QUIMELTUN 09
Llellipuafimi ta Chau Ngünechen
Fillque dungu rupaqueimi tami mongen mu. Quiñeque mu, quimlayafuimi chi chem tami chumal. Fillque dungu ramtuqueimi chi ca duamniepelaimi chi tami yafültucungeal. Ca femngechi ayüuquepelaimi tami doi fülmaucüleal Jehová mu. Fei, ¿chem quelluafeimu? Tati llellipun llemai. Huelu eimi ramtuupelaimi chi: “¿Chumngechi ngillatuafun? Chau Dios, ¿allcütupeafeneu mai? Cam, ¿chumafun tañi allcütuaeteu Chau Ngünechen?”. Peafiyiñ.
1. ¿Inei am ngillatuafuimi? ¿Chem piafuimi tami ngillatun mu?
¿Inei müten ngillatuafimi? Taiñ Huenu Chau Jehová müten. Jesús quimeltui taiñ ngillatuafiel “taiñ Chau huenu mülelu” (Mateo 6:9). Fei llellipufilmi ta Jehová, doi fülmaucüleaimi quisu meu.
Huelu, ¿chem piafuimi tami ngillatun mu? Fillque dungu meu ngillatuafuimi, huelu com tami feipial nüucülepe Jehová tañi ayüqueel meu. Biblia feipi: “Chem rume nüucülelu Chau Dios tañi ayünieel mu llellipuafuiñ, fei allcütuqueiñmeu” (1 Juan 5:14). Jesús quimeleiñmu chem dungu pediafuiñ taiñ ngillatun mu (papeltuaimi Mateo 6:9-13). Huelu, ¿eimi tami duam meu müten ngillatuaimi? Femlai llemai. Ca ngillatuaimi tami mañumafiel ta Jehová ca ñi quelluafiel ta caquelu che.
2. ¿Chumngechi llellipuafuimi?
Biblia feipi: “Chau Dios ñi adquiñ meu nülanentumün reque tamün piuque” (Salmo 62:8). Felei llemai, piuque meu tripape tami ngillatun. Huelu taiñ ngillatuafiel ta Ngünechen, ¿mülepei mai taiñ lucutunagal cam huitraleal? Femlai, chumcünuafuimi rume tami ngillatuafiel. Cheu rume mülelmi, ngillatuafuimi ta Chau Ngünechen rüf piuque meu ca yamün meu. Fei müten duamfali.
3. Llellipufilmi ta Chau Dios, ¿chumngechi quelluaimu?
Eimi ngillatun meu fillque dungu ramtupelayafuimi chi ta Chau Dios. Fei quisu, ¿chumngechi huiñoldunguafeimu? Jehová eli Biblia, fei papeltufilmi quimürpuafuimi fillque dungu tami quimnofel. Biblia ñi feipin mu “quimchengequetui tati quimquenolu” (Salmo 19:7; papeltuaimi Santiago 1:5). Cafei rupalmi huesaque dungu meu, ngillatufilmi ta Chau Dios, quisu yafültucuaimu. Ca femngechi Jehová adnieafui tañi pu che tami quelluntucuaeteu.
DOI QUIMAIMI
¿Chumngechi ngillatuafuimi tami allcütuaeteu Chau Dios? Ca tami ngillatun, ¿chumngechi cümelcayafeimu? Fei tüfa inaduamafiyiñ.
4. Jehová, ¿chumngechi ayüquei taiñ llellipuafiel?
Jehová quimeltueiñmu chumngechi taiñ llellipuafiel. Peaiñ ti VIDEO.
Jehová ayüquei itrocom che ñi llellipuaeteu. Papeltuaiñ Salmo 65:2, ca ngüneduamaiñ tüfachi ramtun:
-
Jehová, ¿eluucülepei mai tami allcütuaeteu? ¿Chem pimi cai?
¿Ca chem chumafuiñ taiñ allcütuaeteu Chau Jehová? Inayaiñ quisu tañi ngülam. Papeltuaiñ Miqueas 3:4 ca 1 Pedro 3:12, ca ngüneduamaiñ tüfachi ramtun:
-
¿Chumaiñ taiñ allcütuaeteu Chau Dios?
