INU NKWEEN̄ 09

Taba Lek Riaak Me Lek Awaji Inan̄a Me Uriaak

FIT

Ire owuuk lek ikeek ibe ke oweek mban me ugwem ni? Ire okaan̄ idodo okukup ufiak echi okiweek ufọọk-otu isa inyi ni? Ire oweek ukarajit ni? Ire omoma itataba lek iriaak me lek Jioba ni? Uriaak mokọt itap ubọk inyi owu okọt orọ otutuuk inu chi. Ire, keke ore oniin̄ ogbegbe ibe eji ekeriaak uriaak? Ire Awaji ikekigban̄ otutuuk uriaak ni? Keke ke oborọ inyi Awaji ikọt inọ uriaak kwun̄? Kè eji ekween̄ nu.

1. Ire ekene ke eji ebekibeek uriaak inyi, kpasi inu si ke eji ebekibeek?

Jisọs ijeen̄ eji ibe ke ire Nte kiji me emen inyọn̄ gaalek ke eji ebekibeek uriaak inyi. Jisọs me lek kan̄ ibeek uriaak inyi Jioba. Ibe: “Enyi isiberiaak uriaak, ikeyi ke enyi ebekiriaak: ‘Nte kiji ogwu òkup me emen inyọn̄ . . . ’ ” (Matiyu 6:9) Mgbọ geelek eji esikibeek uriaak inyi Jioba, eji ekinama mgbaan̄je kiji melek kan̄ inye.

Eji mekọt ibeek uriaak ofolek inu geelek. Me atikọ, inyi Awaji ifọọk otu uriaak kiji, eji medo inu ojeje ikike me lek nkeek kan̄. “Eji mîriọọn̄ ibe ke Awaji îkinọ eji ida mgbọ geelek eji ekibeek ọmọ inu itat me lek nkeek kan̄.” (Jọn Eyi Adasi 5:14) Jisọs ijeen̄ usini inu otatat ibebeek mkpọ ofolek. (Fuk Matiyu 6:9-13.) Isọkọ me lek ibebeek inu ofolek ufiak echi akpalek kiji, kè eji ekawuuk itọtọn̄ Awaji mije inu echi irọbe inyi eji mè ibebeek ọmọ ibe itap ubọk inyi ebi ofifi ife.

2. Ike owa ke eji ebesa ikibeek uriaak?

Baibul ibe: “Ìkpa ufialek kinyi ìnyi ọmọ [orere, Awaji].” (Okwa Itọn̄ 62:8) Eya orọ, uriaak kiji ibokinan̄a me ejit kiji. Eji mekọt ibeek uriaak isibi mè iyaka ire me emen ejit kiji me irek geelek okijeen̄ ulibi. Eji mekọt ibeek uriaak me mgbọ geelek mè ere geelek.

3. Ike owa ke Awaji okisa ifọọk uriaak kiji?

Ikifọọk uriaak kiji me esese esese oniin̄. Jioba inyi eji Usem kan̄, orere Baibul, ere eji ebekọt imun̄ ufọọk-otu isa inyi idodo kiji. Ikekifuk Usem Awaji “ìkirọ ogwu ikakaan̄ge iriọọn̄-inu ikana ogwu òriọọn̄ inu.” (Okwa Itọn̄ 19:7; fuk Jemis 1:5.) Ọmọ mokọt irọ inyi eji ekaan̄ esuuk me ejit me mgbọ ufialek. Ọmọ si mokọt ibieen̄ ebi bọn ute ibe etap ubọk enyi eji me mgbọ ufialek.

KWEEN̄ GBAALEK

Kween̄ ubọk obosa ibeek uriaak onan̄a owu me ejit echi oboneme Awaji mè mun̄ ike uriaak obosa isibi owu oruru.

4. Awaji ikaan̄ ntọ-ubọk ofolek uriaak

Keke okirọ inyi Awaji inọ mè iyaka ire, ikanọ uriaak kiji? Fit FIDIO yi.

FIDIO: Ire Awaji Ikekinọ Otutuuk Uriaak Ni?—Okpọkọ Me Lek (2:42)

Jioba iweek ibe eji ekebeek uriaak enyi ọmọ. Fuk Okwa Itọn̄ 65:2, mè igbaan̄ ikpa idodo chi:

Ire okeek ibe ke Ogwu “Okinọ uriaak” iweek ibe okobeek uriaak onyi ọmọ ni? Keke orọ ofọọkbe ikeya?

Eji kpelọlọ iluluk igọọk onineen̄ Awaji ire eji iweek ibe ọmọ inọ uriaak kiji. Fuk Maika 3:4 mè Pita Eyi Adasi 3:12 mè igbaan̄ ikpa idodo yi:

Keke ke eji kpelọlọ irọrọ inyi Jioba ikigban̄ uriaak kiji?

Me mgbọ akọn̄, ebi agan̄ iba ikitim akọn̄ ya ekibeek uriaak ibe ema etim egak. Ire Awaji ikekinọ mbet lek uriaak okup ikeya ni?

5. Uriaak kiji ikinan̄a eji me ejit

Usini ene ire ebi ejeen̄be ibe ekeriaak mbet uriaak yaage mgbọ geelek kubọk ekifufuk. Ire, ire ikeya ke Awaji oweek ibe eji ekebeek uriaak enyi ọmọ ni? Fuk Matiyu 6:7, mè igbaan̄ ikpa idodo yi:

Baibul ibe: ‘Kakpọkpọ ìkitumu chieen̄ ikọ yaage mgbọ geelek,’ ike owa ke obosa ijit irọrọ eya ni?

Usen geelek, omokọt ikeek ọkpọkpọ ugbana ge me ugwem kwun̄ mè itọn̄ Jioba mije ugbana ya. Ire otọn̄ ọmọ bak lek esese esese mkpọ usen geelek me nde ge, owu ora ibeek esese mkpọ jaaba mè okakpọge ikitumu usem yaage.

Ata ute ikiweek ibe ogwu gwun̄ ikitumu ikọ inan̄a me ejit kan̄ inyi ọmọ. Ikeya si Jioba iweek ibe eji ekebeek uriaak enyi ọmọ enan̄a me ejit kiji

6. Uriaak ire uche onan̄a me ubọk Awaji

Kpa ubọk ke uriaak obosa itap eji efuuk me owot ikerere me mgbọ ufialek mè mgbọ ufialek ikakupge? Fit FIDIO yi.

FIDIO: Uriaak Ikitap Ubọk Inyi Eji Ekọt Ekeme (1:32)

Baibul ichieek use ibe ke uriaak mokọt itap ubọk inyi eji ekọt ekaan̄ ata esuuk me ejit. Fuk Ebi Filipai 4:6, 7, mè igbaan̄ ikpa idodo chi:

Ikerere ibe ke uriaak ikakisan̄a ufialek kiji, kpa ubọk ke ikitap ubọk?
Kpasi mkpọ ke oboma ibebeek mkpọ ofolek?

Ire oriọọn̄ ni?

Usem “amen” isibi “ikup ikeya” mè iyaka ire “nchieek me lek.” Karake mgbọ Baibul, “amen” ire usem ekitumu me nkana-ngwook uriaak.—Mfufuk Eyi Adasi 16:36.

7. Kawuuk ikekibeek uriaak

Usini mgbọ, eji mekọt iwuuk ibebeek uriaak. Uriaak ikukup ufiak ire isa inyi Jisọs? Fuk Matiyu 14:23 mè Mak 1:35, mè igbaan̄ ikpa idodo chi: