იეჰოვას ოკო, უჯგუშო გეჩინებაფუათ თინა. მუშენ? თის იმენდ უღჷ, ნამდა მუთ უმოსის გეგენთ თიშ თვისებეფშე, საქმეეფშე დო განზრახვეფშე, თით უმოსო გაღვენუნა სურვილ, გინირთათ თიშ მეგობარო. ნამდვილო შეილებნანო რდათ ღორონთიშ მეგობარ? (წეკითხით ფსალმუნიშ 25:14). მუშ კეთება შეილებნა, ნამდა ღორონთიშ მეგობარო გინირთათ? ბიბლია პასუხენს თე კითხვეფს დო მოგებაფუანა, მუშენ რე იეჰოვაწკუმა მეგობრობა შხვა არძა ურთიერთობაშე უმოს მნიშვნელოვან.

1. მუშა მოიწოდენა იეჰოვა?

„დეახლოვით ღორონთის დო თინა ხოლო დეგეახლოვებნა“ (იაკობი 4:8). მუს ნიშნენს თე სიტყვეფ? იეჰოვა მოიწოდენა, გინირთათ თიშ მეგობარო. შილებე ბრელს უჭირდას თიშ დაჯერება, მუჭო შილებე გინირთან, თიცალ პიროვნებაშ მეგობარო, მიდგას ვარწყენა; ღორონთწკუმა მეგობრობაშე ხომ ჩიება ხოლო ზედმეტ რე. მარა ღორონთის ოკო, თის დევეახლოვათ, ათეშენ მუშ სიტყვას, ბიბლიას, იეჰოვა მოგებაფუანა ირფელს, მუთ საჭირო რე, თიშ გაჩინებაფალო. მუჟამსით ბკითხულენთ ბიბლიას მოჩამილ ღორონთიშ ცნობას, ნამდგაქ ჩქინო იჭარ, იეჰოვაწკუმა ურთიერთობას უმოსო ვავითარენთ, თიშ უმკუჯინუო, ნამდა დღას ვამძირნა თინა.

2. მუშენ რე იეჰოვა არძაშ უჯგუშ მეგობარ?

მითინს თეშ ვა უჸორთ, მუჭოთ იეჰოვას. თის ოკო, რდათ ბედნერ დო მუჟამსით დეგესაჭირებნან, ნებისმიერ დროს, ქოთხუათ მოხვარა. შეილებნა „არძა თქვან ოწუხებელ თის მიანდათ, მუშენდა თინა ზრუნენს თქვანო“ (1 პეტრე 5:7). იეჰოვა ირიათო მზათ რე, ქელუდირთას, გურშა ეუქექუას დო ქუმურჩქილუას მუშ მეგობრეფს (წეკითხით ფსალმუნიშ 94:18, 19).

3. მუს ელჷ იეჰოვა მუშ მეგობრეფშე?

იეჰოვა მითინს ვეგშაგორუნს დო არძა უჸორს, „მარა მართალეფწკუმა მეგობრენს“ (იგავები 3:32). იეჰოვა მუშ მეგობრეფშე ელჷ, ნამდა ირნერო ეცადებნა, გაკეთან თინა, მუთ თიშ თოლს რე სწორ დო დუდ ეუჩილითუან თის, მუთ თიშ თოლს რე გლახა. ნამთინე შილებე ფიქრენდას, ნამდა დღას ვეშიალებენა იცხოვრან ჯგირ დო ფურწკუმა დაკავშირებულ იეჰოვაშ დოდგინელ ნორმეფით. იეჰოვა მიშურს თეცალ ხალხიშ მდგომარეობაშა. თინა მთელ გურით ღებულენს თიცალ კათას, მიდგას მართალო უჸორს ღორონთ დო ირნერო ოცად, გურ გუხარას თის (ფსალმუნი 147:11; საქმეები 10:34, 35).

 ქიგეგით უმოს

4. აბრაამ იეჰოვაშ მეგობარ რდუ

ბიბლიას მოჩამილ აბრაამიშ შემთხვევა (ნამდგას აბრამს ხოლო უძახდეს) მოხვარნა, ქიგებგათ, მუს ნიშნენს რდე ღორონთიშ მეგობარ. აბრაამიშ გურშენ წეკითხით დაბადებაშ 12:1—4-ის. უკულ გარჩით თუდო მოჩამილ კითხვეფ:

• მუ უწუ იეჰოვაქ აბრაამს?

• მუ დეპირ იეჰოვაქ თის?

• მუჭო შეასრულ აბრაამქ იეჰოვაშ მითითებეფ?

5. მუს ელჷ იეჰოვა მუშ მეგობრეფშე?

ბუნებრივ რე, ჩქინ მეგობრეფშე ველუთ, ნამდა ირო ქელამდირთუნა.

• მუ რე თი ნამთინე მუდგარენ, მუდგაშ კეთება თქვან მეგობრეფშე გახიოლედეს?

წეკითხით 1 იოანეშ 5:3 დო უკულ გარჩით თუდო მოჩამილ კითხვა:

• მუს ელჷ იეჰოვა მუშ მეგობრეფშე?

იეჰოვას დევემორჩილათინ საჭირო რე, დოფთირუათ ჩქინ შინაგან პიროვნება დო ჩვევეფ. წეკითხით ესაიაშ 48:17, 18 დო უკულ გარჩით თუდო მოჩამილ კითხვა:

• მუშენ ითხინს იეჰოვა მუშ მეგობრეფშე, დითირან?

 6. მუს ორთჷ იეჰოვა მუშ მეგობრეფშო

დასკვნა

იეჰოვას ოკო, რდე თიშ მეგობარ დო მიგეხვარებ, უმოსო დეახლოვე თის.

გამეორებელ კითხვეფ

• მუჭო ოხვარ იეჰოვა მუშ მეგობრეფს?

• მუშენ ურაგად იეჰოვა მუშ მეგობრეფს, დითირან?

• ხომ ვა ფიქრენთ, ნამდა იეჰოვა გვალო ბრელს ითხინს მუშ მეგობრეფშე დო მუშენ ფიქრენთ თაშ?