DUNGU 09
Ngillatun mu bülconquiiñ Chau Dio mu
¿Raquiduamquimi eimi duamyepimi mai ngüyulün? ¿Niepimi mai balin-ngechi ramtun petu tami lloungenon? ¿Duamnimi maneluhun ca yabüluhun? ¿Ayüabüimi tami doi bülconcüleal Jehová mu? Ngillatubilmi Jehová quelluaimu (incaaimu) tami nieal com tüba. Huelu, ¿chumngechi ngillatobüimi? Jehová, ¿allcütuquepi mai com pu ngillatun? Ngillatulmi, ¿chumngechi quimabüimi tami allcütuquetu Jehová? Peaiñ.
1. ¿Iñi am ngillatuabüiñ? Ngillatuliiñ, ¿chem eipiabüiñ?
Jesús quimeleleiñmu taiñ ngillatobel Jehová müten. Quidu ngillatuquebüi tañi Chau Jehová. Jesús eipi: “Eimün bemngechi ngillatuaimün: ‘Taiñ Chau huenu mapu mülelu...’” (Mateo 6:9). Ngillatubiliiñ Jehová, doi bülconaiñ quidu mu ca doi hueniyeabiiñ.
Ngillatubiliiñ Jehová, chem dungu ume eipiabüiñ. Huelu, eipilaabüiñ tañi eluatu quidu ñi ayüquenol. Biblia eipi “ngillatubiliiñ chem ume taiñ duamnel quidu ñi piel mu, bei allcüñmaaiñmu taiñ ngillatuquel” (1 Juan 5:14). Jesús eipi quiñeque dungu chumngechi tañi ngillatol (papiltunge Mateo 6:9-13). Ngillatuliiñ chem dungu mu ume, ca bemngechi ngillatuabüiñ caquelu mu ca mañumtuabüiñ Jehová.
2. ¿Chumngechi ngillatuabüiñ?
Biblia eipieiñmu: “Com tamün niel piuque mu, ngütramelbimün Chau Ngünechen” (Salmo 62:8). Beimu taiñ ngillatun tripape piuque mu. Ñücübcülen ngillatuabüiñ ca bemngechi allcütuqueiñmu. ¿Chumngechi ngillatuabüiñ? ¿Lucutulen, huitralen, anülen? Chumngechi ume ngillatuabüiñ. Huelu yamün mu bemabüiñ. Ca ngillatuabüiñ chumül ca cheu ume.
3. Chau Dio, ¿chumngechi llouqui taiñ ngillatun?
Billque dungu mu bemqui. Biblia mu llouqui ñi pu ramtun. Biblia mu “quimche ngetuqui tati quimquenolu” (Salmo 19:7; papiltunge Santiago 1:5). Ca nieliiñ hueyaque dungu Jehová quelluabeiñmu taiñ nieal tüngün. Cabei Jehová pile quiñeque tañi pu che quelluabeiñmu.
DOI CÜME QUIMNGE
Jehová ayüqui piuque mu ñi ngillatungeal, ¿chumngechi bemabüiñ? ¿Chumngechi quelluabeiñmu ngillatuliiñ?
4. Chau Dio eipiqueiñmu chumngechi taiñ ngillatol
Tañi allcütuatu Chau Dio, ¿chumngechi ngillatobüiñ? Quintulbe tati VIDEO.
Jehová ayüqui tañi ngillatungel quidu müten. Papiltoiñ Salmo 65:2. Papiltungele hula ngütramcaabiiñ tübachi pu ramtun:
-
Jehová allcütuqui bill püle cüpachi pu che ñi ngillatun. Eimi tami ngillatun, ¿allcütuquepi mai? ¿Chem pimi? ¿Chemu?
Cüpa allcütuñmangeliiñ, bemaiñ Jehová ñi eipiquetu. Papiltoiñ Miqueas 3:4 ca 1 Pedro 3:12. Papiltungele hula ngütramcaabiiñ tübachi ramtun:
-
¿Chumabüiñ Chau Dio ñi allcütuatu?
