Бурган силерни Ооң дугайында эки билип алырыңарны күзеп турар. Чүге дизе Ооң шынарларын, күзел-бодалын, сорулгаларын эки билген тудум, Ооң өңнүү болур күзелиңер күштелир деп, Иегова идегеп турар. Кижи Бурганның өңнүү апарып болур бе? (Номчуптуңар: Ырлар 24:14.) Ооң өңнүү болур дизе, чүнү канчаар? Ол айтырыгларга харыылар Библияда бар. Бурган-биле найырал чуртталгада эң-не эки чүүл деп, оон билип алыр силер.

1. Иегова силерге чүнү саналдап турар?

«Бурганче чоокшулаңар, Ол база силерже чоокшулап кээр» (Иаков 4:8). Ол чүү дээни ол? Иегова силерни өңнүктежиринче чалап турар. Чамдык улус көзүлбес Бурганның өңнүү болуру болдунмас деп бодаар. Ынчалзажок Иегова Олче чоокшулаарынга дузалаар билиглерни Библияда биске ажыткан. Библияны номчуп тургаш, көзүлбес Бурган-биле найыралывысты быжыглап болур бис.

2. Иегова — чүге эң эки Өңнүк?

Иегова силерге кымдан-даа артык ынак. Ол силерниң аас-кежиктиг болуруңарны база дузаны Оон дилеп мөргүүрүңерни күзеп турар. «Хамык сагыш човаашкыннарыңарны Олче чая кааптыңар, чүге дээрге Ол силер дээш сагыш салып чоруур» (1 Пётр 5:7). Иегова Бодунуң өңнүктерин деткип, аргалап, дыңнаарынга кезээде белен. (Номчуптуңар: Ырлар 93:18, 19.)

3. Иегованың өңнүү болур дизе, чүнү канчаар?

Иегова шупту кижилерге ынак, ылаңгыя «чөптүг-шынныг улус Ооң сеткилинге кирер» (Чугаалар 3:32). Иегова өңнүктеринден шын чүүлдү кылырын, а шын эвес чүүлден ойталаарын манаар. Бурганның бедик негелделеринге дүүштүр чурттап шыдавас мен деп бодал кижиге кирип болур. Ынчалза-даа Бурган шыдавас чүүлүвүстү негевес, кижи бүрүзүнүң хире-шаан Ол дыка эки билир. Бурганга кижиниң арыг-шынчы ынакшылы болгаш сеткилинден дыңнангыры эң-не чугула (Ырлар 146:11; Ажыл-чорудулга 10:34, 35).

 ХАНЫ ШИНЧИЛЕҢЕР

4. Авраам Бурганның өңнүү чораан

Авраамның (Аврамның) чижээнден Бурган-биле найыралдың үлегерин көрүп болур. Авраамның дугайында Эге дөс 12:1—4-тен номчааш, харыылаптыңар:

• Иегова Авраамдан чүнү дилээн?

• Иегова өңнүүнге чүнү аазаан?

• Авраам Иегованың дилээн канчаар күүсеткен?

5. Иегова өңнүктеринден чүнү дилеп турар?

Өңнүктеривис биске черле эки хамаарылгалыг боор деп манаар бис.

• А силер кандыг өңнүктерлиг болуксаар силер?

1 Иоанн 5:3-тү номчааш, харыылаптыңар:

• Иегова өңнүктеринден чүнү манаар?

Иегованың сеткилинге кирер дээш, аажы-чаңывысты болгаш канчаар алдынарывысты өскертир апаар чадавас бис. Исайя 48:17, 18-ти номчааш, харыылаптыңар:

• Иегова өңнүктеринден өскерлип алырын чүге дилээр?

 6. Иегова Бодунуң өңнүктеринге канчаар дузалап турар?

 КОЛ БОДАЛ

Иегова силерниң өңнүүңер болур күзелдиг база Ооң-биле чоок хамаарылганы сайзырадырынга албан дузалаар.

Катаптаашкын

• Иегова Бодунуң өңнүктеринге канчаар дузалап турар?

• Иегова өңнүктеринден өскерлип алырын чүге дилээр?

• Иегова Бодунуң өңнүктеринден хөлүн эрттир хөйнү манап турар деп бодаар-дыр силер бе? Тайылбырлаптыңар.