Geovà el vol tanto che te lo cognossa meio. Parché? Parché lu el sa che se te cognossi le so qualità, quel che lu el fà e quel che el ndarà far, te gavarè voia de esser so amigo. Sarà che te pol pròpio esser amigo de Dio? (Ledi Salmo 25:14.) Cossa che te pol far par esser so amigo? La Bìblia la risponde a queste domande e la mostra che Geovà el pol esser el to meio amigo.

1. Cossa che Geovà el te convida a far?

La Bìblia la dise che se noantri rivemo ‘darente de Dio, lu el rivarà darente de noantri’. (Tiago 4:8) Questo testo el insegna che Geovà el vol esser to amigo. Ma tanti i se domanda: ‘Come che vao esser amigo de Dio se no posso mia vederlo?’ La Bìblia la parla tuto quel che ghemo de bisogno par cognosser a Geovà e esser so amigo. Alora, quando noantri ledemo la Parola de Dio, la nostra amicìssia con lu la resta pi forte anca se no podemo mia vederlo.

2. Parché che Geovà l’è el meio Amigo che te pol gaver?

Geovà el te vol tanto ben, de pi che qualche altra persona. Alora, lu el vol che ti te sìpia felice e che te domandi el so aiuto sempre che te ocore. Te pol parlar a lu tute le to preocupassion parché lu el ndarà tenderte. (1 Piero 5:7) Geovà sempre el giuta, el dà consolo e el scolta i so amighi. — Ledi Salmo 94:18, 19.

3. Cossa che Geovà el vol che i so amighi i fae?

Geovà el ama a tute le persone, ma el ga una forte amicìssia con quei che i ze giusti. (Proverbi 3:32) Geovà el vol che i so amighi i fae quel che l’è giusto e i se sforse par no far quel che Dio el dise che l’è sbalià. Arquanti i pensa che mai i sarà boni de far tuto come lu el vol. Ma Geovà el sa che ndaremo sbaliar. Cossita, tuti quei che i lo ama e i fà el meio che i pol par contentarlo, i pol esser so amighi. — Salmo 147:11; Ati 10:34, 35.

 IMPARA DE PI!

4. Abraon l’era amigo de Geovà

Quel che la Bìblia la parla sora Abraon o Abron ne giuta a saver cossa che ghemo de far par esser amighi de Dio. Ledé sora Abraon in Génesi 12:1-4, e dopo, parlé sora questo:

• Cossa che Geovà el ga domandà che Abraon el fesse?

• Cossa che Geovà el ga prometesto a lu?

• Cossa che Abraon el ga fato?

5. Cossa che Geovà el speta de un amigo?

Noantri spetemo che i nostri amighi i fae arquante robe par noantri.

• Cossa che te piase che i to amighi i fae par ti?

Ledé 1 Gioani 5:3, e dopo, parlé sora questo:

• Cossa che Geovà el speta de un amigo?

Par obedir a Geovà, fursi ghemo de fermarse de far qualcossa sbaliada o cambiar la nostra maniera de pensar. Ledé Isaia 48:17, 18, e dopo, parlé sora questo:

• Parché che Geovà el domanda che i so amighi i se ferme de far quel che l’è sbalià?

 6. Cossa che Geovà el fà par giutar i so amighi?

 COSSA CHE TE GHÈ IMPARÀ?

Geovà el ga caro de esser to Amigo, e lu el ndarà giutarte a far questo.

Sito bon de ricordarte?

• Cossa che Geovà el fà par giutar i so amighi?

• Parché che Geovà el domanda che i so amighi i se ferme de far quel che l’è sbalià?

• Te pensi che l’è massa fadiga esser amigo de Geovà? Parché che te pensi cossita?