ДӘРС 09

Дуа едәрәк Аллаһа јахынлашын

PLAY

Һәјат јолунда аддымламаг үчүн мәсләһәтә еһтијаҹыныз вар? Проблемләринизи һәлл етмәк үчүн көмәк ахтарырсыныз? Тәсәллијә, дәстәјә еһтијаҹыныз вар? Јеһова Аллаһа јахын олмаг истәјирсиниз? Дуа сизә бүтүн бу мәсәләләрдә көмәк едә биләр. Бәс неҹә дуа етмәк лазымдыр? Аллаһ бүтүн дуалары ешидир? Дуанызын Аллаһ тәрәфиндән ешидилмәси үчүн сиз нә едә биләрсиниз? Ҝәлин бахаг.

1. Кимә дуа етмәлијик вә нә һагда дуа едә биләрик?

Нуһ, Ибраһим, Муса вә Давуд пејғәмбәр Јеһова Аллаһа дуа едирдиләр. Мәсәлән, Давуд пејғәмбәр дуасында демишди: «Еј Јеһова, дуамы ешит» (Зәбур 143:1). Јеһоваја дуа едәндә Онунла мүнасибәтләримиз мөһкәмләнир.

Биз һәр мөвзуда дуа едә биләрик. Бир шәртлә ки, диләјимиз Аллаһын ирадәсинә ујғун олсун. Онда Аллаһ дуамыза ҹаваб верәҹәк. Мүгәддәс Китабда дејилир: «Онун ирадәсинә мүвафиг нә диләјириксә, О ешидир» (1 Јәһја 5:14). Һансы мөвзуларда дуа едә биләрик? Иса пејғәмбәр бунунла бағлы бизә нүмунә вермишди. (Мәтта 6:9—13 ајәләрини охујун.) Гајғыларымыз барәдә дуа етмәклә јанашы, Аллаһа бизим үчүн етдији шејләрә ҝөрә шүкүр етмәји вә башгалары үчүн дуа етмәји дә јаддан чыхармамалыјыг.

2. Неҹә дуа етмәлијик?

Мүгәддәс Китабда дејилир: «Үрәјинизи Она [Аллаһа] ачын» (Зәбур 62:8). Одур ки, дуаларымыз сәмими олмалы, үрәкдән ҝәлмәлидир. Биз истәнилән вахт, истәнилән јердә һәм уҹадан, һәм дә үрәјимиздә дуа едә биләрик. Бәс дуа заманы хүсуси дуруш тәрзи тәләб олунур? Јеһова биздән дуа едәркән диз чөкмәји, отурмағы, јахуд ајаг үстә дурмағы тәләб етмир. Әсас одур ки, дурушумуз һөрмәтҹил тәрздә олсун.

3. Аллаһ дуаларымыза неҹә ҹаваб верир?

Аллаһ дуаларымыза мүхтәлиф үсулларла ҹаваб верир. О бизә Өз Кәламыны вериб вә чох вахт суалларымыза орадан ҹаваб тапырыг. Зәбур 19:7 ајәсинә әсасән, Аллаһын Кәламы «нашы адамы мүдрик едир». (Јагуб 1:5 ајәсини охујун.) Чәтинликләрлә үзләшәндә О бизә гәлб раһатлығы верир. Јахуд Она ибадәт едән кәсләр васитәсилә дар ҝүндә көмәјимизә чатыр.

Д Ә Р И Н Л И Ј Ә В А Р Ы Н

Ҝөрүн Аллаһа мәгбул шәкилдә неҹә дуа едә биләрсиниз вә дуа етмәјин һансы фајдалары вар.

4. Аллаһын дуа илә бағлы тәләбләри

Аллаһын дуаларымызы гәбул едиб-етмәмәси нәдән асылыдыр? ВИДЕОЈА бахын.

ВИДЕО: «Аллаһ һансы дуалары гәбул едир?» Фрагмент (2:42)

Јеһова истәјир ки, биз Она дуа едәк. Зәбур 65:2 ајәсини охујун вә нөвбәти суаллары мүзакирә един:

Сизҹә, «дуалары ешидән» Аллаһ сизин Она дуа етмәјинизи истәјир? Нәјә ҝөрә белә дүшүнүрсүнүз?

Аллаһын дуаларымызы гәбул етмәсини истәјириксә, Онун бујругларына әмәл етмәлијик. Микә 3:4 вә 1 Бутрус 3:12 ајәләрини охујун. Сонра нөвбәти суалы мүзакирә един:

Аллаһын дуаларымызы ешитмәси үчүн нә етмәлијик?

Мүһарибә заманы һәр ики тәрәф галиб ҝәлмәк үчүн дуа едир. Сизҹә, Аллаһын һәр ики тәрәфин дуасына ҹаваб верәҹәјини ҝөзләмәк мәнтиглидир?

5. Дуаларымыз үрәкдән ҝәлмәлидир

Бәзи инсанлар һансыса дуаны әзбәрләјиб, тәкрар-тәкрар сөјләјирләр. Јахуд баша дүшмәдикләри дилдә дуа едирләр. Бәс Аллаһ биздән бу ҹүр дуа етмәји истәјир? Мәтта 6:7 ајәсини охујун вә нөвбәти суалы мүзакирә един:

Дуада «ејни сөзләри тәкрар-тәкрар» демәкдән неҹә гачына биләрсиниз?

Һәр ҝүн һәјатыныздакы һансыса јахшы бир шеј барәдә дүшүнүб, дуада Јеһоваја шүкүр един. Бир һәфтә әрзиндә һәр ҝүн белә етсәниз, тәкрара јол вермәдән једди фәргли мөвзуда дуа едә биләрсиниз.

Гајғыкеш ата истәјир ки, өвлады она үрәјини ачыб бошалтсын. Ејнилә, Јеһова да истәјир ки, Она сидги-үрәкдән дуа едәк

6. Дуа Аллаһдан әнамдыр

Дуа хүсусилә дә һәјатымызын чәтин анларында бизә неҹә ҝүҹ верә биләр? ВИДЕОЈА бахын.

ВИДЕО: «Дуа дөзмәјә ҝүҹ верир» (1:32)

Мүгәддәс Китабда дејилир ки, дуа бизә гәлб раһатлығы верә биләр. Филиппилиләрә 4:6, 7 ајәләрини охујун вә нөвбәти суаллары мүзакирә един:

Дуа проблемләримизи һәмишә һәлл етмәсә дә, бизә неҹә көмәк едә биләр?
Нәләр барәдә дуа етмәк истәјәрдиниз?

Билирсиниз?

«Амин» сөзүнүн мәнасы «гој белә олсун», «мүтләг» демәкдир. Та гәдимдән дуанын сонунда «амин» сөзү дејилир (1 Салнамәләр 16:36).

7. Дуаја вахт ајырын

Бәзән башымыз о гәдәр гарышыг ола биләр ки, дуа етмәк јадымыздан чыхар. Иса пејғәмбәр үчүн дуа етмәк нә дәрәҹәдә өнәмли иди? Мәтта 14:23 вә Марк 1:35 ајәләрини охујун. Сонра нөвбәти суаллары мүзакирә един: