Yihooway neeni A loytta eranaadan koyees. Aybissi? Yihooway neeni A eeshshaabaa, I ba oosuwaa oottiyo ogiyaabaanne I neessi halchchidobaa loytta eriyo wode, aara dabbotanawu ne keehi koyana giidi qoppees. Neeni tumuppe Xoossaa dabbo gidana danddayay? (Mazamure 25:14 nabbaba.) Neeni A dabbo gidanawu ay oottana danddayay? Geeshsha Maxaafay he oyshata zaarees. Yihooway ooppenne aadhdhiya Dabbo gidiyoy aybissakkokka qonccissees.

1. Yihooway neeni ay oottanaadan shoobbii?

‘Xoossaakko shiiqa; ikka neekko shiiqana.’ (Yaaqooba 4:8) Hegee woygiyoogee? Yihooway neeni ayyo dabbo gidanaadan shoobbees. Xoossaa beˈana danddayenna gishshawu aara dabbotana danddayays giidi qoppanawu issi issi asay metootana danddayees. Gidikkonne, Yihooway nuuni A dabbo gidana mala A eeshshaabaa erana koshshiya ubbabaa ba Qaalan Geeshsha Maxaafan qonccissiis. Nuuni Geeshsha Maxaafan Xoossay yootidobaa nabbabiyo wode, Yihoowa beˈi erennaba gidikkonne aara dabbotaa mintti mintti boos.

2. Yihooway neeyyo ooppenne aadhdhiya Dabbo gidiyoy aybissee?

Yihoowappe aaruwan nena siiqiya uri baa. I neeni ufayttanaadaaninne maadoy koshshiyo wode ubban A woossanaadan koyees. ‘I neeyyo qoppiyo gishshawu, nena hirggissiya ubbabaa A bolli olana’ danddayaasa. (1 PHeexiroosa 5:7) Yihooway awudenne ba dabbota maaddanawu, minttettanawunne eti yootiyoobaa siyanawu koyees.—Mazamure 94:18, 19 nabbaba.

3. Yihooway nuuni aara dabbotanawu ay oottanaadan koyii?

Yihooway asa ubbaakka siiqees, “shin suuretuyyo i ulottees.” (Leemiso 3:32) Yihooway ba dabboti I loˈˈoba giyoobaa oottanawu baaxetanaadaaninne I iitaba giyoobaappe naagettanaadan koyees. Issi issi asay Yihooway koyiyoobaa oottana danddayikke, qassi iitaba ubbaa aggana danddayikke giidi qoppennan waayi aggana. SHin, Yihooway maariyaagaa. I bana tumuppe siiqiyaanne ufayssanawu wozanappe baaxetiya ubbaa nashshees.—Mazamure 147:11; Oosuwaa 10:34, 35.

 LOYTTA AKEEKA

4. Abrahaami Yihoowa dabbo

Geeshsha Maxaafay Abrahaamabaa (Abraamakka geetettees) yootiyoobay Xoossaa dabbo gidiyoogee woygiyoogaakko akeekanaadan nuna maaddees. Doomettaabaa 12:1-4n Abrahaamabaa nabbabite. Yaatidi ha oyshata tobbite:

• Yihooway Abrahaami ay oottanaadan yootidee?

• Yihooway awu ay oottanawu qaalaa gelidee?

• Abrahaami ay oottidee?

5. Yihooway ba dabboti oottanaadan yootiyoobaa

Nuuni darotoo nu laggeti issi issibaa oottanaadan koyoos.

• Ne laggeti oottanaadan neeni koyiyo amaridabati aybee?

Koyro Yohaannisa 5:3 nabbabite; yaatidi ha oyshaa tobbite:

• Yihooway ba dabboti oottanaadan koyiyoobay aybee?

Nuuni Yihoowawu azazettanawu, nu eeshshaa laammiyoogee koshshana danddayees. Isiyaasa 48:17, 18 nabbabite; yaatidi ha oyshaa tobbite:

• Yihooway ba dabboti laamettanaadan koyiyoy aybissee?

 6. Yihooway ba dabbota maaddanawu oottiyoobaa

 AY AKEEKADII?

Yihooway nenaara dabbotanawu koyees, qassi neeni aara dabbotanaadan I maaddana.

Zaaretuwaa

• Yihooway ba dabbota waati maaddii?

• Yihooway ba dabboti laamettanaadan yootiyoy aybissee?

• Yihoowaara dabbotiyoogee keehi deexxiyaaba gaada qoppay? Aybissi?