Pu hueichabe bill püle cüpalu ngillatupebi engün Chau Dio tañi huehual engün. Huelu, Chau Dio ¿allcütuquepi mai beichi ngillatun?
5. Ngillatubiliiñ Jehová tripape piuque mu
Quiñeque pu che ngillatuyüm engün ca huiñome eipiqui tañi ngillatuelchi dungu. Huelu, Jehová ¿ayüquepi mai bemngechi tañi ngillatungel? Papiltoiñ Mateo 6:7. Papiltungele hula ngütramcaabiiñ tübachi ramtun:
-
Bemngechi taiñ ngillatunoal, ¿chumabüiñ?
Bill antü raquiduamnge chem cümeque dungu eluqueimu Jehová. Ca ngillatube tami mañumabel. Bemülmi, peaimi billque dungu tami eipial ngillatulmi.
Quiñe chau ayüqui tañi ngütramelatu chem raquiduam ñi nien tañi botüm piuque mu. Jehová ca bemngechi ayüqui tañi tripan ñi ngillatun piuque mu.
6. Ngillatun müna balin-ngi
Upaliiñ hueyaque dungu mu, ¿chumngechi quelluabeiñmu tati ngillatun? Quintulbe tati VIDEO.
Biblia eipi ngillatuliiñ tüngcüleai taiñ raquiduam. Papiltoiñ Filipenses 4:6, 7. Papiltungele hula ngütramcaabiiñ tübachi epu ramtun:
-
Amulele ume taiñ hueyaque dungu, ¿chumngechi quelluabeiñmu ngillatuliiñ?
-
Ngillatulmi, ¿chem eipiabüimi?
¿Quimquebüimi?
“Amén” pingequelu ca quehun mu, eipi “belepe mai”. Cuibi mu ca beula eipingequi “belepe mai” able tati ngillatun (1 Crónicas 16:36).
7. Ngillatulenge bill antü
Quiñeque mu müna niequiiñ duam, beimu ngillatuquelaiñ. Jesús, ¿chumten balintuquebüi tañi ngillatun? Papiltoiñ Mateo 14:23 ca Marcos 1:35. Papiltungele hula ngütramcaabiiñ tübachi epu ramtun:
-
¿Chumquebüi Jesús tañi ngillatol bill antü?
-
¿Chumabüimi tami ngillatol bill antü?
QUIÑEQUE CHE EIPIQUI: “Ngillatulmi, iñi no ume allcütulaaimu”.
-
Eimi, ¿chem piabüimi?
CHEM PEIÑ TÜBAMU
Piuque mu tripale ñi ngillatun, doi bülconaiñ Chau Dio mu. Cabei eluqueiñmu tüngün ca eluqueiñmu nehuen taiñ bemal Jehová ñi ayüquel.
Chem quimeleleiñmu tüba
-
¿Iñi am ngillatuabüiñ?
-
¿Chumngechi ngillatuabüiñ?
-
¿Chumngechi quelluabeiñmu ngillatuliiñ?
DOI QUIMABÜIMI
Quimnge tati lloudungun che tañi ramtuquel tati ngillatun mu.
“Che tañi ramtuquel ngillatun mu” (Ti Huerquen 1 octubre, 2010)
¿Chumngechi doi cüme ngillatobüimi? Ca, ¿chemu müna balin-ngi tañi ngillatol?
Quintulnge chem piqui Biblia iñi tañi ngillatobel.
“¿Cümepeabüi mai tañi ngillatobel tati pu santo?” (Papiltun internet mu)
Pebinge tübachi video nielu ülcatun, chumngechi ca cheu tañi ngillatol.
Peabüimi ka bemngechi dungu:
BILLKE RAMTUN
¿Chumngechi quimelquiiñ Biblia?
Quimeltungelmi quiñe Dunguquelu, papiltuabüimi chem traducción Biblia mu niimi ume. Mangelabüimi com tami pu che, tami pu hueni, ca iñi ume ayüabüimi.
