9 YATICHÄWI
Oracionajj Diosar jakʼachasiñatakiw yanaptʼistu
Oracionajj walja toqenakatwa yanaptʼiristam. Sañäni, suma amtanakar puriñataki wali wakiskir jisktʼanakamar qhanañchañatakiw yanaptʼiristam. Chuymachtʼatäña, chʼamañchtʼatäña munkta ukhasa oracionajj yanaptʼiristamwa. Janiw ukakïkiti, Jehová Diosar jakʼachasiñamatakis yanaptʼarakiristamwa. Ukampis inas jumajj akham sasin jisktʼassta: ‘¿Kunjamsa Diosar orañasa? ¿Diosajj taqe oracionanakti istʼpacha? ¿Nayan oracionanakaj istʼañapatakejj kunjamsa jupar orasirista?’ sasa. Ukanakat jichhajj yatjjatañäni.
1. ¿Khitirus orasiñasa? ¿Kuna toqenakatsa orasiñasa?
Alajjpachankir Awkisarukiw orasiñasa sasaw Jesusajj yatichäna, Jesusasa Jehová Diosaruw orasirakïna. Mä kutejj akham sänwa: “Jumanakajj akham sasaw orasipjjañama: ‘Alajjpachankir nanakan Awkija...’” sasa (Mateo 6:9). Jehová Diosar orastan ukhajja, jukʼamp sumwa jupampejj apastanjja.
Taqe kunatwa oracionanakasan Diosampejj parltʼassna. Ukampis oracionanakas istʼañapatakejja, kunanakatï jupatakejj walïki askïkaraki ukarjamaw mayisiñasa. Bibliajj akham siwa: “Jiwasatï munañaparjam kunsa mayiñäni ukhajja, jupajj istʼistaniwa” sasa (1 Juan 5:14). Kuna toqenakatsa mayissna uk Jesusaw yatichäna (Mateo 6:9-13 liytʼäta). Janiw kunanakatï llakisiykistu uka toqetak orasiñasäkiti, jan ukasti kunanaktï Jehová Diosajj jiwas layku lurawayki ukanakat yuspärañasawa, yaqhanakar yanaptʼañapatakis mayiñasarakiwa.
2. ¿Kunjamsa Diosar orasiñasa?
Bibliajja Dios “nayraqatan chuymam jistʼaram” sasaw chʼamañchtʼistu (Salmo 62:8). Ukhamajj taqe chuymaw Diosar orasiñasa. Jachʼata jan ukajj chuyma manqhanwa orassna. Qonqortʼatasa, saytʼatasa, qontʼatasa orasiksnawa, ukampis wali respetompi Jehová Diosar orasiñaw jukʼamp wakiskirejja. Ukhamarusa kuna horasasa kawkinkkasasa orasiksnawa.
3. ¿Kunjamsa Diosajj oracionanakasar jaysani?
Kunaymaninakatwa Diosajj oracionanakasar jaysanistu, jisktʼanakasarojj Biblia toqew jilapartejj qhanañcharakistu. Salmo 19:7 qellqatarjamajja, Biblia liyiñajj “jan experiencianïki ukarus yatiñaniruw tukuyi” (Santiago 1:5 liytʼäta). Kunapachatï jan walinakan uñjasktan ukhajja, Jehová Diosaw amuyusan sumankañ churistaspa. Yanaptʼatäñ munktan ukhas servirinakap toqew Diosajj yanaptʼarakistaspa.
JUKʼAMP YATJJATAÑÄNI
Kunjamsa Jehová Diosan chuymapar purtʼkiri orassna, kunjamsa orasiñajj yanaptʼiristam uka toqenakatwa jichhajj yatjjatañäni.
4. Oracionanakasan istʼatäñapatakejj Diosan mayitanakapwa phoqañasa
¿Diosajj oracionanakas istʼaniti janicha uk kunarjamas amtpacha? VIDEO uñtapjjäta.
Jehová Diosajj jupa saparuk orasiñaswa muni. Salmo 65:2 liytʼasajja aka toqetwa parltʼapjjäta:
-
¿‘Oracionanak istʼiri’ Jehová Diosajj juman orasiñam munpachati? ¿Kunatsa ukham amuyta?
Oracionanakas Diosan istʼañap munstan ukhajja, jupan mayitanakaparjam sarnaqañatakiw chʼamachasiñasa. Miqueas 3:4; 1 Pedro 3:12 liytʼasajja aka toqetwa parltʼapjjäta:
-
¿Kunjamsa Diosan oracionanakas istʼañapatakejj orasiñasa?