Epu troquiñ hueichayalu ngillatumequeingu ñi huehual, ¿allcütupeafeyu mai Ngünechen?
5. Piuque meu tripape taiñ ngillatun
Quiñeque che re feipi feipiquei müten tañi ngillatuelchi dungu. Huelu Jehová, ¿ayüquepei mai femngechi ñi femal pu che? Papeltuaiñ Mateo 6:7, ca ngüneduamaiñ tüfachi ramtun:
-
¿Chumafuimi tami fillque dungu feipiafiel ta Chau Dios ngillatun meu?
Fill antü raquiduamaimi quiñe cüme dungu tami rupan. Fei ngillatun mu mañumtuafimi ta Chau Ngünechen. Femngechi femülmi, fillque dungu feipiafimi ta Chau Dios ngillatun meu.
Quiñe chau ayüquei ñi nütramcayaeteu com piuque mu tañi pichiqueche. Ca femngechi Jehová ayüquei taiñ com piuque mu llellipuafiel.
6. Llellipuliyiñ, müna quelluaiñmu
Rupaliyiñ huesaque dungu meu, ¿chumngechi quelluafeiñmu Chau Ngünechen llellipufiliyiñ? Peaiñ ti VIDEO
Biblia feipi ngillatufiliyiñ ta Chau Jehová tüngduamcüleaiñ. Papeltuaiñ Filipenses 4:6, 7, ca ngüneduamaiñ tüfachi epu ramtun:
-
Amulecale taiñ huesa rupan, ¿chumngechi quelluaiñmu taiñ ngillatun?
-
¿Chem dungu ayüafuimi tami llellipuafiel ta Ngünechen?
¡Tüfei!
Huincadungun meu feipingequei “amén”, fei tüfa feipi “felepe mai” cam “femngepe”. Fütra cuifi tati pu che deulu tañi ngillatun “felepe mai” piquefui (1 Crónicas 16:36).
7. Acordanienge tami llellipual
Quiñeque mu fillque duam nieafuiñ, feimu fente nien mu duam llellipuhuelayafuiñ. Jesús rumel eluucülequefui tañi llellipual. Papeltuaiñ Mateo 14:23 ca Marcos 1:35, ca ngüneduamaiñ tüfachi epu ramtun:
-
¿Chumi Jesús tañi ngillatuafiel tañi Huenu Chau?
-
¿Chem hora elcünuafuimi tami llellipuafiel ta Jehová?
QUIÑEQUE CHE FEIPIAFEIMU: “Refalta ngillatuqueimi, inei no rume allcütulayaimu”.
-
¿Rüfngepei mai tüfa? ¿Chem piafuimi?
TAMI QUIMEL
Rüf piuque mu ngillatufilmi ta Jehová, doi fülmaucüleaimi quisu meu, tüngduamcüleaimi ca nehuentuleaimi.
¿Chem piafuimi?
-
¿Inei am ngillatuafuimi?
-
¿Chumngechi llellipuafuimi?
-
Llellipufilmi ta Chau Dios, ¿chumngechi cümelcayaimu?
CA PEAFUIMI
Quimürpunge fentren dungu ñi ramtuqueel che ngillatun mu.
“Regle ramtun tripai ti llellipun mu” (Ti Huerquen 1 octubre, 2010)
¿Chemu falin-ngei tami llellipual? ¿Chumngechi doi cüme llellipuafuimi? Ngüneduamnge tüfa.
“Llellipuli Chau Dios mu, ¿rüf quellupeafeneu?” (Troquiñ internet mu)
¿Inei am ngillatuafiyiñ? Inaduamnge chem pin Biblia.
“¿Cümepei mai llellipuafiel pu santo?” (Troquiñ internet mu)
¿Cheu rume ngillatuafuiñ? Pefinge tüfachi video.
Eimi ca ayüafuimi
DOI RUPA ÑI RAMTUNGEQUEEL
¿Chem am tati chillcatun Biblia?
Tami chillcatual pu testigo engün püneafuimi chem Biblia rume. Cafei mangelafuimi tami pu familia ca hueni tamün quiñentrür chillcatual Biblia.
