Heowa tʼuhlak am lhayʼe lhip toj letafwelej hop lham. ¿Atsi mʼak toj tamenej? Hop toj Dios imatitche tʼat toj, che lhayʼe lhip toj letafwelej lham, lakeyis, chi malhyej (ep hote) toj iwoye hop mʼayhay wet lenechʼethayaj, lhayʼehila lhip toj letʼuhlak lhen akalayʼiya. ¿Ha iwoyek nʼoelh lhayen hopeya Dios lakalayʼi? (Yahyen Santiago 2:23). ¿Atsi mʼak toj is che lewoye hopkhilak lekalhi tajtso? Biblia nichulho nʼoyʼatshanhaytso wet ifwel namhohen mʼak toj tamenej toj, che Heowa hope lhakalayʼi hope mʼak toj matche toj laha ihi.

1. ¿Atsi mʼak toj Heowa tʼuhlak am lewoye?

«Hoyaye Dios wet lham ihohla amehen» (Santiago 4:8). ¿Atsi toj hope nʼolhomtestso? Toj Heowa tʼan ahila hopkhilak ahope lakalayʼi. Iche wichi toj athaho che tʼuhlak lhayen hopeya Dios lakalayʼi hop toj hiwʼenhitʼa. Mat toj ihi lhomet, hop Biblia, iwoyek nahanej wujpe mʼayhay toj talhejla hop lakeyis wet iwoyek namwhaye lham. Lewhay che nayahyen nʼosilotyaj toj ifwel namhohen toj ihi Biblia, lhayʼe lhip toj naise Heowa tej toj nawʼenhitʼa hop lham.

2. ¿Atsi mʼak toj tamenej toj Heowa hope nʼokalayʼi toj lhamya toj am iwoyek lewʼen?

Heowa inuʼpe nʼoelh at che hope toj ihumin am. Lham tʼuhlak akajyaj ihi wet che lewatla lechʼotyaj lham tʼuhlak letʼalhe. Iwoyek letiʼpe «lham nilhokej mʼak tä lhen alhakliya» hop toj ihumin am (1 Pedro 5:7). Heowa pajche wakʼalh hopkhilak ikhajyen, tachʼahuye wet tachʼote lakalayʼis (yahyen Salmo 94:18, 19).

3. ¿Atsi mʼak toj Heowa tataye che lakalayʼis iwoye?

Heowa ihumnhen nilhokej wichi, mat «ihumin tʼat tä iyej wichi tä isen» (Proverbios 3:32). Heowa tataye tʼat che lakalayʼis lhaikhajyenej toj iwoye mʼak toj lham ihuminche wet takawayhla mʼayhay toj niʼisahen. Nʼalej toj iche wichi iyhaj toj yen tichunhayaja toj ihichetʼa lewhay che ikalhihla mʼak toj Heowa tʼalhe toj lhamel iwoye. Mat lham hope elh toj pʼaltsentsaj wet tachumla nilhokej wichi toj ihumin lham wet toj lhaikhajyenej toj ise hop lham (Salmo 147:11; Apóstoles Lhenhay 10:34, 35).

 NATʼAYHETTSHI TOJ NALECHUFWENEJ

4. Abraham hope pʼante Heowa lakalayʼi

Biblia yome mʼak toj Abraham (wok Abram) iwoye pʼante, tajtso tachʼot namehen toj nahanej mʼak toj is che nawoye hopkhilak nahopehen Dios lakalayʼis. Yahyen mʼak toj yome Abraham toj ihi Génesis 12:1-4 wet ame mʼayhayna:

• ¿Atsi mʼak toj Heowa tʼalheje pʼante Abraham?

• ¿Atsi mʼak toj Heowa ifwenho pʼante toj iwohiyeja?

• ¿Atsi mʼak toj iwoye pʼante Abraham?

5. Mʼak toj Heowa tʼalheje lakalayʼis

Iche tʼat mʼak toj natataye toj lhakalayʼis iwoye.

• ¿Atsi mʼak toj am letataye toj akalayʼis iwoyej ame?

Yahyen 1 Juan 5:3 wet ame mʼayhayna:

• ¿Atsi mʼak toj Heowa tataye che lakalayʼis iwoye?

Hopkhilak natchʼahuye Heowa, nʼalej toj is che nawo elha lhakey wok mʼak toj nahope. Yahyen Isaías 48:17, 18 wet ame mʼayhayna:

• ¿Atsi mʼak toj tamenej toj Heowa tʼalhe che lakalayʼis iwo iyhaja lakeyis?

 6. Mʼak toj Heowa iwoye toj tachʼote lakalayʼis

 MʼAYHAY TOJ LETETSHANNE

Heowa tʼuhlak ahope lakalayʼi wet tachʼotla ame hopkhilak lhamwhaye hop lham.

Mʼayhay toj nalechufwenej

• ¿Chi malhyej (Ep hote) toj Heowa tachʼote hop lakalayʼis?

• ¿Atsi mʼak toj tamenej toj Heowa lakalayʼis is che iwo iyhaja lakeyis?

• ¿Ha am lefwetaj toj atha mʼak toj Heowa tʼalheje lakalayʼis? ¿Atsi mʼak toj tamenej toj malhyejtso atichunhayaj?