Pä enemigo ejercitonakajj guerran atipañatakejj Diosar mayisisipkaspawa. Ukampis ¿Diosajj paypach ejercitonakan oracionanakap istʼpachati?
5. Oracionanakasajj chuymatwa mistuñapa
Pʼeqer yatsusin rezasiñsa orasiñsa waljaniw yateqawayapjje. Ukampis ¿ukham oracionanakajj Diosatakejj walikïskpachati? Mateo 6:7 liytʼasajja aka toqetwa parltʼapjjäta:
-
¿Oraskasajj “pachpa arunak kutin kutin” jan sañatakejj kunsa lurañasa?
Kuna sumanakatï sapüru pasktam ukanakatwa Jehová Diosar yuspärasma. Mä semanpach ukham lurasma ukhajja, paqallqo toqenakatwa Jehová Diosar oracionaman parlasma.
Wali munasiri mä awkejja, wawapajj kunjamas jikjjatasi uk chuymapat saspa ukwa muni. Ukhamarakiw Jehová Diosajj taqe chuym orasiñas muni.
6. Oracionajj Diosan mä suma regalopawa
Jan walinakan uñjasktan ukhajja, ¿kunjamsa Diosar orasiñajj yanaptʼistaspa? VIDEO uñtapjjäta.
Oracionajj sumankañwa churapjjätam sasaw Bibliajj qhanañchi. Filipenses 4:6, 7 liytʼasajja aka toqetwa parltʼapjjäta:
-
Oracionanakasajj janis taqpach problemanak askichkchejja, ¿kunjamsa yanaptʼistu?
-
¿Kuna toqenakatsa orasiñ munasma?
¿Yatiyätati?
Amén arojja “ukhamäpan” jan ukajj “cheqpachapuniwa” sañwa muni. Bibliajj qellqaskäna uka tiempotpachaw oracionanakajj “amén” sasin tukuyasirïna (1 Crónicas 16:36).
7. Orasiñatak tiempo apstʼasim
Awisajja jan tiempon sarnaqasajj orasiñ armtʼassnawa. ¿Orasiñajj Jesusatakejj kunja wakiskirïnsa? Mateo 14:23; Marcos 1:35 liytʼasajja aka toqetwa parltʼapjjäta:
-
¿Kunjamsa Jesusajj orasiñatak tiempo apstʼasirïna?
-
¿Kunjamsa jumajj orasiñatak tiempo apstʼasirakisma?
YAQHEPANAKAJJ AKHAM SAPJJEWA: “Orasiñajj inamayakiwa, janiw khitis istʼkiti” sasa.
-
¿Jumajj uka toqet kamsasmasa?
¿KUNSA YATEQAWAYTAN?
Taqe chuyma orasiñajj jukʼampiw Diosar jakʼachistu. Oracionajj amuyusan sumankañwa churistu, ukatjja Jehová Diosajj kunanak lurañastï munki uk lurañatakiw chʼam churarakistu.
Amtañataki
-
¿Khitirus orasiñasa?
-
¿Kunjamsa orasiñasa?
-
¿Kunjamanakatsa oracionajj yanaptʼistu?
JUKʼAMP YATJJATAÑAMATAKI
Oración toqet kunanaktï walja jaqenakajj jisktʼasipki ukanakan qhanañchäwinakap yatjjatam.
“¿Kunanaksa oración tuqit yatiñasäspa?” (Yatiyañataki enero-marzo, 2011)
Kunatsa orasiñamajj wali importantejja, kunjamsa jukʼamp suma oracionanak lurasma uka toqet yatjjatam.
Bibliajj khitir orasiñsa yatichi uk yatjjatam.
Kawkinkkasasa kuna horasansa Jehová Diosarojj oracionan mayisiksnawa, uka toqet parliri musicani video uñtam.
Akanakajj inas gustarakiristam
KUNANAKSA JUKʼAMP JISKTʼASIPJJE
¿Kunjamsa Jehová Diosan Testigonakapajj Bibliat yatichapjje?
Jehová Diosan Testigonakapajj gratisakiw Bibliat yatichapjje, kawknïr Bibliampis yateqañ munta ukajj jumatäjjewa. Jumamp chika yateqapjjañapatakejja, taqpach familiamaruw invittʼasma, amistadanakamarus invittʼarakismawa.
