UMBUESÁ 08
Repoderi repitá Jeová rumuara
Indé repitá yepé mira rumuara reconheceri ramé aé. Yaweté usasá Jeová irum. Aé uputari upitá ne rumuara. Yawé arama, Aé uputari rekuá isikusá resé. Aé uputari yuíri rekuá arama mayé Aé umuñhã pañhe maã asuí uputari rerikú arama purangawaá ne rundé kití. Jeová uputari rekuá piri isesé repitá piri arama isumuara. Ma será yapoderi yapitá Deus rumuara? (Releri Salmo 25:14.) Maã reprecisari remuñhã repitá arama isumuara? Bíblia usuaxara kuá resé. Aé umbeu yuíri repitá ramé Jeová rumuara importante piri repitawaá suí amuitá rumuara.
1. Manungá Jeová uputari remuñhã?
Bíblia umbeu: ‘Pesikari peikú Deus ruakí, ape kurí aé uikú peruakí.’ (Tiago 4:8) Maã uxari yakuá? Jeová usenúi indé repitá arama isumuara. Yepeyepé ta umaité: ‘Mayé apoderi apitá Deus rumuara sá ti apoderi amaã Aé?’ Ma Bíblia upé Jeová umbeu pañhe maã yaprecisariwaá yakuá isesé. Yawewaá rupí, yapoderi yapitá isuakí. Yaleri ramé Bíblia yamukirimbá yané amizade Jeová irum, até ti ramé yamaã Aé.
2. Marã Jeová Aé yepé rumuara puranga piriwaá repoderiwaá rerikú?
Ne awá usaisú indé mayé Jeová yawé. Aé uputari reikú arama surí asuí resikariwara iajuda. Indé repoderi ‘rexari Deus resé pañhe kuá umutawawaá indé, ñhãsé umanduári indé’. (1 Pedro 5:7) Jeová uputariwara uajudari, umusurí asuí usendú isumuaraitá.— Releri Salmo 94:18, 19.
3. Manungá Jeová usarú isumuaraitá ta umuñhã?
Jeová usaisú pañhe miraitá, ma Aé “upitá awá rumuara umuñhãwaitá satambikawaá”. (Provérbios 3:32) Jeová uputari isumuaraitá ta uyuesforçari ta piá suí ta umuñhã arama maã Aé umbeuwaá satambikawaá asuí ti ta umuñhã maã Aé umbeuwaá puxiwerawaá. Yepeyepé ta umbeu: ‘Ti asú aconseguiri amuñhã pañhe maã Deus upuranduwaá.’ Ma Jeová ukuá puranga yané resé. Pañhe awá usaisuwaá Aé ipiá suí asuí umuñhã pañhe maã upoderiwaá umusurí arama Aé upoderi upitá isumuara.— Salmo 147:11; Ato 10:34, 35.
REYUMBUÉ PIRI ARAMA
Remaã mayé repoderi repitá Jeová rumuara, asuí rekuá marã Aé kuá rumuara puranga piriwaá repoderiwaá rerikú.
4. Abraão aé yepé Jeová rumuara
Maã Bíblia umbeu Abraão resé uxari yakuá maã usignificari yapitá Deus rumuara. Peleri Abraão resé Gênesis 12:1-4 upé. Ariré pekuntari kuá resé:
-
Maã Jeová upurandú Abraão umuñhã arama?
-
Maã Jeová uprometeri Abraão supé?
-
Maã Abraão umuñhã?
5. Manungá Jeová usarú isumuaraitá ta umuñhã
Amuramé yasarú yané rumuaraitá ta umuñhã arama yepeyepé maã.
-
Maã regustari ne rumuaraitá ta umuñhã indé arama?
Peleri 1 João 5:3. Ariré pekuntari kuá resé:
-
Maã Jeová usarú isumuaraitá ta umuñhã?
Yasendú arama Jeová, amuramé yaprecisari yatrocari maã yamuñhãwaá asuí yané rikusá. Peleri Isaías 48:17, 18. Ariré pekuntari kuá resé:
-
Marã Jeová upurandú isumuaraitá ta utrocari arama ta rikusá?
Rumuara supiwaitá ta usú ta uajudari indé reprecisari ramé. Jeová usú uajudari indé yuíri.
6. Maã Jeová umuñhã isumuaraitá rupí
Jeová uajudari isumuaraitá ti arama ta upituú mairamé ta upurará. Pemaã kuá VÍDEO. Ariré pekuntari kuá resé:
-
Kuá vídeo upé yepé kuñhã upurará uyusaã resewara sasiára. Mayé Jeová uajudari kuá kuñhã?
Peleri Isaías 41:10, 13. Ariré pekuntari kuá resé:
-
Maã Jeová uprometeri pañhe isumuaraitá supé?
-
Reruyari será Jeová upoderi upitá yepé ne rumuara purangawaá? Marã remanduári kuayé?
Yepé rumuara purangawaá uputari uajudari yandé. Yawé arama, umeẽ conselho yandé arama. Jeová umuñhã yawé isumuaraitá rupí.
7. Yapitá arama Jeová rumuara, yaprecisari yakuntari irum asuí yasendú maã Aé umbeu
Mairamé mukũi rumuara ta uyukuntari ta umukirimbá ta amizade. Peleri Salmo 86:6, 11. Ariré pekuntari kuá resé:
-
Mayé yapoderi yakuntari Jeová irum?
-
Mayé Jeová ukuntari yané irum?
Yakuntari Jeová irum yapurandú ramé irum. Aé ukuntari yané irum yaleri ramé Bíblia.
YEPEYEPÉ MIRAITÁ TA UMBEU: “Ti yapoderi yapitá Jeová rumuara.”
-
Mayewaá Bíblia versículo repoderi reusari remukameẽ arama yapoderi yapitá Jeová rumuara?
MAÃ REYUMBUÉ
Jeová uputari upitá ne rumuara asuí usú uajudari reikú arama isuakí.
Remanduári arama
-
Mayé Jeová uajudari isumuaraitá?
-
Marã Jeová upurandú isumuaraitá ta utrocari arama ta rikusá?
-
Indé arama será iwasú repitá arama Jeová rumuara? Marã remanduári kuayé?
REPUTARI SERÁ REKUÁ PIRI?
Mayé ne vida utrocari repitá ramé Deus rumuara?
“Puranga retana yakuá kuá Deus Jeová resé” (A Sentinela, 15 de fevereiro de 2003)
Remaã mayé repoderi repitá Deus rumuara.
“Mayé apoderi apitá Deus rumuara?” (Os Jovens Perguntam— Respostas Práticas, Volume 2, capítulo 35)
Remaã mayé kuá kuñhã amizade Jeová irum usalvari ivida.
Kuá vídeo upé, yasú yamaã maã pisasuwaitá ta ukuntari Jeová resé.
