JIʼTE 09

Tchye m ne priya fouʼte ne o ha beng Si

YOU’ NE

O tsem fe djouʼ ne o paʼ a bo tcheng ge pou kwite o tchum you vôk a ? O bo tcheng ne ghe mpaʼ ne she mhente mtuôdeng mye o ghe a ? O bo tcheng juete ba kwite a ? A gô poung o ne ping tchente fouʼte ne o ha beng Jéova a ? Priya fing ne kwite o ne goung tse tsenge awè. Daʼge tchi pepoung ne gre priya be ya ? Si djouʼ goung mpriya awè a ? O fing ne ghe la te Si youʼ mpriya mou ? Pe naʼ djô.

1. Pe gô ghe priya bi we, pe neng fing ne ghe priya ne ma potse ?

Yéso le lagne ge pe gô ghe priya daʼ bi Ta yôkpe kèbeng. Kwaʼ yu Yéso le be gre priya bi Jéova. É le ghôm ge : “Poʼo le, po pe tchwyèʼgne Si ge : ‘Ta yôk ye o kèbeng . . . ʼ” (Matio 6:9) Tchwe ye pe gre priya bi Jéova a, yôkpe ne pe mso pou a yu soumte.

Pe fing ne ghe priya gwè a ne baya tchi ywe le. A nyenyô ge, Si gô ne paʼ nwe ne mpriya môkpe be pe ghe priya kwaʼ paʼ é tcheng a. “Pe la do ywe bi [Si] kwaʼ paʼ é tcheng a be é gô youʼ wôkpe.” (1 Yohané 5:14) Yéso le ha mfoʼte ne she potse tsye pe fing ne ghe priya ne a. (Ké Matio 6:9-13.) Pe gô pe ghe priya ne potse tsye a bo dé wôkpe a, daʼge ka pe tuôgne ne pe goʼte Si ne potse tsye é gre bi pe a, ba ne lo ge é kwite pyeshe pô.

2. Pe gô pe ghe priya m tchi ge ke ?

Bible ha kaktuô bi pe ne “hyèʼ mtum [môkpe] bi [Si].” (Mghôm ghamte 62:8) Poʼo a tcheng ge mpriya môkpe pe fe kwaʼ tchum mtum pe. Pe fing ne ne ghe priya gi yôkpe po tem ke gè le, be pe tchwe ba tchi ge ke le ye a bo ha mkouʼ bi Jéova a. Pe fing ne ghe priya ba tsuʼkele, ba tchwekele.

3. Si baʼ nwe ne mpriya môkpe m tchi ge ke ?

É gre ya ne tchitchi mtchi. Jéova be é ha Ghôm tsye, Bible, tsuʼ ye pe be she mtchum djô mpaʼ ne mhente môkpe ne a. Ne ké Ghôm Si fing ne “ha jyenwe bi mo ye é ka ghe ya a.” (Mghôm ghamte 19:7; ké Yakop 1:5.) Tchwe ye mketuʼ ŋwak ne pe a, é fing ne ghe ge pe ghe hwite tchum mkwègne môkpe. É fing ba ne le mghè faʼ pye kwite wôkpe kwaʼ tchwe ye a bo tcheng a.

PING TCHENG NE GÔ DZE

Yô tchi paʼ o fing ne ghe priya ne taʼ tchi ye a boung Si a, neng djô ba tchi paʼ priya fing ne kwite o a.

4. Ywe ye pe gô ghe te Si youʼ mpriya môkpe a

Ke fing ne ghe ge Si ping ke ge é kengne mpriya môkpe le ? Yô VIDÉO.

VIDÉO: Si djouʼ goung mpriya wè a ?—Pap é (2:42)

Jéova tcheng ge pe ghe priya bi é. Ké Mghôm ghamte 65:2, neng gômte ne mhente menge :

O kwè ge Mo ye é “djouʼ priya” a bo tcheng ge kwaʼ wou o ghe priya bi é a ? Nweke ?

Pe pe tcheng ge Si youʼ mpriya môkpe be pe gô tela ne ying ne mkhète mye. Ké Mishé 3:4 ba 1 Pètro 3:12, neng gômte ne hente yenge :

Pe fing ne ghe la te Jéova youʼ mpriya môkpe ?

During a war, both sides may pray for victory. Is it reasonable to expect God to answer these prayers?

5. A tcheng ge mpriya môkpe pe fe tchum mtum pe

She pô be wap lagne ne pe gôm pe kwi tchi ywe, ba tchwekele ye wap bo gre priya a. Daʼge a be tchi paʼ Si tcheng ge pe ghe priya bi é a ? Ké Matio 6:7, neng gômte ne hente yenge :

O fing ne pômte ne pe gôm pe ‘kwi tchi ywe ba tchwekeleʼ tchum mpriya mou m tchi ge ke ?

Baya tyèʼ le, o fing ne sè nwe ne taʼ byagne ye Jéova ha bou tchum vôk tsu a, neng goʼte é ne. O ghe ya bô goung mtyèʼ awè ne taʼ gapdzu, be a gô pe ge o ghe priya ne potse jye sômbue, pe te ghôm nwe pe ne taʼ tchi ywe le begne ne.

Taʼ ta pepoung tcheng ge mou é ghôm bi é kwaʼ ywe ye a tchum tum tsye a. Dendeng poʼo, Jéova tcheng ge pe ghôm bi é kwaʼ ywe ye a tchum tum tsôkpe a

6. Priya be taʼ poutchi fe m bi Si

Priya fing ne kwite wôkpe m tchi ge ke kwaʼ tchwe ye pe tchum mtam tchuôtuô a ? Yô VIDÉO.

VIDÉO: La prière peut nous aider à endurer une épreuve (1:32)

Bible kaʼgne ge priya fing ne kwite wôkpe ne ghe hwite tchuô tchum mkwègne môkpe. Ké Filipo 4:6, 7, neng gômte ne mhente menge :

Ba m paʼ priya te gre pe ge mnwe môkpe mi a pe, a kwite wôkpe m tchi ge ke ?
A gô poung o ne ghe priya ne ma potse ?

A ke be o ji jye le ?

Djè ghôm “amèn” toute ge “ge a pe poʼo” ke ge “kwaʼ nyenyô” le.” Bible daʼte ge te fe ne mtam tchwedze pou le be gôm “amèn” tchwe ye priya mi a.—1 Mtchoung Israèl 16:36.

7. Ke pe duôgne ne ghe priya

She mtam pe fing ne ghe potse tsye pe gô ghe a téʼ, te a ghe ge pe tuôgne ne ghe priya. Priya le be a ghe ya deng bi Yéso ? Ké Matio 14:23 ba Markousi 1:35, neng gômte ne mhente menge :

Yéso le gre la te ne gre tam ne pe gre priya ?
O fing ne yô tam ne pe gre priya tchweke ?

SHE PÔ GÔM GE : “Priya te kwite kwaʼ nyenyô pe, a be daʼ ne ne naʼ djouʼ ne o pepoung.”

O fing ne ghôm ge ke bi taʼ mo ye é ghôm poʼo a ?

YE NE KHAMTE

Mpriya mye a fe kwaʼ tchum mtum pe a, gre ge pe fouʼte ne yôkpe ha beng Si. A ha hwite tchum mkwègne môkpe neng be ha guʼ ye a tcheng bi pe te pe ne boung bi Jéova a.