзе турында безгә бар кирәклесен ача. Шул белем ярдәмендә без аңа якынлаша алабыз. Йәһвәне беркайчан да күргәнебез булмаса да, ул безгә Изге Язмалар аша әйткән сүзләрне укыганда, аның белән дуслыгыбыз үсә.

2. Ни өчен Йәһвә иң яхшы дус?

Беркем дә сезне Йәһвә кебек ярата алмый. Ул сезнең бәхетле булуыгызны һәм, сез ярдәмгә мохтаҗ булганда, теләсә кайсы вакытта үзенә дога кылуыгызны тели. Сез «бар мәшәкатьләрегезне аңа йөкли» аласыз, «чөнки ул сезнең хакта кайгырта» (1 Петер 5:7). Йәһвә һәрчак үз дусларына таяныч булырга, юаныч бирергә һәм аларны тыңларга әзер. (Зәбур 94:18, 19 укы.)

3. Йәһвә үз дусларының нәрсә эшләүләрен тели?

Йәһвә бар кешеләрне ярата, «ә намуслылар — аның якын дуслары» (Гыйбрәтле сүзләр 3:32). Аллаһы үз дусларының ул яхшы дип санаганны эшләргә, ә яман дип санаганны эшләмәскә тырышуларын тели. Кайберәүләр беркайчан да Йәһвәнең нормалары буенча яши алмаслар дип уйларга мөмкин, әмма Йәһвә мәрхәмәтле. Кеше Йәһвәне чын-чынлап яратса һәм аңа яраклы булырга тырышса, Йәһвә аны хуп күрә (Зәбур 147:11; Рәсүлләр 10:34, 35).

 ТИРӘНРӘК КАЗЫГЫЗ

4. Ибраһим Йәһвәнең дусты булган

Ибраһим пәйгамбәр (Ибрам) турындагы хәбәр Аллаһының дусты булу нәрсә аңлата икәнен ачыклый. Ибраһим турында Яратылыш 12:1—4 тә укыгыз һәм җавап бирегез:

• Йәһвә Ибраһимга нәрсә эшләргә кушкан?

• Йәһвә аңа нәрсә вәгъдә иткән?

• Ибраһим, Йәһвә сүзен үтәп, нәрсә эшләгән?

5. Йәһвә үз дусларыннан нәрсә көтә?

Без гадәттә дусларыбыз билгеле бер таләпләргә туры килер дип өметләнәбез.

• Сезгә дусларыгызның үзегезгә нинди мөгамәләсе ошый?

1 Яхъя 5:3 не укыгыз һәм җавап бирегез:

• Йәһвә үз дусларының нәрсә эшләүләрен тели?

Йәһвәгә буйсыныр өчен безгә, бәлки, үз тәртибебезне һәм сыйфатларыбызны үзгәртергә туры килер. Ишагыя 48:17, 18 не укыгыз һәм җавап бирегез:

• Ни өчен Йәһвә үз дусларыннан үзгәрешләр ясауларын көтә?

 6. Йәһвә үз дусларына булышыр өчен нәрсә эшли?

 ЙОМГАКЛАУ

Йәһвә сезгә дус булырга тели, һәм ул сезгә үзенә якынлашырга ярдәм итәчәк.

Кабатлау

• Йәһвә үз дусларына ничек ярдәм итә?

• Ни өчен Йәһвә үз дусларын үзгәрешләр ясарга үгетли?

• Сез ничек уйлыйсыз, Йәһвәнең дусты булу бик авырмы? Аңлатыгыз.